اختي ازا بدك المنسف على الاصول فاتبعي طؤيقة الاخت نور الفجر ونصائح دندوش وخزامى الياسمين
لانه هيك الطريقة للمنسف الفلسطيني والاردني ما في لا بيض ولا زينة على الوجه الا اللوز والصنوبر والبقدونس وبس
ازا بدك ولا بد تحطي شي جنبه حطي زيتون اخضر وبصل اخضر وجرجير فجل وفليلفة هده بتكون جميعها في صحون مو سلطة
وعني انا انا بخلي اللحم يستوي مع اللبن وهدا الاختلاف بين طريقة اهل الاردن وطريقتنا الفلسطنيين يعني اللحم بيطبخ مع
الكشك والي هوا نفسه الجميد
توكلي على الله وما تخافي لا صعب ولا ما يحزنون اصلا اسهل طبخة للعزايم المنسف بستغرب من الي بيحكوا صعب
والله يبيض وجهك يا رب
الصفحة الأخيرة
اول شي بتسلقي اللحم لحاله مع بصل عشان الزنخة تبعة اللحم تروح وللا تحطي ملح بالمرة لان اللبن الجميد مالح وحطي بهارات بس حب واوعك تحطي بهار مطحون لان لون اللبن راح يصير على سواد
بعدين بتكوني نقعتي رز صنوايت لان مابنفع معه رز بسمتي ابدا
لما تحسي اللحمة شوي وبتستوي حطي اللبن يا اما جميد متل الكرةشكلها بتنقعيها بمي سخنة بعدين بالخلاط بتخلطيها عشان ما يكتل معك وبتصفيه قبل ماتحطيه عاللحم او لبن جميد سائل يفضل لبن جميد الكسيح وضلك حركي اللبن عان مايفرط معك بس شوي شوي وبس المرقة عشان اللحم مايتفتت معاكي وحركي لما يغلي اللبن بعدين انشلي اللحم وغطيها بالقصدير عشان ماتنشف وتصير ماسكة
اخرشي بتحطي بالسدر خبز الشراك وشربي شوية لبن بعدين حطي الرز بعد ماطبختيه وبعدين اللحم عالوجه ورشي بقدونس مفروم خشن مش تفرمي ناعم ورشي المكسرات المقلية بس لوز وصنوبر وشربيه لبن شوي عالوجه وغطيه بالشراك
وبما انه المنسف مابينحط اي شي معه بتشرحي بندورة يعني شرائح مش فرم وشرحي فليفلة وشرحي بصل
وصحتين وهنا
واي سؤال اناجاهزة