انا تعبت من نفسي

بنات سبق وقد كتبت مشكلتي هنا
انا عندي الوسواس القهري تقريبا بكمل سنتين بعد ثلاث
أشهر وضعي من إصابني الوسواس هو هو ماتغير بالعكس
كل ماله للأسفل وجاني اكتئاب بتقولون روحي دكتور رحت
دكتور متخصص بالوسواس وله اسمه مع ذلك مادري و
أقول بالعكس الدكتور احتار بوضعي كل شوي يغير العلاج
مافيه تقدم ولاشي الوسواس ماسكني مع شوشتي
آوسوس بكل شيء يخطر بالكم لدرجة ماعاد اخلي احد
يسلم علي الكل يحسب أني متكبره وانا والله حبيبه
المهم وين المشكلة الأكبر ان هالوسواس والاكتئاب
غير انه مخليني أكرهه العالم ماعاد اصحى من سريري
الا بضروره مثل الاكل والحمام وأنتم بكرامه بنات صرت
وسخه المظهر وانا من أول اهتم بكل صغيره وكبيره فيني
ولا لي خلق لحد ودايم جوالي وضع طيران عشان محد
يتواصل معي مالي صديقات خواتي اياسوا مني واستسلموا
مو من صغري لا عمري ٣٣ لاتقولون اطلعي مع صديقاتك
ماعندي أصلاً ولو حتى اطلع يسيء الوضع عندي تعبت
يابنات وادري الشكوى لله بس ابي افضفض تعبت وانا ماكلم
الا الوساويس اللي داخل رأسي أسناني من كثر مارص عليها
تكسروا اربعه وإذا جاء احد يقول سالفه عندي هذا اذا
ستقبلته مادري وش يقول ولا وش السالفة احيانا استحي
وأقول ماعليه عيد السالفة احس اني داخل غرفه كلها جدار
وانا لحالي بهالغرفه بتقولون سوي هواياتك حاولت أسوي
قبل عندي هواية ولا قدرت أكملها من الوسواس الي سيطر
علي ادري ان موضوعي متلخبط بس ابي افضفض