انا تورطت قلتلها

السلام عليكم
اخواتي ابو زوجي اسم الله عليه يحب يسافر كثير
ودايم زوجي واخوانه يسافرون معه الكل مكان
واحنا نسافر بس مو دايم اكثر شي زوجي يسفرهم الحاله
لاني مااخذ راحتي معهم اخوهم ماتزوج وبنفس الشقه وصعبه
فصرت مااروح معهم بس زوجي
المهم الحمدالله زوجي بار فيهم ومايقصر لا معهم ولا معنا
بس اخواتي
توهقنا
يوم الاربعاء بسافر انا وزوجي وبناخذ منتجع
وهي يومين وناويه اكشخ واللبس ومطاعم وفله تعرفون زوجي صارله فتره ماشوفه من الدوام للاستراحة وهااليومين بنقضيها مع بعض
واهل زوجي قبل اسبوع رايحين الدبي يتمشون جلسو اسبوع
المهم اخت زوجي ماتزوجت سالتني قالت ماوراكم سفره شي من باب السوالف عاد انا ماحب الكذب
قلت الا بنسافر يومين بالويكاند
قالت اها تروحون وتردون بالسلامه
المهم فجئه اليوم زوجي يقولي انتي قلتي الاختي بنسافر قلت ايه
قال اليوم وحنا نتقهوى ابوي قال ان فلانه تقول بتسافرون يقصد بنته وانها تبي تروح معكم خذوها
ولا نروح سوى
انصدمت قلت من اسبوع راجعين من دبي بسم الله وش يجيبهم معنا
وبيني وبينكم ودي انا اروح الحالي لان مع ابو زوجي مالنا الا عزبه وعلى البحر ورسميه وكلنا بشقه مع بعض لان نظام ابو زوجي لازم سوى بكل شي حتى السكن
انا لي كم ماسافرت مع زوجي ويوم جيت اسافر يناشبوني الله يهديهم والله حزت بخاطري ماشلت على ابو زوجي لا والله رجال كبير حرام بس شلت على اخت زوجي الله يهديها توك مسافره وراجعه يوم شفتيني مع زوجي بروح رحتي تعلمين ابوك وتقولين له نبي نسافر معهم مع انها اسم الله عليها متخرجه وكبيره وتفهم وتعرف
انا الحين ابي طريقه اوصل فيها الاخت زوجي انه مابي احد معنا بس مااجرحها لانه الموضوع بيدها اذا قالت الابوها لا بطلت مالنا خلق ماتسوى صدقوني ابوها راح يبرد لانه اغلب سفارتهم هي اللي تخطط فيها وهي ترتبها وهي اللي تقترح عليهم يعني80 بالميه لها تأثير
تكفون فزعتكم حتى ابو زوجي شكله يبي يروح عشانها لانه قال خذوها معكم ولا نروح سوى مع بعض يعني مافرقت معه
زوجي قال ماراح اتدخل انتي كان قلتي مدري وقبل السفره بيوم انا اعلمهم تستاهلين :(
وانا والله لو مايسافرون كان قلت اجر بس ماشاءالله اسم الله عليهم بالسنه5 مرات يسافرون واذا سافرنا بعد بيجون معي حرام عليهم ابي خصوصيه شوي :