بسم الله الرحمن الرحيم
السلام عليكم ورحمة الله وبركاته
انا توني عضوة جديدة في المنتدى واقرا دائما هالمنتدى الرائع الي ماترك شي الا وتكلم عنه انا فعلا استفدت كثيييير منه والحمدلله حالفني الحظ وسجلت بهالمنتدى حبيت اعرض قصتي:( ومحتاجه منكم تساعدوني ارجع اوقف على ارجولي من جديد واسترد قواي وطموحاتي الي تمنيها والحمدلله تحقق شي بسيط منها ولله الحمد
كنت احب الدراسه:) واحب الحياة وطايرة بهالدنيا فيني طموحات وامال نفسي احققها وفعلا تغربت ودرست بعيد عن اهلي وتخرجت قبل 3 سنوات بالشهادة الي ابيها والحمدلله هذا من فضل ربي..
وصارت تقلبات في حياتي خلال الجامعة واولها انخطبت من شخص ظليت متملكه سنتين وبعدها الله مااراد تكمل هالخطوبه وانا اساسا ماارتحت ابدا وطلبت فسخ العقد مريت بمرحله جدا صعبه لكني تغلبت على هالشي ودفعني اكثر اني اشد حيلي وانجح وارفع معدلي والحمدلله كانت خيرة وارتفع معدلي ..
بعدها بشهرين تقدم لي شاب خطبني وصارت الملكه وتسرعت بالموافقة من غير مانبحث ونسال عن الشاب وكانت ردة فعل من غير ماافكر صح واتروى شوي عشان نسال عنه بشكل دقيق وبعدها توفى اخوي الله يرحمه خلال ملكتي وتاثرت كثير وصار زواجي بعدها بسرعه عموما
انا انقلبت حياتي مع هالزوج تزوجني وانا اخر ترم لي بالجامعه وجبرني غصب اغير مساري من طبي الى تربوي وتغير القروب كله وماكان من صالحي ابدا قلت من حقه يغار وصار دايم يحطم فيني ويهيني ويجرحني بالكلام ويشششششششششككككككككك :icon33:فيني بشكل مو طبيعي احرمني من صديقاتي حتى اهلي مااقدر اكلمهم الا وهو يسمع وش سوالفنا على الميكرفون كان يترصد لي يراقبني ويراقب اتصالاتي ويفتش بجوالي جنني صرت اشك بنفسي مايخليني اطلع مع حتى خواتي ولا اطلع مكان عند اهلي ويمنعني حتى انبسط كان دايم ينكد علي باتصالاته ورسايله كلها تهديد ووعيد ومشاكل تخيلوا تاثرت شخصيتي لانه كان فضضييييع جدا واخلاقة سيئه للغايه ماينعاش معه وجردني من شخصيتي وكياني فرض علي شخصيته دايم يهاوشني ويضربني حطمني احس صرت انسانه مالي اي قيمه وكيان ولا حتى صرت اعرف كيف اتكلم:44: او اربط الجمل ببعضها صايرة اتلغثم بالكلام ومو واثقه في نفسي وضعيييفه مرة بعدما كنت العكس ومو بس كذا انصدمت منه كنت احسبه ملاك واول مادخلت شقتي وانا عروس اشوف له صور مع عشيقاته ومقاطع فيديو له هو وعشيقاته يتمايل عليهم وووووو
انصدمت كبتت بداخلي وسكتت قلت يمكن فترة طيش وراحت وسودت الدنيا بعيني تعبت نفسيا بشكل فضيع كنت دايم الاحظ جواله دايم رنه وتقفيله والاحظ اتصالات اخر الليل وكنت اشوف مكالمات ورسايل حب من عشيقاته ويغازل قدامي بالمولات لدلرجة انه مرة مسكته الهيئه وانا معه تخيلو توني عروس يعني لازال على الخيانه حتى بعد الزواج وكان معذبني بحياتي ودايم يشتمني ويقذفني بشرفي ويعايرني بخطيبي الاول ويمن نفسه علي انه تزوجني
