أم فارس 999 @am_fars_999_1
عضوة جديدة
انا بموووووووووووووووووووووت خلاص قربت انجن
السلام عليكم
راح ادخل على مشكلتي دغري على طول ..
مشكلتي اللي مو عارفه لها حل نهائي نهائي واللي يساعدني ربي يجزيه الجنه يارب
انا تزوجت عن حب الحمدلله وحياتي مع زوجي اروع مايكون كنت طاايره فوق في العلالي مدري عن الدنيا شي لين ربي رزقني بالحمل ولاحظت تعلق زوجي فيني اكتر واكتر وانا اهلي ما اقدر اروح لهم الا بالطيارة بعيدة المنطقة عننا ..
وكان مايرضى اروح ازورهم من خوفه عليا .
وولدت الحمدلله جبت ولد نسخه منو كربووون قد ايش فرح قد ايش طاار من الفرحه قعدت عند اهلووو كم يوم وسافرنا بعدها عند اهلي
لكن حبيبي زوجي نسيني بالمره ولاعاد يجي يزورني بس يقولي افتحي كام اشوف الولد ولا ارسلي وسائط صورة الولد وكلف على نفسو يشتري شي لابنوه زي حفاظات ، حليب ، وغيره من اغراضي كلها اشتريتها وانا بثامن بس خلصت وكنت استحي اطلب من اهلي يجيبوا
وبعد ما الحيت عليه يجي جااه بالموت بعد 10 ايام ايش ما اشتااق لي ولا لابنوه وعلما اخذ اجازة شهر وقاعد في البيت 24س
وبعدها قالي حسافر مع اصحاابي اليابان 10 ايام وهنا انا دعيت ربي ان مايروح وانا قلت لو ازا بتروح الله يحفظك انا ما اقدر امنعك عن شي ابدا
وبعد خلصت نفاسي بيوم تغيرت لوكي 180 درجه صرت مررره جنااان وجاا وخدني وكان منهبل علياااا بس يوم وبعدها حسيت بفتوووور مو طبيعي ابدا
اولا قالي شيلي سرير الولد وخرجيه بره في غرفه تانيه ونامي معاه ولا انا اللي حخرج والله ضاااق صدري وجلست ابكي بكى ويوم شااف دموعي قالي خلاص خلاص لا تطلعي بس ازا صاح الولد اطلعي بره على طول عشان انا عندي دوام..
وكل مايقربني ويبغاني يصحى ابني يبكي كزا مره والله اني ارضعه واروشوو وبرضوو ابني يستقعد علياا من يشوف زوجي يبغااني يصحى ويبكي لين زوجي طفش وصار يسهر بالساعات على الانترنت ..
وحتى لو نام ابني بدري وجيتو لابسه وكاشخه وريحة العطر مليون يقولي مو وقتك مالي نفس مالي خلق انا كدا ماابغى هدا الشي مو غصب ويعصب لمى اطلبه ولا ابغاه
احيانا نجلس اسبوعين او اكتر كذا اصدقااااااااااااااااااااااااااء تخيلووو
انا مايهمني الجنس ابدا
بس ابغى حنان ابغى كلام حلووو ابغى غزل
صرت والله انا والكنبه وااحد
بالاول لمى اكلمووو كل حواسوو معايا دحين يقولي ايوا ايوا واقولو سامعني يقول ايش كنتي تقولي معليش ماكنت مركز كنت اشوف الاخبار آآآهه
وبعدها قل الاحترام صار مايحترمني يحط رجولو في وجهي بس انا ما اسكت اقولو حبيبي نزل رجولك ؟؟
ورجع يدخن تااني بعد ماقطع التدخين يوم عرف اني حاامل..
ولايخرجني من البيت وازا طلبت نرووح مطعم قالي اوووووووووووووف الولد بس يبكي ويفضحنا ومدري ايش خلاص انا اجيب لك هوا بالبيت قلت لو نفسي اشم هووواا قالي لاء الولد يفشلنا بس يبكي..
زوجي تغير صار واحد تاني لمى اطبخ ما يمدح طبخي ولايشكرني وحاطط كول حاجه على راسي تخيلو مايبغى يودي ملابسو المغسلة انا اكويها واغسلها وعلقها وابخرها وانظف البيت وابني شايلتو احلف لكم بيدي وبس يبكي وابني مدري ليه زنااان بس يبكي ..
ومع هدا ما اهملت في نفسي دايم استقبلو من الدوام بوجه بشووش واضحك واضمووو لكن يبعدني عنوو يقولي حرر وانتي تضمني بعدي يا شيخه
مره لبست قميص نوم وتعدلت وسويت له حركات وشموووع وهو كان عند اصحاابو وحطيت ابني عند اختوو رجع قالي يووووووووووه والله تعبااان وابغى اناام عندك التلاجه مليان خيار وجزر
" عذرا على هالكلام"
بس والله حسيت نفسي قذرة منحطه بنت شوارع تمنيت اموووت وانتهي من الدنياا..
مارديت ولا بكلمة لبست روبي ورحت غرفتي ابني وصليت عشان ما ابغى ابكي خلاااص وكنت مقهووورة قهررر
وفي الصباح سويت له احلى فطور وقعدت اضحك معاه ولا كانو صار شي وبعدها قالي سوري امس كنت تعبان ؟؟
وشي تاني انو انا منطقة وهو من منطقة ودايم يتريق على كلامي ويضحك بصوت عااالي ويحرجني مو كدا يقولوها كدا يقولوها
وانا الحمدلله جامعية واعرف انجلينزي كووويس
بس دايم يقولي شهادتك ياماما علقيها بالمطبخ طيب .. لان جامعتك فاشلة غير معترف فيها .. ولاتزعطي عليا بكم كلمة انجلينزي ترااك ماتعرفي شي
حتى مره جارنا هندي قال لزوجي خلي زوجك تتعرف على زوجتي لاننا بغربه قالو زوجي اصلا زوجتي ماتعرف انجلينزي ؟؟
صدمني لمى قالي كدا ؟؟؟؟؟؟؟؟؟؟
ولمى نشوف فلم ولا نروح سينما يقعد يترجم ليا وكاني هبله ما اعرف ولا كلمه ويقولي قال كدا وقال كدا وانا اطفشششششششش مررره
لمى البس عاري وشي مغري صار عادي ولا كانو يشوف حااجه
وبس يتغزل بالممثلاث ودايم اشوفو بالخفيه يحط مقاطع رقص بالنت واشوفوو رايح فيهاااا ..
ومره قلت دام يحب الرقص برقص لوو واول ما شغلت مصري قالي لالا لا ترقصي قلت ليش قال ما لي خلق ولا لي خلق اشوفك ترقصي ؟؟
ما ادري ليه زوجي تغير بعد ما جبت الولد هل هو متقرف مني لانو ارضعه واغيرله واروشوو ؟؟
وانا كنت مليانه قبل الحمل وهذا طلب زوجي اني اكون مليانه بس من الهم والتفكير نحفت مررره ويقولي دايم اسمني زي اول ارجعي زي اول اقولو طيب طيب
والله عمري ماجرحتو ولا قللت من مكانو باي كلمه ..
وحاطتو فوق راسي..
وانا تقريبا كل 3 شهور ازور اهلي هوا يوصلني بالطيارة يجلس معايا كم يوم ويرجع عشان دوامووو واقعد كدا 4 ايام ولمى يجي استقبلوو ابوسوو على خدودو
كل مره لين دوبنا من كم يوم لمى صار عمري ابني سنه
يقولي بلاش البوس طيب
مو حلوة قدام اخوانك الكبار واوبوكي احس مالو داعي طيب يكفي مصافحه باليد ؟؟؟
اقولو ليش ايش غيرك قال بس كدا مافي شي انا حر عندك شي ؟؟؟
وغير كدا هو من يوم الخطوبة ويزن عليا يبغاني البس عباية الراس وانا مو مقتنعه لانو عمري ما لبستها في حياتي لكن ربي هداني يوم كنت حامل ورحت فصلتها من وراه مع امي بدون مايدري ويوم جا ياخدني من عند اهلي شافني كدا بغى يموت كان شويه ويبوس راسي
لكن آآه
دقت المر منها ، كل شوي يقولي كان شكلك غبي بالاول وكانك قنفذ احمر
وكانك صايعه
وحقت ترقيم
وكانك شحاته
وكانك مشروم "فطر"
غبي شكلك
كنت اتفشل اخدك معايا مكان
وبالاخير صار من يشوف وحجه بالسوق لابسه كتف يقولي شوفي شوفي كنت زيها غبيه عبيطه هبله
آآه ياربي والله طفشت من حيااااتي ..
ومايمسك ولدي نهائي يقول هذي مسؤوليتك والله تعبت واعصابي انهارت
الله يخليكم ساااعدوني
هو ليش كذا تغير عليا
احس اني في حلم مو مصدقه عيوني ليش كدا صااار ؟؟
113
15K
يلزم عليك تسجيل الدخول أولًا لكتابة تعليق.
أم ريما2009
•
ياقلبي عليك والله اني حاسه فيك الله يهديه ويسخره لك يارب عليك بالدعاء اخر الليل والاستغفار
يا الله يعينك خيتو للرفعيا الله يعينك خيتو للرفع
يابعد عمري والله
حاسه فييك بس
لازم لازم تتغير الحياة بعد الطفل الأول بالذات
وحاولي تحطي طفلك بعربه وتمشي فيه بالبيت رااح يسكت ويحب العربه (عربه الطفال) وراح يريحك من شيله ويشوفك بالبيت
الله يكون بعونك حبيبتي
حاسه فييك بس
لازم لازم تتغير الحياة بعد الطفل الأول بالذات
وحاولي تحطي طفلك بعربه وتمشي فيه بالبيت رااح يسكت ويحب العربه (عربه الطفال) وراح يريحك من شيله ويشوفك بالبيت
الله يكون بعونك حبيبتي
الله يعينك والله مادري اش اقولك بس لازم تقعدي انتي وياه وتساليه وش الي مضايقه منك بس بتفاهم من غير عصبيه
الله يجعلك اجمل الجميلات في نظره
الله يجعلك اجمل الجميلات في نظره
بابريكا
•
معلش بس انت وش حبيتي فيه هالتافه ,,؟ وعلى فكره اظنه يشوف افلام اباحيه ويفرغ فيها ,, اظنه ؟ الا اكيد
الصفحة الأخيرة