انا تغيرت و صرت وحدة ثانييه تعالوا فسرولي 😥😥

ابيكم تساعدوني وتقولون لي ايش اللي فيني
انا احسني تغيرررت كثيررر في داخلي احس داخلي تصير معارك من الافكار والمشاكل
انا وحدة مريت بظروف متعبه في حياتي الحمدلله على كل شي
قبل ما كنت كذا اي موقف جرحني او ضايقني اعديه واسامح اصلا انساااه وعادي اتكلم مع الشخص وانا مسامحته ولا ابين اني متضايقه
اما الحين اللي يضايقني صرت ابي اطلعه من حياتي على طوول مثل صار موقف مع اختي شي تافهه جدا وهي نوعيتها عصبيه فجاه قامت تعايرني بشي ( هو صديقتي توظفت وتزوجت الله يوفقها يارب كنا مجموعه قروب ولما توظفت وتزوجت بلكتني وبلكت كم وحده معي بصراحه زميلاتي الثانيات ما ازعلوا الا يسبونها ويقولون اصلا ما تهمنا وكل ما يذكرونها الحين يضحكون عليها على اسلوبها اللي سوته)
موقف زماااان وللحين ما انساه لانه كنت دايم معها وبكيت كثير واحاول اتواصل معها بس جاوبتني بطريقه ما حبيتها علما يوم مرض ابوها كانت راسله لي برودكاست في الواتس دعاء وانا انصدمت كيف انقطعت سنه والحين ردت ورديت على الدعاء بكلمه امين وقالت لي جزاك الله خير ابوي تعبان دعواتك

لما قالت لي ما رقدت كلمتها تواصلت معها يوميا نسيت كل شي نسيت اصلا اني كنت متضايقه منها على اللي سوته وبس وبعد فتره
سوت مشكله معي امر تافهه كنت انصحها بشي كانت تسالني عنه وجاوبتها ودعيت لها بالخير ,لقيت مجاوبه على انتي اصلا وش عرفك انتي ما تفهمي وانتي .... انا انصدمت وبكيت ليش وش سويت انا انتي سالتيني وخذيتي رايي في موضوع بعدين بلكتني

مريت على هذي السالفه 9 سنين تمام !

اختي للحين ما نستها اصلا اختي واقفه معي وتقول خليها حركاتها اطفال
وبعدين اي موقف يصير لي مع اختي تذكرني بالموقف
وتقول حرام حتى صديقتك تركتك قلت لها وش فيك ليه انتي ما تعرفين انها بلكت قروبي كامل صارت تقط كلام بسرعه ولما اجاوب تسكر اذنها يعني ما ابي اسمعك
حلفت ما اكلم اختي لانه صارت تضايقني وما صرت استحمل نفس قبل اصلا انا اشره على نفسي كيف تصير لي اشياء قبل وما اتقبلها او تجرحني اصير بقره واعدي انه عادي لدرجه الحين اذا ابديت رايي او هذا الشي ما اتقبله صرت اسمع ردود ما كنتي كذا ؟

اكيد انا مو نفس السابق انا كبرت وتغيرت وصرت انضج بس مشكلتي الحين عادي اتخلى عن الشخص نهائي يعني مثل اختي هذي لي شهور ما اكلمها وهي تدري انها غلطانه لدرجة تشتري لي اشياء وتعطيها اختي الثانيه علشان تعطيني بس انا اخذها واقول شكرا ما قصرت بس لحد الحين ما اكلمها انا قبل كنت ارفض اي شي تجيبه لي حتى ما تقول لي بعدين انا جبت لها وسويت لها
بس ابوي حلف اني اخذ اللي تشتريه لي بيصير سنه وانا ما اكلمها تعبت على اي موقف تعايرني انتي صديقاتك تركوك انتي صديقتك تزوجت وبلكتك وتضحك وتعيب على بطريقه مستفزه
الحييييين صرت وحده ثانيه اللي يضايقني نهائيااا ما اعبره ولا اعطيه اهميه وودي يطلع من حياتي
انصدمت من نفسي صرت ادعي على اللي يضايقني (انا مو اقصد على اي شي لا اقصد مضايقه بسبب اني غير متزوجه او يجرحني بالكلام خاصه في تجمعات الاهل اللي تقط كلمه او اللي تطلع على كلام او اللي شكلك كذا وطولك كذا ......)
صرت ادعي عليهم صرت انقهر احس طول الوقت افكر فيهم ابيهم يعيشون الشي اللي سبوني او عايروني فيه صرت ادعي انه يبعدني عن هذا الشخص تماما واذا كان قريب لي ادعي تصير مشكله علشان تنقطع العلاقه معها نهائي
انا مدري ليش صرت كذا ؟ انا احس نفسي صح وكل شي صح بس احيانا اقول ليش انا صرت قويه وقاسيه ما كنت كذا؟؟

انا كنت طيبه جداااا الكل يحبني وبلعكس سعيده, اما الحين اي شي يضايقني ارد بنفس الدقيقه ما اعدي الموضوع

وحده في السابق كانت تقول في الجمعات انتي ياحياه عادك على وضعك لا زواج ولا عيال ولا وظيفه كنت اضحك اقول شفتي ياخاله مع اني قمر بس ما جاء سعيد الحظ ادعيلي وكانوا يضحكون على وانا اضحك ويدعو لي ويقولون طينتك خفيفه ,,, اما الحيييين صار لي نفس الموقف مع نفس المراه وقالت وانا اصب القهوه انه فلانه كبر حياااة ولدها بيدخل الابتدائي
وانا ساكته اضيف الناس الا قالت الكل شد والدنيا تغيرت و بيتكم ما انطق ما فيه احد نهائي
قلت لها ياخاله اول شي هذا نصيب واكيد انا ما ارضى باي احد قالت ليه من صغرك
قلت لا ياخاله ادري اني كبيره بس انا ما اوافق على من هب ودب والزواج بكبره مو اكبر همي عادي جدا ولا تشيلون همي اذا تزوجت اكيد بعزمكم ...... وبس كلامي فيه شي غلطط؟؟؟


قالت عني اني قليله ادب بعذر محد يتقدم لها😐نعم !!! انا انصدمت ليه تقول كذا اسلوبي محترم ولو اني غلطت كان ما قالت امي تصرفك صحيح ! انا صح والا غلط والا علشان اول مره اجاب والا في العاده اضحك واطقطق على نفسي قبلهم بس ذي المره ما حبوا الرد !!!!

ولا صرت اروح عزاميمهم ولا صرت اطيقهم قلت ليش اجيب لنفسي هم وانا اصلا ما احبهم ف افضل اقعد في البيت احسن من الروحه لناس ما ارتاح لهم ويضايقوني والا يغلط صرت ارد صرت ادافع عن نفسي اللي يغلط على ابي اقطع علاقتي فيه نهائيا انا ما ابي اكون منافقه شخص اكرها واجامله علشان الناس ؟ ليه انا مو مجبوره
وامي تقولي لا هذولا اهلك لازم تجين وتسلمين بس انا ما صرت احب اللي يجرحني ليش اجامل وابين حبي لهم ؟؟؟
صرت وحده قاسيه صرت انسانه صارمه على رايي ما احب انافق صرت ودي انتقم
انتقامي لهم بالدعاء صرت اللي اكره ودي الله ينتقم منه صرت حقوده صرت اشيل بقلبي حتى من اقرب الناس لدرجه عادي لو مرت سنين ما اكلمهم ما تفرق معي ليييييش صرت كذا ؟؟؟؟؟؟؟

فسرولي انا مو فاهمه نفسي والله صار لي متغيره سنتين تغيرت تماما