نونا تسلمين اختي على اهتمامك ونصيحتك الغاليه

اهلين اختي لايضيق صدرك مثلك كثير ولازم تتاقلمي مع الوضع ويصير عادي بصراحه زوجي مثل زوجك لكن مابيدي شي والشكوى لله ليش انتي مكبره الموضوع وتفكرين بالانفصال اكيد فيه شي مشغل باله يابناء او انه عنده التزامات ماليه لازم يسددها او مضغوط بالعمل لاتفكرين بشي مو زين لك ولاولادك والله يعينا وياك اشغلي نفسك باي شي بالنسبه لي القى وناستي في هالمنتدى والحمد لله على كل حال:26:

مسا الورد...

كابتشينو اتمنى ان تكون الغمة انزاااااااااااااااااااااااحت ورحلت لمكان مجهول ان شاء الله

تصدقين.. مررت بنفس الموقف تماماً... الغربة والبعد عن امي غاليتي .. واهمال زوجي لي
تدرين ,, ما بقى قدامي الا المواجهة والمباشرة .. بعيدا عن الكل ..

وقتها كان عندي طفل واحد..

لدرجة انني طلبت الطلاق لانني كنت احس انه لن يتغير..

وعندما طلبت الطلاق... تخيلي وش صار؟؟؟؟؟؟؟





قعد يبكي تقولين طفل صغير... بس لما طلبت الطلاق طلبته بالحاح وباصرار مولعب عيال.. يعني خلااااااااص لا رجعة
لاني تعبت من حياتي المهملة معه .. تعبت من تصرفاته معي امام الكل..

وبنصيحة من اختي الغاليه .. قالت عطيه فرصة ... فرصة واحده واذا ما تغير .. بيت اهلج موجود..


الان انا في سنتي التاسعة معه.. ولدي اربعة اطفال...

بتستغربين ...

تغير 360 درجة والحمد لله .. طبعا مو مره وحده... لا بالتدريج

حياتي الان هادئة الحمد لله ... فيها بعض المشاكل ولكن البسيطة التي تمر كمرور الرياح ...

عليج بالصبر والايمان بالله وحده...

والمواجهه.. ولا تخااااااااااااااافين .. وطلعي اللي في قلبج ..

لان كثر الكبت يسبب المشااااااااااكل.. والمشاكل التي لا تنتهي

.. تمنياتي لج بحياة هادئة ... جداً في حضت عائلتك


ق

الله يكون في عونك فتره وتعدي بس كثري من قراءالقران وعلى طول شغلي قراءن في بتكم يمكن تكون عين ما صلت على النبي
وموضوع الانفصال مو حل بل عكس بيزيد المشكله لانه ممكن يكون زوجك يمر بضروف ولا حاب يقولها لك وبتصغرين في عينه لانك ما وقفتي معه
والبنات ما قصرو يعطيهم ألف عافيه

وش هالكلام اللي تقولينه يالغاليه؟؟
اوكي ممكن زعلانة وطفشانه وكارهه الدنيا..
بس عاد إنفصال مرة وحده؟؟
بلا سبب واضح!!!
يعني حتى لو زوجك أخطأ خطأ فادح..واجبك تسامحية..
فربك غفور رحيم وأنتِ بتكوني شديدة العقاب!!

غلاي..
اللي يقول الحياة الزوجية كلها سعادة وراحة بال ..كذااااب..
لابد مشاكل ولا بد زعل وتوتر..
ولا بد يتصرف زوجك تصرف مايعجبك..
وممكن هو يشوف نفس الشي..
ممكن ملاحظ عليك كمان أشياء هي سبب بروده وصمته..

فأنتِ لاتخلين أبليس يلعب بك وتفكيرك ..
لانه من كثر ماوسوس بك شوفي كيف وصل للي يبي..
وهو أنك تفكري بالإنفصال..!!

تعوذي منه وأتكلي على ربك..
وأنتِ بعد حاولي تحلين الوضع من جهتك..
أبعدي عن تفكيرك وأوهامك ومحاولة وضع زوجك تحت المجهر..
ولا تحملينه أخطاء غيرة..
غيري أسلوبك ونظرتك السوداوية..
عيشي حياتك متفائلة وسيعة صدر..
حبي زوجك عشان يحبك..
وعاملية بلطف وأريحية بعيد عن المشاكل والشكوك..
حتى ترتاحين نفسياً وينعكس عليك وبالتالي تدفعينه لتغيير وضعه معك..

الزوج مهما كبر وأستقوى مثل الطفل..
لما تلعبين معه وتضحكين وتغرينه بالحلوى ينبسط بك ويبكي لغيابك..

ولما بس تعاتبينه وتزعلين علية كل لحظه يعاند ويستكبروتأخذة العز بالأثم..

مع تمنياتي لك بالتوفيق,,