انا تعبت مع زوجي النفسيه

السلام عليكم
بدخل بموضوعي على طول
انا تعبت من هالزوج ولاني عارفه وش أسوي اوقات أحسه نفسيه يوم السبت انا كنت عند اهلي وجاء خذاني على الساعه ١٠ كذا ركبت عادي كنّا نسولف اختلفنا على شغله وانا صدق زعلت منها قلت له لي ماقلت لي انك رحت وتضايقت وقتها نزلنا البيت واحنا ساكتين جلست نضفت شويه وعلى ماخلصت بدلت وكذا هو طبعا كان زمران بالغرفه قلت اقصري الشر يابنت وروحي له رحت له وقلت له معليش ومن هذا الكلام قلت له خلاص انا ماعندي مشكله قال لي ولا انا عندي مشكله سكت بعدها شفته ماعبرني طلعت وجلست بالصاله لحالي الين ماأذن الفجر وبعدها صليت ودخلت الغرفه بعدها جاني هو عادي مع انه كان قاهرني كنت توني جايه من عند اهلي ومخليني جالسه بالصاله لحالي كنت بتعذر له تعبانه بس بعدها قلت خلاص يابنت مشي ثاني يوم يوم الأحد صحيت لان أسبوع العيد كله ماكنت اطبخ ولاشي وهو كان دايم يصحى يقول ماسويتي غدا أقوله لا لاني كنت اصحى أبدل وَذَا وأروح بيت اهلي المهم سويت كبسة دجاج وكنت ميته جوع بس انتظرته الين صحى قام قبل المغرب بشوي راح شيك ع الغدا كالعاده كان بينزل عند اهله قلت له وانت جاي جيب معاك زبادي قعد حول ساعه تقريبا وجاء حط الزبادي على الطاوله وقال اذا بتاكلين انتي كلي تخيلوا وانا صاحيه من الظهر انطره وطنشت جاء بيطلع قلت له نزلني عند اهلي قال انتي الأسبوع ذا كله مافي روحه لأهلك قلت له ليه قال بس انا قائل الأسبوع ذا كله مورايحه لأهلك طنشت طلع ورجع طبعا انا كليت سألني قلت كليت قالي جهزي نفسج بنروح المستشفى رحنا ورجعنا وكان الوضع عادي واحنا راجعين بالطريق قالي في تحت عند اهلي صينية دجاج حطي لي منها قلت له والغدا اللي انا مسويته اكبه قال خليه حق الطيور وقسم بالله انه جاتني قمته لو أني ماكنت مسويه غدا وقتها كان صار علوم مزينا على اهله دخلت سلمت ورحت حطيت له اللي يبيه وطلعنا واحنا صاعدين فوق كان عنده فليت مال الحشرات بيرشه على الدرج قلت اصبر اصبر خلني اروح اول وعطني المفتاح لان مفتاحي كان بالشنطة بجلس احوس بالشنطه وهو مفتاحه بيده صرخ علي صرخه تخيلو والمكان اللي واقفين فيه جدار بينا وبين المكان اللي جالسين فيه اهله لان كنّا تونا ماصعدنا الدرج والله العظيم انقمت ومشيت رحت فوق وجاء يقول انتي صرختي علي قلت له انا ماصرخت انا كل اللي قلته أصبر وعطني مفتاحك قام يصارخ وليه انتي وين مفتاحك ومن هالكلام انا طنشت وجلسنا باقي اليوم مانكلم بعض واللي يقهرني انه لي صرنا متهاوشين ي طلع الفجر وقبل الفجر وين يروح مدري وامس طلع مرتين واليوم صحيت حمست حمسه قلت لي قام أكب كل شي وقام كالعاده قبل المغرب ونزل تحت عند اهله وصعد بدل وطلع ومراجع الا ع ١١ تقريبا جلس شوي طبعا ساكت ودخل الغرفه وانا بالصاله قسم بالله مليت وطفشت بالنهار لحالي وبالليل لحالي مليت والله واللي قاهرني أني ماسويت شي عشان قلت له اصبر وعطني مفتاحك سوا ذا كله والله اوقات اجلس ابكي من القهر اللي فيني حتى قبل شوي فكرت ادق على امي من الغبنه اللي فيني بس قلت الناس ليل ولا ابي أضيق صدرها علي هالحزه علموني بنات وش أسوي والله أني قبل لااكتب لكم بكيت بكيت من القهر
وأسفه اذا طولت عليكم والله من الحره اللي انا فيها