السلام عليكم ..والله يا أختى انا ايضا زوجة دبلوماسي وهذة السنة الثانية لي فى الغربة وبالصراحة الحمد لله مرتاحة جدا ومتكيفة مع وضعي وخاصة ان يكون زوجك دبلوماسي يعنى دائماتسافرى وموراح تنقطعى عن اهلك وبلدك وصدقينى الغربة حتكون حلوة معاه.

مرحبا اختي ....
انا بصراحة في مرة شفت موضوع هنا بالمنتدى من زمان وحدة من العضوات الله يجزاها خير كتبت عن فوائد الغربة وبصراحة موضوعها مرة شجعني وحفظتها عندي عالجهاز وكل مرة اتضايق اقرأه ويزيد حماسي :27:
بصراحة مو حافظة اسمها ولا كان كتبته بس حفظت الموضوع في word لاعجابي به :26:
..

هذا هو ..

اولا : كل عام وانتو بالف خيييير ..

ثانيا : هاا جاكم البرررد والا لسا :D ؟؟

انا مجممممده الحرارة في عز الظهر 4 و 5 درجاات وفي الليل صفر ..

بس لسا بدري على السنو ماجا :icon28: احسن لايجي الحين ؟؟

ثالثا :

بنات انا لفت انتباهي بعض البنات اللي اعرفهم في الحقيقة وبعض العضوات معنا

في هالمنتدى العزيز متحاملين على الغربة .. ويشكو منها .. والاحظ دايما

حزينين !!!

طيب ليييييش ؟؟؟

وصحيح الغربة صعبة لكن مو لهذه الدرجة !! الغربه ماهي سجن ياجماعه ..

صحيح اشتاق لاهلي موووت لكن حياتي هنا حللوة .. انا ماانكر اني ليلة العيد

بكييت .. لكن بمجرد ماطلعت الشمس

جفت دموعي لما شفت صغاري وزوجي حوليني والله انها اكبر نعمة

العيد هنا او في السعودية اهم حاجة ان اولادي وزوجي في حضني وبخييير ..

الغربة فيها ميزات ماتنوجد لما

تكوني

بين اهلك وفي بلدك .. خليني اسرد لكم ميزات الغربة لان البنات ماشالله ماقصرو في

ابراز عيوب الغربة

الغربة تعلمك الاعتماد على النفس , ثقتك بنفسك تزيد .. وترابطك مع اسرتك يزيد

اكثر واكثر ..

هذا غير فايدتك في تعلم اللغة .. واهم حاجة بتكوني بعيدة عن مشاكل الاهل

والحموولة ..

الوحدة في الغربة تحمل وتولد وهي تعتمد على نفسها .. والاكثر حلاوة في

الموضوع

ان زوجك يتعود على مساعدتك ..

عن نفسي وانا في السعودية مااشيل هم واكون اتكاليه على امي وقت ولادتي

وعلى زوجي في كثييير من المواقف ..اكون اتكاليه على الخدم ..

لكن هنا الكل يساعد بعض .. اولادي اتعلمو الترتيب .. وحتى زوجي ..

انا نفسي حسيت بكياني اكثر وانا هنا لان المسؤؤليه كللها علي بدون مساعده وهذا

الشيئ ميزة بحد ذاته وعيب ايضا ..

انا ماانكر اني احيانا ازهق من شغل البيت واتعب لكنه شعور مايطول .. لاني ساعة

مااطفش اتعب اكلم شغاله تشتغل الساعه ب 15 دولار تساعدني وتروح ..

وطبعا الغربه لها عيوووب كثيرة قامو الاخوات بشرحها ..

حبيباتي انا كل اللي ابغا اقوله ان الوحدة مننا تقدر تخللي الغربة مصدر سعاده

وتقدر تخليها مصدر تعاسة وكله بيدك عزيزتي ..

بلاش الوحدة تحط نفسها في دائرة ضيقة وتفضل تبكي وتنحب عشانها بعيدة عن

اهلها ..

طيب وبعدين ؟؟

الحزن والكآبة يفيدوكي بشيئ ؟؟

لا والله الحزن والكآبة يأثرو عليكي وعلى اولادك وزوجك .. وتلقي زوجك الغلبان

يشيل همك .. هو ناقص ؟؟

كفاية هم الشغل والدراسة !!!! وخليه لما يرجع بلدكم يقول زوجتي لها الفضل

بعد الله في نجاحي !!!

تخيلو يابنات انا باكتب الموضوع الساعه 2 الا ربع الليل وزوجي من امس

الساعه 6 الصباح ماجا !!! عنده عملية وطولت .. تخيلو فوق هالهم يجي ويلقاني

مكتئبة !! يابنات لازم نساعد ازواجنا في الغربة ونكون سند لهم مانكون مصدر هم !!