:44: انا انسانه تربيت في بيئه متفتحه ومحافظه وعلاقتي بالوالد :arb:جدا قريبه صديقي ومااخبي عنه شي والحمدلله هو اب رائع وراقي ومتثقف معجبه كثير بوالدي الله يخليه لي هو وامي الحبيبة وكان زوجي انسان منغلق معقد لازال على العنجليه المتخلفة بالرغم انه انسان جامعي وموظف بمنصب راقي طبعا هو متوظف بالمستشفى غير طبيب بس لازالت نظرته للنساء سودا رجعيه ماكان يبين لي هالشي ايام الملكه المهم مرت 3 سنوات ونصف على زواجنا متشبعه ببالشك والاهانه والضرب والتكسير المعنوي والتهميش في شخصيتي وحاول يقتلني مرتين لكني كنت اصبر واضغط على نفسي واتحمل واقول ان شاء الله يتغير حاله مافي شي على ربنا مستحيل كان مايصلي بالمسجد والمسجد جنبنا بالبااب ويسمعهم يصلون وجالس مايصلي وكنت وراه لكن الله يصلحه لنفسه وبعدها تعبت وتعبت ولجات لاخصائيه وتواصلت معها طبعا بعدما فكرت بالطلاق بعد كل المحاولات الي لجات لها وانا فعلا ماخليت شي الا وسويته لبس دلع طيبه رومانسيه معةحفلات كل شي وانا ماامدح نفسي شكل وطول وجمال الحمدلله والكل حاسدني على جسمي وشكلي وخلوقه ومتعلمه وعلى نيتي قلبي طيب مرررررة وكثير حاسديني بس حظي شيييين وتنازلت حتى عن وظيفتي بالمستشفى عشانه يعني اتعب واتغرب وبالنهايه اجلس بالبيت قلت مايخالف زوجي واحبه من حقه
المهم اكتشفت بالنهايه انه يتعاطى الحشيش الله يكفي ازواجكم وعيالكم منه ولقيت شي غريب بالسيارة شكيت انه حشيش وسالته وش هذا قال كان معه عامل ونساهها بالسيارة طبعا كنا مسافرين حزتها المهم هو كان كثير سهر مااشوفه ابد بالبيت الا وقت الاكل والنوم حتى انتظره بكل زينتي وبعدها يخليني وينام دايم وانا كنت عارفه انه يخوني ويتعاطى خرابيط لان كانت ريحته مو طبيعيه بس كنت ادعي ان ربي يهديه ويسخره لي لكني بعد 3 سنين ونص حسيت اني اجحفت بحق نفسي كثير وضغطت عليها وجاني خلل بالغدد الدرقيه بسبة النفسيه من كثر ماضغطت على نفسي كنت اقول الطلاق صعب صعب وانا كنت احبه ماابي اخسرة لكني تعبت وتعبت وتعبت من شكه واهانته خياناته قدام عيني وعدم ثقته فيني بالنهايه طلع يحشش ومريض نفسي بالبارونيا كلمته اكثر من مرة يتعالج يقول انا رجال مايعيبني شي وكان يستصغرني ويهددني بالطلاق وانه يقدر يتزوج عشر علي تدرون ليش؟؟
لاني كنت متمسكه بمبادئي وافكاري وشخصيتي لكنه كان يسيطر علي كل شي فيني الا افكاري ماقدر عليها ويحس انه مو رجال اذا ماغير افكاري وبعدها يشفي غليله بمدة اليد والشتم والاهانه انا بصراحه انصدمت من شهر العسل من الفاظه البذيئه وانا تربيت في اجواء ايمانيه واخلاق ساميه والحمدلله
وبعدها طلبت الطلاق بعدما كان يزعجني على جوالي من ارقام غريبه ويرسل رسائل ماتنكتب اعوذبالله وكان دايما من اول الزواج كلما رحت لاهلي يسوي هالحركه كيف تاكدت انه كان متصل من جوال واحد من اصحابه اخر الليل بالفجر يبي يشوف ويختبر تخيلوا وصلت فيه هالمواصيل وانا خبرت ابوي بالاازعاج وحتى هو كنت اخبره بالارقام الي تجيني
وحفظت الرقم ولقيت نفس الرقم مخزن بجواله باسم واحد من اخوياه الي دايم يجتمع معهم على الخرابيط لانهم كانوا يتجمعون بشقه لحالهم بالرغم انهم كل واحد فيهم فاتح له بيت ومتزوج
