انا تعبت يا بنات...والله تعبت

صارلي سنه ونصف متزوجة والله ما شفت الراحة..من اول الزواج واحنا على تعب نفسي وضغوطات بعد وفاة اخو زوجي اللي كان الله يرحمو مخفف عن زوجي شوي وبعدين حملت ومن اولها توأم الحمد لله على كل شي .والله شفت نجوم الظهر بحملي وبعدين بالولادة وبعدها توفى والدي الله يرحمو .وهلأ صاروا الله يخليهم ويحميهم 5 شهور ورح يجيبولي الجلطة......مش قادرة عليهم تعبت لا بيرضعوا زي الناس واذا جيتي تحكي اطعميهم بيطلعلك ألف حدا بيحكيلك استني بعد السادس وبتقرئي كم لازم البيبي يرضع بتكتشفي انه بيبياتك ما بياخدو كفايتهم هلكوني والله هلكوني طول اليوم بس افكر كيف اخليهم يقبلوا الحليب جربت كل الطرق والاضافات على الحليب وتغيير الحليب والله مرضت نفسيا منهم .زهقت والله زهقت ما عندي وقت اطلع على حالي بالمراية ...اللي بهوب علي شوي اني كل ما ادخل على هالمنتدى بلاقي انه همي هو هم كل الامهات وكلنا بنسأل نفس الأسئلة.بس انا حاسه حالي طفشت من كتر المحاولات خلص ما ضل عندي قوة معاهم تعبوني ..مو فاضية لزوجي ولا لبيتي ولا لحالي حتى..عندي شغالة حتى هي من نكد بناتي صارت مش ملحقة على اشي..ادعولي يا بنات وادعو لبناتي والله ما بدي اشي تاني.