انا تعبانه من زوجي ؟

اهلين حوائيات تعوفون انتم خواتي الي ماولدتهم امي عشا كذا ودي افضفض لعل وعسى احد يشور علي كيف اتصرف انا وزوجي من تزوجنا مشاكل والسبب كره اهله لزوجت الولد -اصدقاه الي حاطهم رقم واحد في حياته والسهر معهم الين الفجر -شخصيته وشدته تخيلوا بنات يتدخل في عباتي اذا جيت افصلها ويطلب من راعي المحل تكون وسيعه يدخل معي ثلاث اشخاص وجزمي ما يخليني اشتري كعب مسح وشبشب والحين جاني مشكله في رجلي اعالجها وقالي الدكتور لازم تلبسين لو كعب شوي -غير انه ما يعرف الكلام الحلو من اخذته ما سمعت حبيبتي ولاعمري ولاشي من هذا وفوق هذا يسبني ويحاول يبين لي انه مو مقتنع -في الفراش دايم يبين انه مايبي الفراش من حنا في شهر العسل قالي ترا انا مالي في الفراش -مسكني مع ابوه مطلق امه من عمره خمس سنين واذا طلع وجا من اصدقاه قعد يكذب علي وقال ان زوجتك جت لمي وتكلمت علي وانا ما امر من المكان الي جالس غير اني اذا جيت اكلم في التلفون اشوفه يجي يوقف ورا الباب يتسمع علي واسكت وفي الفترة الاخيره من شهر صارتعامله يسوء معي صار بخيل واذا دفع فلوس للمستشفى جلس يقول خليتيني ادفع لك قلوس واذا طلبت شي لبس ملابسه وراح نام برا صار له سنه ينام برا وصار ما يدق على جوالي حتى مرة دقيت ورد علي بنفس شينه وش تبين داقه انا اصلا جاي البيت بس مادام انك دقيت ماراح اجي وهو له يوم طالع ماشفته وفي الفراش صار مايقدر ما يحس بشي حتى غيرت شكل الغرفة قلت يمكن روتين غيرت مكان السرير والتسريحه والمفرش وعطرتها ولافاد وكل ما طلبت شي طلع ونام برا وين يروح ينام ما ادري حتى ابوه اذا شافه نايم برا يمر من عندي يغني كبير عمره80واخر شي قبل رمضان قلت له اني فيني ضيقة صدر خل نروح لشي نغير جو قال عطيني فلوس السفر قلت طيب وانا ما عندي شي اببيع ذهبي واتفاجا يقول ابي فلوس ابصلح سيارتي ابغير الكفرات واشيك عليها تقريبا 2500 وانا ما عندي يبغا ابيع ذهبي واجلس ما عندي شي حسبي الله ونعم الوكيل المشكله مايدفع ايجار وراتبه عشرة الالاف ولا عمره من اخذته جاب لحم للبيت على الدجاج المجمد غير انه ما يحترم اهلي اخواني يجون البيت يطلع ويخليهم واذا رحنا استراحة اهلي يشوفهم جالسين مايسلم ينزلني ويمشي وطلبت منه قال لا مع انه ما صار شي بينهم انا ما اطهر نفسي اذا نام برا انقهر وارسل انت فيك وفيك في الجوال بس من قهره لي المهم قلت له انا ما عندي فلوس وانت عارف عساني اعطيك فلوس السفرة وانت سيارتك بتصلحها رحنا والا جلسنا قالي بس تاكلين وتشربين منت مسؤوله عن شي تدفعين وهو عارف اني جامعية وما لقيت وظيفة وش اسوي كل شي بالواسطه قام طلع نام برا وتركته واتفاجا يوم قمت من النوم عيالي يقولون بابا جا واخذ ملابسه واغراضه وطلع ماعاد يبغا يرجع البيت ارسلت له رساله قلت تعال ودني بيت اهلي قال البسوا وبجي انا العادة اروح الاثنين المهم نزلنا وسفهنا ما عاد سال عنا يوم جا الجمعه الي من بكره رمضان ويرسل خلصتوا حتى ما يدق على جوالي وسفهته ما رديت ورابع يوم من رمضان نفس الشي ارسل خلصتوا وسفهته علموني كيف اتعامل معه وادعولي الله يخليكم ؟