انا بين الحيا والموووووووت .. واللي مابتدعيلي بزعل منها

اللي تقرا موضوعي بلييييييييييز تدعيلي من خاطرها انا مالي غيركم وغير دعواتكم :( انا حاسة باحباط شديد واكتئاب
بنات والله انا ميتة قهر وماعندي حد غيركم اشتكيه .. انا يوم اتزوجت زوجي كان وايد حنون عليه ووايد يحاسب على مشاعري ودايما يالس في البيت مايطلع ولا يسهر برع .. حتى الكل يستغرب منه ..

الحين تغير عليه 180 درجة .. صار ابدا مايحاسب على مشاعري وصار دايما يردد هالجمل : انتي مابتقوديني .. وانا ريال البيت وكلمتي اللي تمشي .. وصار متسلط واناني لدرجة فضيعة .. احس جنه حد خرب مخه .. حتى دايما كان ياخذ رايي في كل شي .. اما الحين ماياخذ رايي ابدا ..

بنات لاتقولولي اصبري ترا مشكلتي مب من النوع الصبور .. ساعات افكر اشرد من بيته واسير مكان مايعرفه ولاحد يدل عني .. ودايما افكر اني ابا افترق عنه لانه صاير ماينطاق ابدا ..

صار دايما برع البيت ويسهر ولاجنه عنده حرمة في البيت.. لاتقولولي بعد انه يمكن يخوني .. لا انا اعرفه مايخوني وماعنده سوالف البنات او الحرام.. كل طلعاته بس وي الشباب ربعه او اخوانه..

حتى قبل على الاقل كان يخليني اطلع اتحوط الحين ابدا مايباني ارفه عن نفسي بس يباني احبس عمري في البيت بهالملل.. شو اسوي اوفففففففففففففففففففف .. والمشكلة الكبييييييييييييييرة اني حاااااااااااااااااااااااااااااااااااااامل في الرااااااااااااااااااااااااااابع ووالله كااااااااااااااااارهة حملي ودايما اتندم على هالحمل واتمنى اني مب حامل او انه يطيح البيبي باي طريقة .. ما ابااااااااااااااااااااااااااااه طول ما زوجي بهالطريقة .. حتى بنتي ما قامت تلاحظ غيابه واتعودت..

وانتوا اتعرفون الحمل كيف يخلي الحرمة عصبية .. ويقولي انا مب مستعد اتحمل عصبيتج خليها لنفسج :(



والله لو يخليني اطلع على الاقل على كيفي او اشتغل او اسوي اي شي يشغلني من الملل ماكنت بزعل وبيكون عادي عندي يطلع ولا يرد .. بس انا فاااااااااااااااااااااضية ماعندي شي اسويه ومافي شي يشغلني دايما ايلس افكر .. عيزت وانا اكلمه في هالموضوع وماشي فايدة يقولي بيتغير لكنه يتم نفس ماهو..

المشكلة ماتوقف هني بس .. هذا غير اهاناته لي ويوم اقوله اي شي يقول انتي غبية ويصغرني .. وهذا غير يوم اعطي رايي يقول كلامي كله غلط .. وهذا غير انه مايسمع اي شي اقوله ويعتبرني تافهه..

الحين ليش كل الناس تقول عني ذكية وعاقلة وفاهمة وهو الوحيد اللي يستهين فيني ويصغرني ؟؟

اباكم تدعووووووووووووووووووووووولي الله يخليييييييييييكم بنات ادعولي الله يهدي زوجي ويرجعه نفس قبل واحسن من قبل .. ادعووووووووووولي بليييييييييييييييييييييييييييز .. والله لايبلي اي وحدة فيكم باي مصيبة انشالله والله يخليييييييييلكم ازواجكم ويحبب بينكم يالمتزوجات والله يرزق العازبات بأزواج حنوووونين وطيبين امييييييييين