وحسيت ان الحياة ماراح تستمر من غير ثقه واحترام خاصة اني افكر كيف اربي عيالي اذا ربي رزقني لكن الحمدلله ماصار حمل وهذا الي شجعني على الطلاق وفعلا تطلقت قبل شهرين من غير مااحصل على اي حقوق او اي شي لانه كان ماخذ ذهبي ومتسلف مني مبلغ ولا ردها لي احتسبتها عند الله وربي ان شاء الله يعوضني خير منها من ترك شيئا لله عوضه خير منه وتخيلو وانا لسه على ذمته ايام الزعل كان يخطب يعني شوفو كيف ياجماعة الخير والله قهررررررررر
:( بالرغم انا الي زعلانه لانه مد يده علي وخفت منه يحاول يخنقني مرة ثانيه ويقضي علي تدرون ليش لاني واجهته وقلت اني اعرف انك تتصل فيني من رقم خويك قام يمد يده ويكسر بالبيت وطلع وسكر علي كلمت الشرطه والا سعاف اغمى علي وخفت لايرجع يخلص علي رحت المستشفى وكتبت تقرير بحالتي وتنازلت عن الشكوا لاني ماابي وجع راس ابيه يطلقني بهدوء والا لو ماكتبت تقرير والله ان يعلقني ومايطلقني بس خاف ورحت لاهلي لاتقولون تسرعت لاني جلست 3 سنوات ونص على هالحال ضرب واهانه وشتم ويدوسي تحت ارجوله اكثر من مرة حاول يخنقني ويموتني تدرون ليش لاني كشفته يكلم وحدة وواجهته ليش ماتخاف ربك:44:
والحين انا تطلقت وربي يعوضني ولا زال يزعجني الحين باتصالاته وارقامه الغريبه
معليش على الاطاله حبيت اختصر قصتي بقدر الامكان لان في اكثر واكثر لكن الحمدلله موقنه برب العالمين وعارفه انه يحبني عشان كذا ابتلاني وهذا قضاء وقدر وانا راضيه والحمدلله
لكن الي متعبني اني مرة تغيرت صرت ضعييييفه ماعرف اتكلم حتى ساكته طول الوقت مو عارفه ابكي ولا اضحك مدري وشفيني محبطه من كل شي فقدت شخصيتي وطموحاتي نفسي ارجع زي اول اضحك واتفاءل بس مو قااااااااااااااااااااااادرة :44:الحمدلله اقوم الليل واصلي وادعي بس مدري وشفيني مو قادرة اتفاءل واحسن الظن بالله مدري وشفيني ياناااس صحيح صرت استغفر كثيييييييير وادعي ربي كثير واشكي له بس احيانا تجيني حالات اني مو عارفه كيف اثق بربي يحقق دعوتي ولا عارفه اتفاءل لان اذا تشاءمنا من امر وما وثقنا بربي يقع بسبب تشاؤمنا والعكس صحيح بس غصب عني وش اسوي كل شي مقفل بوجهي لا وظيفه ولا حتى عندي اثبات اتحرك فيه زي العالم وتعرفون لازم هويه لاي شي وظيفه دراسه اي شي حتى ابي اروح للضمان ماعندي اثبات يعني موعارفه اتحرك واطلع نفسي من الي انا فيه من احباط ويأس تكفون ساعدووووووووني دلوني وش اسوي انا مرة تعبت جالسه عاله على اهلي ومنحرجه منهم مرة ولا عندي لا وظيفه ولا دخل الله لايحطكم بمكاني وبحثت عن وظايف مافيه لكن الله كريم
تكفون ساعدوني انا محتاجتكم الله يفرج همومكم وييسر اموركم
اللهم اجرني في مصيبتي واخلفني خير منها
وش تنصحوني فيه وش اسوي كيف اتخلص من ياسي وارجع زي اول اثق بنفسي واتفاءل وابني اهداف بحياتي وطموحات؟؟؟:44:كيف ؟؟
ساعدوني الله يجزاكم خير
يلزم عليك تسجيل الدخول أولًا لكتابة تعليق.
