انا بكر وهذا وضعي

بنات تعبت نفسيا من اهلي احس كارهتهم
وخاصه تعامل امي معهم ماقولكم اني اكرهم كشخص
لا اكره افكارهم وحركاتهم معي ببداء
ب امي
امي الله يهديها من كنت بزر لاني البكر عينها بس علي
لدرجه صرت اشك تغار مني تقارن نفسها فيني بشكل
كبير وتغار لما مثلا البس قصير تجلس تهاوش
تقول عجوز هذا كبرك وهذا لبسك او مثلا اشتريت
عبايه ملونه تعصب وتحلف مالبسه حتى بالسفر تقول
بتفضحنا بالناس شوفي فلانه وعلانه اللي بعمرك وشلون
عاقلات انا لو هذا طبع امي مع كلنا يعني حتى
مع خواتي كان قسم بالله ماتحسست
ولا زعلت ولا اشيل بقلبي لكن خواتي ماتقولهم
شي كان ماعندهم ام خواتي يسون اللي يبون ويلبسون ويكشفون واذا قلت لها
قالت تغارين يالعجوز منهم هم صغار!!
وخواتي وحده ٢٢ووحده٢٠
وين الصغار بالموضوع ؟؟
الشي الثاني
كارهه كوني البكر
احس امي لما جابتني ووصلت المتوسط مدري سادس
انبسطت حطتني ام ثانيه ماغير كانت تولد وانا اربي
كنت طفله انا ابي من يحتضني ويربيني لقيت نفسي
أربي اخواني وخواتي
والبيت والتنظيف والطبخ كنت أم بعمر ١٢سنه !!
وياليت على كل اللي اسوي لها
شفت حب وحنان
لا جافه معي بشكل ماتتخيلونه
لما كنت صغيره يعني بهواش سوي. امسكي
تطلع كل حرتها فيني كبرت وكبرو خواتي وهم معتبرين
اني امهم مو اختهم لدرجه للحين
معتمدين علي بكل شي بكل شي طبخ تنظيف

حتى مواعيد خواتي ليزر
او سوق
يرفضون يروحون لحالي
وتقولي روحي معهم!!
سوي لهم حطي لهم
صرت كاني مبرمجه كانه شي اجباري اسوي لهم
حتى اختي لما ارفض اسوي شي تنشب بعين تعرفوو
اسلوب النشبه اللي ودك تصارخين من الضغط
عليك وامي تنشب من جهه سوي لها حطي لها
يعني امي معها لو رفضت امي نفست علي
انه ليش ترفضين تروحين مع اختك
او تسوين لاختك
كذا امي اهم شي بناتها وانا كاني بنت للبطه السوداء
اكره نفسي بشكل بسبب اني البكر وللأسف
لدرجه شكيت لوحده قالت مو انتي بس
دايم اغلب البنات البكر كذا وضعهم كانه تجيبها الام للحياه عشان تكرفها!!
وتحطه زي الشغاله لها تبي كل شي عليها
بعرف بعض الامهات اللي ماتتحمل
ليش تتزوج وليش تجيب عيال اذا بتخلي
بنتها تتحمل
وهي طفله كان ماتصدق تجيب بنت بكر عشان
تخليها خدامه ببلاش