انا تعبانه والوضع ماعد يحتمل

بنات الله يسعدكم
انا وزوجي بينا مشكله حسبي الله ونعم الوكيل
في البدايه انا اعاني من الوحم بشكل فضيع جدا
اطبخ لزوجي وعيالي وانا حاطه الشيله على وجي وابكي من التعب والقرف ماني طايقه لاريحة عطور ولا ريحة اكل وحتى الصابون والفيري كرهتها عيالي قايمه فيهم على اكمل وجه وزوجي اسويله اكله واي شيء يطلبه من عصيرات ومشروبات وهو لاهي عنا طول النهار والليل طالع من البيت النهار يروح مزرعه يشتغل فيها والليل يروح يشتغل في السيارات يهندسها والا يسوي اي شغله يجي البيت الساعه 12 او 1 من غير وجوده اثناء الوجبات بس واحيانا يطلع لواحد من اصحابه قي الديره يطلع معاه من الساعه 11 الليل ويرجع الساعه 1 او 2 مع ان حتى صاحبه ذا متزوج وعنده عيال ..
انا تعبت من حالي كل حمل لي زوجي يهملني ويهمل بيته طالبته يجيبلي علاج للغثيان وطنش له يومين والبارح كنت عند اهلي ودقيت عليه يجي ياخذنا وتأخر وامه معاي ننتظره وانا خلاص ماني طايقه شيء امي واختي يكلفوني بأشغال وشيلي وحطي انا ماعلي من ذا كله انا اللي اتعبني اني اقرف من اي شيء وما اقدر امسك نفسي وحاليا ما ابغى احد يعرف بحملي المهم ارسلتله على الواتس بعد ما وعصبت وتعبت قلتله فيها ..
انا الغثيان اتعبني والدوخه اهلكتني والعيال طفشوني وانت مادريت عنهم كل شيء في ظهري انا اتحمل كل صغيره وكبيره وانت حتى دواء ماجبتلي على الاقل روح الصيدليه القريبه جيبه لي وانتهينا اصلا انت مو مقدرني ولا مقدر تعبي ماكأن السبب في حملي ذا كله انت مارضيت اخذ مانع وعلى كذا تعاقبني بأشغال اضافيه ومهمل بيتك واولادك ...
ماشاف الرساله ومافتحها بعد مارجعت البيت طلب مني اصلح له عشاء صلحت اللي اقدر عليه وقدمته له بعد ما اكل قلتله وش رايك تروح تجيبلي دواء من الصيدليه قال طيب وجلس ينقل في التلفزيون ويتأفف هو قبل كم يوم خربه وحذف اغلب القنوات انا ساكته ماتكلمت قالي تعالي شوفي شوكه في رجلي طلعيها حاولت فيها ماقدرت اطلعها قلتله خفت تألمك خلها وقت ثانيه لانها في مكان عميق قام طلع قال بيروح يجيب دواء وبرجع
بعد مارجع صلح التلفزيون شفناه شوي قلت انا صراحه تعبانه وبروح انام الساعه 1 هو قال يالله كلنا بنام لحقني وشفته يضغط على جواله و شاف الرساله ومارد بمعنى طنش ..
انا ماعد تكلمت فيها قول تصبحين على خير بنام
قلتله ليه تنام وانا ودي اسولف معاك شوي انا هنا خربتها لاكن مايعطيني وقت اكلمه فيه الا قبل النوم غيره يقول خليها بعدين اذا جينا ننام قولي ..
قلتله انا صراحه اشتغل في البيت فوق طاقتي واحاول ماينقص عيالي شيء بذات الصغار لاكن انا ماعد اقدر اتحمل الروائح ولا اقدر استحمل العيال كلهم فوقي انت لو تاخذهم ساعه ساعتين في اليوم تخفف علي الضغط ونتساعد في تربيتهم
قب فيني قال الله يلعنك ويلعن اليوم اللي حملتي فيه ويلعن الساعه اللي جيتك فيها 😠
من الصدمه قلتله روح نام عند اولادك لاني خلاص ماعد اقدر اتحمله قال والله لاروح وراح عندهم ما ارتاح في غرفته جلس يصارخ عليهم ونام في الصاله .
من وقتها لا اكلمه ولا يكلمني ...
كذا الوضع صعب لاهو ناوي يقدر تعبي ولا يساعدني ولا يخفف طلبات علي بس يزن يزن وعلى كذا يجيني من برى وهو عرقااان اقوله الله يسعدك روح تحمم يجلس في وجهي ويقول شوي وكل ماكلمته يقول شوي قلتله ياخذ مزيل عرق وطنش مع انه قبل كان نظيف مره الحين تغير عن قبل والله اقرف من ريحته وهو شكله يتعمد ينفرني منه .
واللي يقهر ويمغص انه في كل حمل يبهذلني واذا ولدت وقمت بالسلامه انا والمولود يجي يتدخل في اسمه ويحدني على اسم معين وهو اصلا كارهه وكارهني طول فترة الحمل ..
الحين من الغلطان فينا انا والا هو وكيف احل ذا المشكله ..
اذا سكت له راح يتمادى اكثر واكثر