وروود2009
•
الله يصبرك على بلوتك ويصبرني على بلوة اهلي ةياخذ حقي منهم
سنيورا88
•
ياعمري الحمدلله انك تخلصتي منه وبدون عيال
والله يعوضك خير منه يارب
ادخلي اي جمعيات تطوعيه بس تغيرين جوو
وحاولي دائما تكلمين نفسك بالمرايه بس بعد التسميه بالله
لان هذي تزيد الثقه بالنفس قولي اي شي حلو فيك واذكريه بنفسك وابتسمي
والله يوفقك
والله يعوضك خير منه يارب
ادخلي اي جمعيات تطوعيه بس تغيرين جوو
وحاولي دائما تكلمين نفسك بالمرايه بس بعد التسميه بالله
لان هذي تزيد الثقه بالنفس قولي اي شي حلو فيك واذكريه بنفسك وابتسمي
والله يوفقك
الله يعينك والحمدالله طلعتي من حياة يمكن تدمرك اكثر لو جلستي فيها
واحمدي ربك ماخلفتي ولاكان مشكله
مالومك واقول سكوتك عن الغلط في البدايه خلاه يتمادى لاكن اقول الحمداله طلعتي من هالعيشه
اول شي ارجعي لعملك وصدقيني الشغل بيملا فراغك و50% بتتغير نفسيتك
وبعدها تدريجيا ترجعي مثل قبل وترجع طموحاتك
غيري بلوكك اي شي بيعطيك التغيير باور
اخرجي زوري جماعتك يعني اشغلي وقتك
بس عشان ماتفكري بشي
وفوق هذا كله لاتنسي الدعاء والاستغفار وربي يعوضك باحسن منه
وترجعي مثل قبل واحسن بعد
وطمنيني عنك باخبار حلوة ان شاء الله
واحمدي ربك ماخلفتي ولاكان مشكله
مالومك واقول سكوتك عن الغلط في البدايه خلاه يتمادى لاكن اقول الحمداله طلعتي من هالعيشه
اول شي ارجعي لعملك وصدقيني الشغل بيملا فراغك و50% بتتغير نفسيتك
وبعدها تدريجيا ترجعي مثل قبل وترجع طموحاتك
غيري بلوكك اي شي بيعطيك التغيير باور
اخرجي زوري جماعتك يعني اشغلي وقتك
بس عشان ماتفكري بشي
وفوق هذا كله لاتنسي الدعاء والاستغفار وربي يعوضك باحسن منه
وترجعي مثل قبل واحسن بعد
وطمنيني عنك باخبار حلوة ان شاء الله
m&my
•
اسجدي سجدة شكر طويله واحمدي الله على كل حال
والحمدلله انه مانقل لك مرض ولا سحبك في طريقة الوسخ
المؤمن مبتلى ياقلبي
الله يعوضك باللي احسن منه
والحمدلله انه مانقل لك مرض ولا سحبك في طريقة الوسخ
المؤمن مبتلى ياقلبي
الله يعوضك باللي احسن منه
الصفحة الأخيرة