انا جديده بالموضوع

السلام عليكم
كيفكم ياحلويين؟!
بدخل بالموضوع ....
زوجي ملك ع غيري من اجنبيه ولا اعرف عنها شي حتى اسمها المهم مااعترض ابدا وباركت له بس شرطت انه مايلمسني ولا يدخل غرفتي وربي عالم وشاهد عليا اني ماقصرت معاه كل طلباته اوامر وصبرت ع وضعه وانا سالته وكان نفس الرد اني ماقصرت معاه وكان مبسوط معي بس لازم يكون في خلافات وانا عندي منه اطفال كان يضايق من المناقشات ولمن تسير مشكله واحاول احلها لاني والحمدلله عمري ماخليته ينام الا وهو راضي عني هذا طبعي حتى قبل مااتزوج مع امي وابي لازم ارضيهم قبل ماانام لاكن الله يهديه كان يفتح مشاكل قديمه من يوم تزوجنا وانحلت زي الي يحط حطب ع النار تزيد المشكله
غلطتي اني كنت اعتذر حتى لو ماكنت غلطانه لاني كنت احبه فنيت عمري مشانه ضيعت قيمتي مشانه لدرجه سار يشوفني بلا قيمه ولااهتمام وانا ندمانه مررره ع غلطتي
وانا راضيه ع امر ربي وعندي اطفال ماابغا اخرب بيتهم ايش ذنبهم يتشتتو بس والله كرهته الدلع والحب الي كنت اعطيه هو والله مني قادره اعطيه شي هو الان ابواطفالي وبس لانه انتهى بالنسبه لي مثل مايقولو الي (باعك بيعو حتى لو كان غالي )
بس خايفه لمن يتزوج ايش حيسير لي ماابغا اتعب ماابغا افتكر كل تعبي وحبي راح في الهوا رماني بعد تعب سنين وعمليات قيصريه ربي رزقني اطفالي ورا بعض الحمدلله ماقدرني ولا قدر تعبي ولا عوضني لابسفر مع انه ظروفنا كويس الحمدلله ولا حتى ورده الزوجه ماتحتاج الا كلمه حلوه تجدد نشاطها
انا ربه منزل ومااقدر اسوي شي الا باذنه سجلت بالجامعه مشان اكمل بس احسه مايكفي ابغا شي تاني مني عارفه لو جلست من دون مااعمل شي افكر واضايق حتى وانا اشتغل بالبيت من تنظيف افكر واتعب ايش اسوي ؟!....