ان ولدي عمره سنتين و4شهور مايتكلم بس يصيح مايلعب مع الاولاد يحاول انه يتعلم بس اذا مافهمني يبكي ويصيح بس يصيح اذا انا وابوه تخاصمنا يفهم اشياء بسيطه تنعد على الاصابع اذا ناديته احيانا يسمع ومره لا

وين المرشده صار لي فتره وانا كاتبه ولااااااارد

يزاج الله خير اختي مرشده اتمنى الاقي الحل عندج لمشكلتي انا عندي ولد عمره 3ونصف سافرت في ولدي يوم كان عمره 9اشهر لظروف دراسه زوجي في دوله اروبيه يعني انعزلنا عن الناس المشكله انه ولدي في البيت هادئ بس الحين في سن دخول الروضه وكل ما يروح الروضه يضرب الاطفال والمدرسات وما يسمع كلامي يوم اكلمه وفي وقت الدراسه ما يحب يجلس للدراسه مجنني وما اعرف شو اسوي معاه اتبعت اسلوب الحنان ما فاد والعقاب نفس الشي اتمنى تشرحين لي كيف اتعامل معاه دايم وطوال لوقت يبا يلعب

انا ولدي عمر ه 6سنوات احس انه عصبي وبس يضرب اخوه عمره سنتين واذا كنا عند اهلي او اهل زوجي اذا عصبت عليه يسوي نفسه قوي ويبغى يهاوشني ويطالع فيهم وانا احاول امسك نفسي عنه تكفين قوليلي كيف اتصرف معاه ولك جزيل الشكر

السلام عليكم
انا عندي مشكلتين الاولى مع ولدي عمره سنتين وشهر يضرب الكبير وحتى انا وابوه احترت معاه اذا هاوشته سوى حركات مثل اخته الصغيره يعني يبغى يقولي انا نونو احترت معاه ايش الحل؟
المشكله الثانيه مع بنتي عمرها سبع اشهر وكانت متعلقه في الشغاله ولمن سافرت شغالتي لاحظت ان البنت ماتنام الا لمى تحط البطانيه اوالشرشف على وجهها وتحرك شفاتها كأنها ترضع واذا شلت البطانيه تجلس تبكي وتتقلب ايش الحل معاها؟