اولا بقول كلمة ف خاطري من زمان ودي اقولها والله الشاهد ماهي مجاملة لاي وحده فيكم بالعكس من قلب صادق وكلمة حق من يوم دخلت هذا المنتدى ومن خلال متابعتي لمواضيعكم وردودكم على بعض واحس من جد كانكم اخوات ماشاء الله واحسن من الاخوات بعد من جد شي يفرح القلب يكفي انه حتى الوحده لو ماكان عندها تعليق تكتب لك دعوة هذي لوحدها تسوى الدنيا ومافيها الله لايغير عليكم يارب ويرزق كل وحدة فيكم اللي تتمناه يارب العالمين.
ثانيا: انا بكريه وقرب موعد ولادتي مشكلتي خوااااااااااافه يمكن طبيعي هالشي بس بسألكم هل ممكن يكون معي مرافق وقت الولادة سواء زوجي او امي يمكن اتطمن شوي لومعاي احد لانه فالمكان اللي انا فيه كل مااروح مستشفى واسأل ممنوع دخول اي احد غرفة الولادة اللي عندها فكرة تقول لي الله يسعدكم
للعلم بس انا في مدينة ابها اللي تقدر تفيدني اكون شاكرة لها
الله ييسر لكل أم ولادتها ويرزق كل من تتمنى الحمل يارب انك قادر على كل شيء.
اتمنى تدعولي ولو بظهر الغيب.
modi1405 @modi1405
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
بحكم انك بكريه فاكيد ماتعرفين نظام الولاده بعد
الولاده شدتها وهمها وقت الطلق وفي هذا الوقت تكونين محتاجه احد معك زوجك امك اختك عشان يقرون عليك ويطبطبون عليك
وفي العاده المستشفيات يسمحون بوجود مرافق لان الدعوه مطوله فلازم يكون معك احد
اما وقت الولاده اللي هو خروج البيبي فهذا الوقت صدقيني ماراح تكونين محتاجه لبعد الله سبحانه غير الدكتوره والممرضات لان هم اللي راح يوجهونك وانتي بتكونين لاهيه اصلا والشخص المرافق ماراح يقدر يفيدك بهاللحظه اي شي
نظام المستشفيات مختلف في بعضها ترفض وجود مرافق وقت الولاده وصدقيني هذا افضل
والبعض يوافقو انه يكون موجود بس بينكم ستاره بس متواجد بنفس الغرفه بس يمكن زوجك يبصبص من وراء الستاره والعالم لاهيه ويشوف كل شي واحتمال يكره الجماع لان بعض الرجال يصير لهم موقف بعكس البقيه
وبعض المستشفيات الدعوه فرري على قولتهم احنا نظام امريكي وعادي وجود مرافق يتفرج على كلش
هذي المستشفيات الموجوده عندنا بالرياض اما ابها ماعندي فكره بصراحه عن نظامهم انتي استفسري من المستشفى اللي تراجعين فيه بس نصيحه لوجه الله من اختك خلي المرافق معك بس وقت الولاده لحالك
وربي يسهل عليك واتمنا اكون افدتك