انا تعبت و الله و بفكر في الطلاق/اخر التطورات شوفو المهزله

السلام عليكم حبيباتي و اخواتي بنات وسيدات عالم حواء
انا امس كتبت مشكلتي و عملت زي ما قلتولي قلت له انا رايحه بيت اهلي قالي انا غضبان عليكي لو خرجتي و لاجل الله وحده اتصلت بامي و قلت لها ان احنا اتخانقنا بس بدون ذكر موضوع الشتايم لان اهلي مش ناقصين وفضلت اسيب دي لما اخويا الكبير يرجع من السفر لانه بيشتغل بره فماما قالت لي انتي و عيالك و بس و خليه عايش في البيت زي الهواء و مالكيش دعوه بيه مافيش حاجه اسمها طلاق انتي عندك ولاد ولازم يكون لهم بيت و اذا هو مش عاجبه يمشي هو من البيت خاصة ان كل البيت انا اللي اثثته مش هو و تعبت من كلامها بس جالي ابني و قالي ماما احنا حنروح لتيتا علشان بابا بيزعق معلش يا ماما انا حاقوله مايزعقش تاني حرام نسيبه بعدين يتعب بالليل و مين حيديله الدواء و احنا مش هنا عندها والله قعدت ابكي و اقول يعني ناس كتير محرومه من الاطفال و اللي مش مقدرهم عنده سبخان الله كل انسان بياخذ قدره و قلت له لا يا حبيبلي احنا مش حنسيب بابا احنا قاعدين و تخيلو الفرحه اللي ولادي كانو فيها وراحو قعدوا جنبه وهو نايم سبحان الله اول مره المثل ينقلب وقررت انه من ضمن التضحيات اللي عماله اعملها للي مايستاهلش اضحي علشان عيالي
وقبل العصر بشويه صحي الافندي من النوم ولقيته بيقولي انا عايز اجيب ولدين كمان انا تنحت قلتله نعم قالي زي ما سمعتي انا عايز ولدين ذكور كمان ضحكت والله وقلتله طيب حتجيبهم منين و حتنقيهم شكلهم ايه انا عن نفسي راضيه باللي عندجي بس اربيهم كويس زي ما انا مخططه
واخليهم اخلاق و دين وعلم ورياضه واصحاء باذن الله واتنين زي كده ابرك من ميه
وكان رده كالاتي
انا الوحيد اللي في اخواتي ماعنديش غير طفلين انا عايز اكتر واذا مش حتجيبيهم انتي في غيرك عايز (وده كان تهديد حماتي ليا من شهرين ) انا حتزوج تاني قلتله انت حر بس انا لي بيتي قالي اقعدي فيه انا حاخذ لها شقه تانيه و حقسم الاسبوع بينكم قلتله انا متنازله لها عن ايامي بس خليني انا ووبلادي في سلام قاللي و انتي طبعا تعرفي تصرفي على الاولاد بس لازم ولاد التانيه يطلعو مع ولادي علاقتهم كويسه قلتله لما يجو ان شاء الله نتكلم قالي خلاص انتي موافقه اكتبي لي اقرار بكده علشان المأذون يرضى يكتب الكتاب قلت عيوني ليك انوي بس

شفتو حماتي يعني مش هاددها مرض ابنها ولا عدم قيامه بمسؤولياته ناحية بيته واولاده و لا هو قدر وقفتي معاه من اول زواجنا و لا لما مرض و لا اي شيء و رايح يدور على ولدين ذكور واحب اقولكم انهم قلبو وشهم لما كان حملي الاول وعرفو انها بنت
اللي زي ده ينبكي عليه او تكني له اي احترام انا لا اعتقد ذلك ابدا اللي زي ده منه لله وبس
انا فعلا مش باكيه عليه يروح ويحل عني و عن ولادي هم دول اهم من الدنيا كلها