انا ثقلت عليكم بس مالي غيركم ممكن تساعدوني بمشكلتي الله يوفقكم

تحية طيبة قبل ماابدا بموضوعي ممكن اغير اسمي من ايناس ظافر الي بنت الشام يامشرفاتنا الغاليات وشكرا..
الموضوع هو من لما تزوجت لاحظت مدى تعلق اهل زوجي بزوجي هم كلهم متعلقين ببعض بس اخت زوجي متعلقة بزوجي اكثر هي متزوجة وعندها اولاد المشكلة زوجي كتير كريم وقلبه طيب والكل طمعان فيه انا تزوجته في غرفة ببيت اهله وسافرنا لنؤمن مستقبلنا بس ماحدا حاسس زوجي كل شهر او شهرين لازم ينزل لسوريا وكل مابينزل بيجيب هدايا لكل اهله بمبلغ كبير طبعا انا مابسافر معه لان الي كل سنة نزلة واحدة بس مو كل شهرين اول اجازة لي كنت محتاجة اشياء من السوق هو لايرضى ان تنزل معي امي ولا اروح مع امي لاي مكان كل شي لازم يكون مع اهله اخذتني اخته وطبعا عطاها الفلوس لها مو الي وصارت تتحكم فيني واشترت لاولادها هي كتير طمعانة فيه اولا حالتها على القد وزوجها مابيهتم فيها ابدا جنيت بس تحملت لما بنكون قاعدين انا وهي وزوجي دائما بيتوشوشو او بيتهامسو بالكلام بدون اي احترام لوجودي :icon33: او هي بتطلب مني اطلع وسكر الباب مشان يتكلمو براحتهم زوجي كل اسراره معها وهي ايضا مابحترموني ابدا واذا حكيت مع زوجي بيقولي انا ماعم اعمل شي غلط يعني هون المشكلة انو هو مو حاسس بغلطه بيقول هي اختي ولها حق علي واذا رحنا مشوار لازم ياخدها معنا وبتنزلي من جنب زوجي وانا بقعد ورا اذا بدنا نشتري هدية لامه بعيد الام لازم تكون معنا لان قال هي بتعرف ذوق امها كل شي بتعرفو عنا بيروح لعندها لوحده وما بعرف بشو بيحكو ودائما بتطلب فلوس واذا شافت بالسوق شي عجبها بتقول بدي قول لاخي فلان يعني زوجي يجيبه لي وووووبدها لاولادها موتسيكل ولبنتهاسكوتر وهي بدها كسوة بتروح وبتشتري هي واولادها وحماتي واختها الثانية كلهم على حساب زوجي بقول انا اذا بالسنة مرة مو مشكلة بس هي بالذات كتير كل فترة بيبعت لها ولامه ولاخته الثانية مصروف وهي بضل بتطلب هو طلع امه لعندي ع مصر واشترت هدايا وقلت هي امه وطلعها هي وبنتها اخته وكمان مصروف لمدة شهر ونصف وبدي وبدي ونزلت هدايا :angry: ومرة هو سافر وتركنا مع بعض بمصر وسلمها المصروف قال لانو اكبر مني احتراما لها وفي ناحية تانية هي بتحب تقعد جنبه وبتمسك ايديه وبدلعه وكلامها حلو معه مرة دخل الحمام فتحت الباب عليه ولما كنا ننام تفتح الباب علينا كالزلزال وتدخل يعني كانها ضرتي والله كتير بتهتم فيه وبتقلي ديري بالك عليه انتي مقصرة معه ووواخر مرة كنت بسوريا سمعت انو بدي انزل السوق صار بدها كسوة متلي وطلبت مني ابعت لها مع اخوها من مصر اكسسوارات ومكياج وحلق ذهب لبنتها وبدها تليفون وووو كان سوريا مافيها بس شي عم يجيها مجانا تعبت من افعالها وزوجي حاسس اني بكرهها لذا لما بده يكلمها بيكون برة البيت بس مبارح سمعتها