والله العظيم تمر علي ايام زوجي مايشوف الاولاد لانه احيانا اذا عنده عمليات يتأخر

ويكونو الاولاد نامو !! تربية الاولاد من جينا هنا صارت مسؤؤليتي !!

وهذا الشيئ يفرحني لاني ابغا اثبت للجميع ولزوجي اولا اني قد المسؤليه لما يشوف

اولاده متربين احسن تربية !!

انشاءالله اول السنه راح اسجل معهد لغة والاسبوع الجاي اختبار رخصة السواقة

انا ماابغا ارجع السعودية زي ماأنا ابغا اتغير وارجع وانا انسانة ثااانية

مو المدلللعه اللي ماتشيل الياسمينة من الارض !!!

واللي متكله على زوجها في كافة امورها !!

لا ابغا ارجع وانا قوية ويعتمد علي .. ابغا الكل يلاحظ التغيير في شخصيتي ..

في الغربة تقدري تغيري شخصيتك لان مافي احد ترمي عليه شغل البيت او تربية

العيال .. لأ ..

حبيباتي انتهزو هالفرصة اللي بيحسدكم عليها الكثيييير .. في تعلم اللغة .. وفي

اعتمادك على نفسك وفي تعليم اطفالك النظام اللي مانلقاه من نرجع بلدنا ..

ايه لا تنكرو يابنات في بلدنا مافي نظام زي هنا ..

الطفل متعود يرتب غرفته بنفسه والعابه بنفسه ويساعد امه في شغل البيت ..

حتى الزوج ووالله شعور جميييل لما الزوج يشيل الاطباق بنفسه ..

وياسعدك في وضعها في الدش ووشر .. ويرتب سريره بعد مايصحا !!

واذا كان زوجك من النوع اللي مايساعد وهو في الغربه .. هذه تكون شغلتك في انك

تحنني قلبه عليكي وتخليه يساعدك ولو بالاشياء البسيطة ..

كل ماتحزني ياختي اتذكري انها اشهر او سنين قلائل وترجعي لاهلك بالسلامة ..

وساعتها تتمني ايام الغربة ترجع ..

اسفة اذا كنت كثرت كلامي .. لكني ابغا الافادة والله .. الله يوفقكم يا احلا بنات ..

واللي شايفة بكلامي اي غلط انا اتقبل النقد بصدر رحب


وللتأكيد مرة أخرى
( الموضوع منقول من احدى العضوات قد كتبت الموضوع منذ فترة وحفظته عندي ولكن نسيت حفظ اسمها معه ) ..
واتمنى من كاتبه الموضوع ان تعذرني ولكني نقلته لإفادة اختي السائلة وشكرا
واذا احد عرف كاتبه الموضوع يكتب اسمها :27: ........

مدري وش اقول

بجد خجلتوني باهتمامكم وكلامكم اللي زي البلسم على القلب

يعلم الله انه كل كلمه قريتها قريتها باهتمام كبير وانا ممنونه وشاكره كثير للوقت والجهد اللي بذلتوه عشاني تساعدوني


تحياتي واحترامي لكن جميعا

الغالية ياسمينا اعتقد اللي كاتبه هالموضوع هي الاخت الحبيبة شابورة

وانتي ياعزيزتي ياحرم الدبلوماسي
من اسمه دبلوماسي يعني بيتك عبارة عن طيارة تطير من ديرة لديرة

فخوذي من الحياه حلوها وجانبها الحلووووووووو

لاانكر ستعانين لبعض الوقت وستذرف الدمعات وسيطعن قلبك خنجر الشوق والوله
لكن هذا يعتمد على نفسيتك انت وكيف ممكن تعالجين الوضع

مدري ودي اكتب كلام مشجع وحلو لكن سامحيني ياعزيزتي فنفسيتي هاليومين متارجحة
احب ان اهديك موضوع كتبته في وقت مضى لعله يعينك والله يوفقك
http://forum.hawaaworld.com/showthread.php?t=318666

اختك
حروووومه

انا شاكره لك كثير يا حرم الدكتور والف شكر على اللينك الحلو

كلماتك راح احملها معي وكل مره ابكي فيها راح اتذكرك بس ان شاء الله اني ماراح ابكي وادعي لي انه ما ابكي وتمر سنوات الغربه بسهاله ويسر


بقولك سر : ((( اكــــــــــــــــــــــــــره اركب الطياره ومن لقافتي كنت اقول انا لا يمكن اركب طياره ولايمكن اتزوج شخص له علاقه بالسفر بالطيارات وفوق البيعه ماحب الطبخ واخينا في الله يقول انا احب السفره مليانه @@ متورطه )))


والله يضبط مزاجك ان شاء الله ويفرج عن خاطرك يارب روقي حبيبتي ترا الدنيا ما تسوى فديتك عيوني تعوذي من الشيطان

تحياتي