أخت سوسي نفس المرأه مرت على أهلي أسمها أم محمد وتتكلم حجازي بلكنه جنوبيه كلمتها أختي بالانترفون وقالت أفتحي ياحياتي أنا جارتكم أم محمد الحربي لا والمشكله تعرف إسم الوالد وجتنا بعد صلاه العصر ,بس أختي مافتحت لأنها صغيره وأمي ماهي موجوده ,أخت سوسي أنتي بأي حي لأني أتوقع أنها نفس الحرمه.

الله يكفينا شرهم

اووووه وربي نفس القصة صارت لنا حتى هي تقول ساكنه عند المسجد بس زوجها قالت انه ميت وبتسافر بس ماعندها فلووس وبتروح للمطار..تقريبا نفس الاحداث

الله يكفينا شرها ويرد كيدها في نحرهااا.


(مون مرت من هنـــآ)

اشكركم على المرور حبيباتي ...الحقيقه الساطعه انا بشرق الرياض

نفس القصه صارت معي قبل 9 سنين توني متزوجه وحامل في الشهر الخامس والا وهذا لباب يدق والا حرمه تقول افتحي انا جارتك ام محمد الحارثي ابغى اتعرف وافتح لها وتقص عليه قصتها انها ساكنه في ملحق عند البقاله وزوجها متوفي وابوها مسجون بدين وان اهل الخير دلوها عليه وانك ماتقصرين وبعدين استاذنتها شوي ويوم رجعت قالت انت وش اسمك بعدين ضحكت وقلت انتي وش اسمك قالت ام محمد وكل ماسئلتني سؤال ارد لها نفس السؤال بدون ماتاخذ مني جواب بعدين فتحت جيبها وطلعت لي فلوس وذهب كثير تعلمني ان الناس اعطوها فزعه قلت لها ربي كريم الله يفرج كربكم قالت لا اعطيني فلوس والا ذهب قلت لها تبغيت فلوس او ذهب قالت ايوه قلت طيب وامسك جوالي وامثل قدامها اني بدق على الشرطه وربي يابنات انها خرجت من عندي وهي داعسه 180 ونسيت تغطي وجهها

طبعا كل ذا صار وزوجي عندي في البيت جاتني الشجاعه بوجوده لاانه كان واقف وراء الباب يسمع وش تقول ويشوف ردت فعلي كيف بس هو على طول لحقها وشافها ركبت سياره صغيره بيضاء وعلى طول شخطوا من السرعه فماقدر ياخذ رقم السياره