انا تزوجت زوج أرمل واعاني من المقارنه افتوني رب يسعدكم

السلام عليكم ورحمة الله وبركاته
انا تزوجت رجل بيني وبينه عشر سنين تقريبا
عاش مع زوجته عمر وجاب منها خمسه ولدين وثلاث بنات وتوفت رحمة الله عليها .. وتقدم للزواج عندنا وانا وافقت لانه عمري 37 سنه .. وماعندي فرص كثيره .. واخواني كلهم متزوجين جالسه عند امي وابوي كبار في السن المهم استخرت الله وتمت الزواجه بسرعه في خلال اسبوعين..
اهله كثير وقبيلتهم مرررره كثير ماشاءالله وضيوف زوجي كثييير وهو الابن الاكبر لاخواته واخواته كلهم متزوجات بس دايما يجون عنده.. وكلهم اقارب في اقارب مايتزوجوا من بعيد انا تقريبا اول غريبه تدخل عايلتهم
الانسان ماشفت منه الى الان الا كل طيب ولاكن اعاني من مقارنتي بالزوجه الاولى الام .. في كل شي
هي كانت انسانه نظظظظيييفه جداااا وعصبيه وقويه بس انا كل هذي الصفات مش فيا واسلوب حياتي عشته عند امي وابوي يختلف كليااا عن معيشتهم ..
حاسه بصعوبه مع التجانس مع وضعي الجديد
حتى ضيوفهم لما يجون يطالعون في كل شي ويقولوا الله يرحمها كانت وكانت .. وهيا بنتهم في النهايه
العيال والاهل كلهم محسسيني اني لاشيئ انا عندها 😢
هو نادرا ما يقارني بها .. بس يقلي انتي فيك مميزات احبها ماكانت في زوجتي الاولى .. وارتاح لما يقلي كذا بس اللي حوله لا العكس بس شاهدين على طيبتي ..
انا عايشه وكل شي حولي حقها موجود اثاث بيتها كامل ومطبخها واوانيها وغرفتها حتى ماخرجوها .. كل شي حقها موجود .. مافي الاغرفتي هيا اللي جديده كل شي حقها وباسمها
حاسه انه البيت مو حقي ولا انا صاحبته ومااقدر اتصرف فيه
بالنسبه للحاله الماديه هما ناس مرتاحين انا جايه من وسط متوسط جدااا وما املك الكثير .. ف اكيد يقولوا هيا وين تحصل او هاذا اللي يخطر في بالهم .. الاثاث فاخر بس مافي شي في هذا البيت انا اخترته .. كله اختياراتها واثاثها ..
طلبت من زوجي يغير الاثاث بس قال لي ان شاءالله بس مش الان .. حتى لما احتاج شي يقلي بعدين مو الان .. هو شخصيته قويه نوعا ما. واخاف منه واستحي اطلب شي اخاف يقلي مافي او لا كفايه اللي عطيتك هو .. حاسه بصعوبه في حياتي وانا لي الان سنه ونص معاهم
اللي تقرا قصتي بالله يا ترد عليا وتقلي ايش اسوي او تدعي لي "
مدري ايش اسوي .. ماقدر اغير من اطباعي او اغير من شخصيتي.. عشان تساعدني اني اغير كل شي حولي مو عاجبني .. او ع الاقل عشان اعيش مرتاحه