بتقلو انو جارتها مسكينة وبدها فلوس مبلغ 25الف سوري ويمكن ماتقدر ترجعهم يعني والله لو مامنين حالنا بس بشي شقة بسوريا مابزعل بس الناس لهم الظاهر وهلا فرح اخوه قرب زوجي شحن له غرفة نوم من مصر وسمعته بيقول لامه شو بيطلع علي من تكاليف الفرح انا جاهز ومرة قلي انو بده يجيب لاخوه هدية فقلت وغرفة النوم قلي لاتتدخلي بيني وبين اهلي هو نازل على الفرح مالح انزل حتى وفر عليه من تكاليف السفر الى فستان السهرة والكوافيرة وووبس سمعته يقول لامه انا بدي اعطي فلوس لاخواتي ليشترو فساتين سهرة مع انو والله متضايق هون والاحوال تعبانة بس هو بيحب المظاهر صار يقلي بدي اعمل كذا بفرح اخي وابعت له 15 باقة ورد وووو وهو ناوي يجيب العرسان معه لعندي يقضو شهر العسل بده يحجز لهم شاليه وامه كمان بدها تجي وكلو على حسابو واكيد اختو بدها تجن مشان تطلع يابنات انا خايفة من المستقبل خايفة على اولادي هو صار عمره 32سنة وما عنا ولا شي وانا اذا قلت كلمة دغري بيسكتني مرة حاولت اكلم امه بس وصلت كلامي له واخته ما بقدر كلمها لان اغلب الكلام عليها مشان ماتزعل كلمت اخته الثانية بس مالقيت نتيجة اصلا هو مابيسمع لحدا خصوصا انو مفكر حالو صح عم يفتح محلات ويجيب عمال ويعمل عزومات وكلو بالدين وبالايجار وكل الناس يلي بتعرفنا مفكرين انو هاد الواقع تبعنا لان عايشين عيشة مرفهة والكل طمعان وهاد بده وهي بدها وووو شو اعمل مابعرف شو مخبيلي الزمن :icon33: :30: هو مو مقصر علي بس لما بتكتر طلباتي بيضايق بس مابيضايق من طلبات اهله حتى جارة اخته رغم ظروفه الصعبة قال لها تكرم عينك مابيحب حدا يعرف عنه انه هو لسا عم بيأمن حاله بيحب يكون اكبر واكبر ولشوف لوين بده يوصلني ومشان تكمل صار يتعرف على ممثلين ويعزمهم وناس من الدولة وهدول الناس ممكن يساعدونا بس مو قبل مانرضيهم يعني بكم عزومة او هدايا ووو وانا مادخلني لا فيه ولا بشغله ولا اهله ولا لي اي رايي بس انا بدي حل وبدي يصير تغيير ارجوكم ساعدوني كيف حط حدود لاخته وتفهم انو اذا هي عندها نقص عاطفي مو يعني تعمل ضرتي وشو مااشتريت حتى ذهب بدها هي كمان :D سامحوني ع الاطالة سامحوني :( ملاحظة اذا مرض عندهم حدا او اي مناسبة زوجي يشتري الهدية وهو يقدمها واحيانا مابعرف شو اهدى حتى لما انا تزوجت وولدت ما بعرف شو جابولي عندهم الرجال تتصرف والزوجة ليس لها دور بس اكتر شي زوجي انا معدومة بكل شي من رايي وتصرف حتى هدايا لاهلي بيتدخل بس انا بقدمها اما من ناحية اهله هو الكل بالكل وانا مالي دخل بشي واحيانا او دائما بتفاجأ او بعرف امور كتيرة من الناس :16:كمان هم مخبايين من ناحيتي مابعرف عنهم شي الا بالصدفة اذا حدا مريض او بده حدا يخطب او ينخطب يعني اذا بدهم يعملو شي انا بنعزم متل الغريبة واحيانا مابعرف بشي ابدا بس بتفاجئ بفلان حط الخاتم بيده انو خطب يعني