انا تعبت و الله و بفكر في الطلاق

السلام عليكم و رحمة الله و بركاته
انا من فتره ارسلت لكم مشكلتي اللي كانت بخصوص ان والدي اطال الله عمره خصص لي مصروف شهري كبير بعد مرض زوجي لاني لا اعمل حتى استطيع الانفاق على الاولاد والبيت انا راضيه بنصيبي و عايشه رغم ان احيانا يكون هناك تذمر من والدي بسبب اهمال زوجي لكل شيء و القاء المسؤوليه كلها على عاتقي من مصاريف بيت او مدارس او اطفال او غيرهبس انا جايه ليكم اليوم بعد ما اتخانقت انا و زوجي بسبب اني باقول له انا عايزه اروح لامي لانها طلبت مني اشتري لها بعض الحاجيات التي لاتقدر هي على النزول من البيت لشرائها و عندها ابتدى باالصراخ و انه لايجوز تروحي لامك في رمضان و تخليني (لانه بينه و بينهم خلافات قديمه من زمان و مش بيروح لهم) قلت له انا حروح بعد الافطار و ارجع بكره الصبح ثار و هاج و قاللي احنا بكره حنفطر ايه قلت له انا حتصرف قال لي لا انا لازم اكل كذا و كذا وعد لي ثلات اصناف غير الحلويات و العصائر و احنا اثنين و طفلين مش حناكل كل ده و انت عايز كل يوم اكل جديد و انا مش عايزه ارمي اكل حرام في غيرنا مش بيشوف الاكل ده غير من السنه للسنه و احنا كمان بتمر علينا ايام بنكون على الحديده و بنقول يارب ازاي نرمي نعمته
وعندها سمعت شتايم من اقذر ما يكون عليا انا و اهلي و كل ده عند شباك المطبخ و الساعه 4.30 يعني كل الناس في مطابخها بتحضر الفطور و والله لو حد سمع الكلام ده يقول ازاي اتزوج واحده زي دي و انا ولله الحمد من اصل طيب و عادية الجمال و تعلينمي عالي و كل الناس اللي يعرفوني بيحبوني و يقدروني و فتح الفريزر و رمالي كل اللي فيه على الارض و قالي لمي الزباله دي يا...... و روحي لابوكي خليه يصرف عليكي عنده انا غلطان اني لميتك من الشوارع
تعبت و انهرت و قلت له شوارع ايه اللي لميتني منها انا من بيت و بيت من احسن البيوت والله يا اخواتي ان ابويا و امي و اخواتي ناس افاضل و متدينين جداو انا عمري ما قصرت معاه من يوم ما اتجوزته و يمكن كتير منكنم شافو مشكلتي السابقه انا من اول ما اتزوجت و انا لغيت نفسي علشان البيتتنازلت عن كل حقوقي حتى حق الحلم اصبحت بلا احلام
كانو الديانه يدقو على بيتي و يقولي معيش هاتي ذهبك اقول له خذ المهم انت تكون مبسوط لحد ما اخذه كله و من ايامها بان على حقيقته و انه عايز اللي عندي و من اول ماعرف ان ابويا حاطط لي مبلغ في البنك و هو بيزن على راسي و كل يوم مشروع شكل و اذا قلت له لا انا مش حطلع مليم احتراما لابويا اخد فوق راسي انا و اهلي اقول له انت ابوك متوفي و عندك ميراث امك ماسكاه يقولي لا مش حزعلها طيب ليه انا ازعل اهلي امه واخته يقولوا عن اهلي كلام زي السم و لازم استحمل و اسكت لكن امي لو قالت حاجه تبقي .......
تعبت و مليت و زهقت من حياتي اليوم قالي اطلعي من البيت خذي العيلال و روحي لابوكي هو ملزم بيكي كل الناس لازم تصرف على بناتها و اللي ميعملش كده يكون..... انا عايزه اعرف فعلا في بنات اهلهل بيصرفو عليها بعد الزواج زيي
انا عمري ما طلبت منه شيء ليا او الاولاد حتى متطلبات المدارس و الاعياد و الصيف و الشتاء و غيره الخاصه بالطفلين عمري ما سالته لدرجة ان اهله بيقولو لي انتي بتجيبي للاولاد كل يوم حلويات احسن حوشي الفلوس و هاتي بيها له حاجات هو اهم
وعمر اهله ما جابولي حلجه يمكن حمايا الله يرحمه هو الوحيد اللي كان عنده دم فيهم و كان بيجيبلي حاجات للاولاد تصورو قبل رمضان بيوم قالي معاكي فلوس قلت لا قاللي ازاي رمضان يجي و البيت ما فيهوش فلوس قلت الحمد لله الفريزر فيه الاكل و الحنفيه فيها الشرب و مافيش حد بلينام من غير عشاء هاج و ماج و قلتله خلاص اهدى قالي ما انتي اللي معاكي الفلوس انا مش حاكل لقمه من اللي انتي تجيبيها و لا عايز حاجه من ابوكي انا ملزم بنفسي سسكت و سبحان من اسكتني و عدي اليوم تاني يوم جبت فلوس و رحت السوبر ماركت و جبت طلبات رمضان فو جئت انه يكلم امه و يقول لها احنا في المكان الفلاني عايزه شيء و جاب و جاب لما طلعنل بقول له هات حسابل امك لانه مبلغ كبير قاللي اصلك جعانه قلت يعني احنا امبارح كانت حالتنا حاله و اليوم تجيب لامك كل ده على حساب البيت لسه الشهر فيه كتير انا اجيب منين افرض حد مرض اوديه للدكتور منين
انا تعبت و الله و بفكر في الطلاق على رايه ابويا بيصرف عليا هنا حيوفر لما اروح انا و اولادي عنده
انا عايزه رايكم بس سريعا لاني تعبت من كل شيء انا بحاول اجبر الكسر لكن دون جدوى انا منتظره راي اخواتي اللاتي ليس لي سواهن بعد الله اغيثوني و دلوني للصواب اروح و الا استحمل:44: