حبيبتي واضح انك تمرين بحالة اكتئاب وحزن,,اول شي لازم تبددين هذا الحزن بشي واحد هو الاكثار من الدعاء والتهجد بثلث الليل الاخير

وقراءة القرآن والتسبيح والتهليل,,

ولازم تحددين هدفك هل انتي فعلآ راضيه مع زوجك هل عندك الرغبه بالاستمرار معه مهما كانت العواقب..استخيري للتضح لديك الرؤيه

وبالنسبه لاهلك لازم تكونين حازمه معهم وقوية الشخصيه ولاتسمحين لأحد ان يتطاول عليه او يستهزأ به..

اذهبي لهم بزياراتك عادي ولكن ما ان يبدأ الكلام فيه اتركي المكان فورآ,, عوديهم على احترامه او اجبريهم على ذلك..

والغلط الكبير الذي ارتكبتيه انك تنقلين كلامهم هذا يوغر الصدور ويسبب العداوه ويدخل زوجك في دوامة حزن وعدم ثقه بالذات وقد يسخط على وضعه وحياته

حبيبتي حتى اكون صادقه معك..لابد حتى ترتاحين ان تكونين اكثر وضوحى وتحديدى لأهداف حياتك,, واكثر رضى وقناعه فالرازق الله

اكثري الاستغفار,,اكيد تعرفين قصة الرجل الذي كان يريد المال والابناء و..و.. ونصحه الرسول عليه الصلاة والسلام بالاستغفار

(فقلت استغفروا ربكم انه كان غفارآ يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارآ) نوح 10_12

اذا انت تحبينه لايهمك احد اهم شي راحة البال وحده زوجه مايجيه عيال ومدلعها لدرجة انه مسكنها فوق اهلها وطلبت الطلاق تبي عيال واخذت واحد وجابت عيال لاكن وش الفايده هي هالحين عند اهلها بمشاكل مع اخوانها وحريمهم

مادري شقولك بس بكرة بتندمين ان ماعندك ضنى انفصلي احسن

من رايي انك ماتجيبن طاري زوجك عند اهلك ابد
وكذا تكبرين بعينه
ومن ناحية الطلاق ارفضي اذا انتي تحبينه
وهو يحبك تمسكي فيه قليل هالايام من يحب
زوجته باخلاص واذا على الفقر ربي اللي يرزق
وماتدرين يمكن تزين حالة زوجك وتتردى حالة اهلك
ويصيرون هم المعتازين فكري ان ربي خلقنا بهالدنيا
وماهو بمضيعنا واذا على الاطفال تمنيهم بالاخره يالغلا

الله يفرجها لك يارب العالمين
توكلى على الله ولا تشيلين هم
واعلمى ان رزقك بيد الله سبحانه وتعالى وليس بيده ولا بيد اي انسان
وماشالله عليك والله انك خوش مره متمسكه بزوجك
اذا يحبك وتحبينه
الله يخليكم لبعض ويرزقكم من حيث لاتحتسبون