انا تعبانه ورحت للدكتور بغيت اموت

بنات الله يعافيكم احد يساعدني
جتني الالام في المعده وبجنوبي يعني بين الكلى اليمنى واليسرى
ومن فوق السره
وغثيان واسهال قعد معي يومين والحمدلله وقف
رحت امس للطبيب عشان الالام المعده وهبوط الضغط
عطاني مغذي وحطولي ابرة بسكوبان في المغذي
بغيت اموت قلبي يدق بسرعه
وبعدين التنفس ضاق
واذا جيت اتكلم احس روحي بتطلع
اقول للمرضه قلبي يوجعني
تقولي عشر دقايق ويروح
قعدت 45 دقيقه اتالم
والله انا قلت بيصر فيني شي
بعدين جت الممرضه وحطت تحويل فوق بطني
وتقول نادي زوجك
والله جاني قهر
يلعبون في حسبتي وبالاخير يبون يفتكون مني ويطشوني للمستشفى الحكومي
اقولها نادي الدكتور تقول خلص دوامه انحاش عشان ماتصير عليه مسؤليه
اول مره يصير فيني كذا
الحين بدل الم المعده احس بتعب في منطقه الصدر
كاني مسويه عمليه في رئتي
ولازالت الالام المعده معي وغثيان وفي طعم غريب في فمي
اخاف انها جرثومة المعده
بالله اي احد يعرف عن ابرة بسكوبان او الالام الي صارتلي يقولي
انا خايفه ارجع المستوصف
وخايفه اسكت عن نفسي يصير في قلبي شي وش تشورون علي