اختي بندوري

والله اني حاسه فيج وعارفه كيف شعورج ..لاني تقريبا مريت بنفس ظرووووفج ..

ومن جيييه انصحج انج تحاااولين تقربين من اكثر باسلووووب الدلع وتسألينه ..

مثلا: اليوم تعدلي له وشوية مكياج خفيف واحلى لبس واهمسي في اذنيه :::
حبيبي شو اللي ما يعجبك فيني وانا عشانك بغيره وبغير كل حياتي تذكري اهم شيء الدلع لانه بيلين ان شاء الله ---->>ادري انها صعبه تقولينها بس حاووولي لانج ام عيااال عشانهم تحملي ما بتخسرين انا ادري انج تخافين من سماع نفس الاهانات بس انتي ادعي وحاوولي باذن الله بيتغير ..


ونصيحه من اخت لج في الله اكثري من الدعااااء في السجوووود
واكثري من الدعاااء في جوف الليل فالله يقرب قربي منج ويسمعج فارفعي ايدج لله عزوجل


واحتسبي كل مصيبه عند ربج

ورددي دائما :::اللهم اجرني في مصيبتي واخلفني خيرا منها :::

وايضا :::ياحي يا قيوم برحمتك استغيث اصلح شأني كله ولا تكلني لنفسي طرفة عين:::


اللهم اجعل قلب زوجها معلق بحبك وحــــب رسولك الحبيب -صلى الله عليه وسلم -والصحابه ثم بحب زوجته


وبالتوفيق لج

اختج في الله

هلا اختــــــي بندوري

ومثل ما قالت لج الاخــــت هو اللحين باشد الحاجه لوقفتج معاه ..وتحمــــلي واحتسبي عند الله ..

اذا انتي ما تتحمــــلينه فمن يتحمــــله ...اصبري

((((انما يوفى الصابرون اجرهم بغير حساب))))

فالانسان اللي عنده مشاكل وظروووف وخساره يكونون عصبين شويه فتحمـــليه

وحاولي انج تبين له انه مو هو اول شخص يخسر او يفشل وما في انسان بدأ بالنحاج من اول مره وايضا قولي انه هذي بدايه النجاح باذنه تعالى فالانسان يتعلم من اخطائه وهذي بشره بانه يمشي في الطريقه الصح وخطوه بخطوه مثل ما يقولووون وايضا قولي انج تدعين له في صلاته وليش لا .. ادعي له في صلاتج بالتوفيق وقبل ما يروووح الشغل قولي له روووح والله يوفقك وانا بيلس شوي ادعي لك وشوف كيف بيتغير ومن هاااالكــــلام وان شاء الله بيتغير بس انتي قولي امين

وبالتوفيق لــــج


اختج في الله

السلام عليكم و رحمة الله و بركاته
يا اختي اتوقع و الله اعلم ان زوجك قالك كذا في لحظه غضب صح
يعني ما يقصد و اكيد اذا صفا الجو بينكم و سألتيه هل كنت تقصد الي تقوله اكيد راح يقولك لا
و بعدين عندي نصيحه بسيطه يمكن تنفعك
يات اخت ليش كل هذا التفاني يعني زوجك له حق عليك ما اختلفنا بس ليش تضغطين على نفسك زياده علشان رضاه عيشي حياتك طبيعيه و ارضيه و ارضي نفسك لا تتكلفين زياده عن الزوم اولا لانك راح تملين و تتعبين ثانيا انك راح ما تتقبلين منه الغلط لانك تحسن انك مجتهدة له الى ابعد حد و انه المفروض يشكرك و لا يزعلك ابد
عيشي حياتك بشكل عادي ارضيه و ارضي نفسك عطيه و خوذي لنفسك انت راح تحسن بالراحه لانك ما تحملين نفسك فوق طاقتها و في نفس الوقت ما تكونين حساسه من جهته لهدرجه
و بعدين اذا صرتي مثاليه زياده عن الزوم انت تزيد عندك ثقتك بنفسك هو صح شي جميل بس الشي الي يزيد عن حده ينقلب ضده و يمكن انت ما حسيتي في هذا الشي بس لاحظي ان زوجك يقول انك تحسين انك انت الي تعرفين كل شي ؟؟؟ يعني هو حاس انك واثقه
ترى والله صدقيني كل شي الي يزيد عن حده ينقلب ضده حتى الدلع و الحشيمه الزايده للزوج
الله يوفقك و يهدي لك زوجك و يهديك له

أختي زهرهالخليج
ردّك رائع وكلامك أروع
قلت ما يجب أن يقال على لسان الجميع
أساس السعاده تقوية الصله بالله من الطرفين
وفقنا الله جميعا وفرّج الله عن صاحبة المشكله وأعاد لها السعاده وراحة البال بدوام الاٍقبال عليه وعلى طاعته:26:

اشكر كل البنات الي شاركوا في الموضوع .........من جد اشكركم لانكم ريحتوني شوي .. ..........بنات والله ادعيلكم من كل قلبي