انا تعبت نفسيآ وابي حل

السلام عليكم ورحمه الله وبركاته

انا لي مواضيع كثيره هنا واللي تابعني اكيد يعرفني
بدايه السالفه انا لي سنتين اقول حق زوجي بروح مكه ابي اعتمر لان برقبتي عمره عشان اخر مره رحت وبنص العمره جتني الدوره ولما سالت المشايخ قالوا لازم اذبح دم بمكه وارجع اعتمر
المهم قبل ثلاث او اربع اسابيع رحت لاهلي اسبوع وتفاجائت برساله بالواتساب انا بروح اودي اهلي يعتمرون لهم فتره يقولون ودنا
سويت سالفه وزعلت وجاء اخذني من اهلي ويقول اوعدك اني بوديك بس اصبري علي شوي
سكت وقلت اصبر
اليوم كان فاتح نظام ابشر يسوي تجديد لرخصه السياره وخلاه مفتوح يتقهوئ اخذته وشفت انه من تاريخ زواجنا الئ اليوم 4 سنوات زواج مسافر 56 مره
طبعااا البحرين كانت اكثر شي وقليل مره اللي اروحها معاه يعني كل 4 او 6 شهور مره
وعمان والهند وماليزيا والامارات وكلهم علئ مرتين وثلاثه
هاوشت وزعلت وقالي موعاجبك بيت اهلك مفتوح وانا اغلبهم رحت مع اهلي
واهله ساكتين ولا احد تكلم وقال الئ اليوم شي
اقوله طيب انا وين بحياتك كل هذا من وراي واللي قدامي اصبري اصبري بنروح انا وياك وخرابيط
يرد بكل برود كيفي انا حر اسافر وقت ما ابي ومع اللي ابي انتي مالك دخل
سكت وبلعت موس ولاتكلمت لاحد ولا اي شي
جلست شوي جاء وقالي انتي كل شي تبغينه انا وانا
قلت انا بس ابي حقوقي غير كذا كل مشوار اخته حاليا ناطه معانا بالسياره
يقول احنا طالعين وهي تبي تشوف مشاويرها فبطريقنا تخلص اشغالها
الا متا الله اعلم ، قلت تبي تتفاهم بشروطي اختك لاعاد تطلع معانا يكفي قال طيب بكلمها
وابي اروح اعتمر يقول انتظري علي شوي انا ماعندي
قلت لهانت قبل فتره اخذت قرض وعطيته ابوك والحين احنا اللي ندفع الثمن
القسط ينخصم من راتبك ومقصر علينا بالبيت وساكتين روح اخذ منه
قام يهاوش لا مابي قلت له بيع السياره واشتر جديده سيارتنا خرباتها واجد وقديمه
قال لا ابوي موصيني مابيعها
تهاااوشنا علئ الفلوس والسياره والسفر والعمره
ورجع زعل كنه هو صاحب الحق وانا لا وراح نام بالصاله
خلااااص تعبت احس باي لحظه باخذ اغراضي بالحالي واروح عنه وبخلي له عياله بالبيت

ادري طولت عليكم وكلامي مو مرتب ومو مفهوم عدل بس والله اكتب بسرعه من حر مافيني
علموني شنو اسوي