انا جديده في المنتدى وحابه افضفض لكم واشوف رايكم بقصتي

انا عمري ٢٥سنه الان😔تزوجة وعمري ١٩وحملة وجبت ولد وتطلقت وعمري ٢٠يعني كل شي صار بامر الله بسرعه
وسبب طلاقي من زوجي الاول بدون سبب كذا نزلني عنداهلي وطلقني الحمدلله على كل حال
المهم مشكلتي بدت هنا ......
تقدم لي واحد عمره ٤٨سنه متزوج وعنه بنتين اكبر مني وعيال٢ صغار
وكان عمري وقتها ٢٣سنه
ورفضت وبكيت وبعد محاولات من ابوي واهلي كلهم وافقة وانا مابي (ابوي شوي قاسي علينا وقال لو ماخذيتيه ماعاد تعرفين الرجال بحياتك )
الزبده وافقة وكان ونعم الرجل حنون وطيب ويحبني ويحترمني وكريم وعشة معه بعد مرور سنه جاني قال انا احبك بس اني اشك انك ماتحبيني وانك تبين طليقك
طبعاً انا حبيته صدق ومالي الا هو بس مشكلته يشك وعندها وساويس ومايصدقني وتعبت ولا ابي الطلاق مره ثاني
المهم رضيت بامر الله وطلقني طلقه رجعيه وبعد ماسمع طليقي الاول اني تطلقت جاء يبي يردني ورفضة مابي
لاني اكتشفة ان سبب طلاقي كان شرط زوجته الي عنده
ودرا زوجي الثاني اني رديت طليقي وجا ركض يردني يقول دريت انك ماتبينه وارتحت وبسعدك وبحطك في عيوني
ورجعت له وارضاني وعشت معه حياه الحمدلله حلوه وروحه وجيه وتمشيات بس المشاكل مازالت موجوده وبعد مرور سنه من رجوعي رحت ازور ولدي على اتفاقنا خمس ايام عند امي وجاني اليوم الثالث قال يالله اركبي شفتي ولدك وسلمتي عليه يكفيك وعصبة وحلفت ماروح الا اليوم الي اتفقنا عليه وراح وهو معصب وجاني اليوم الثاني ورحت
المهم وبعدها بشهر تهاوشت انا وياه ورحت لاهلي وهو ماهوب راضي وزعل علي
ورجعت بيتي وكان زعلان وبعدين تأسفة منه وراضيته المهم بعد شهر بالضبط نزلني عند امي وقال امسي عندهم الليله وقلت خلاص وداني وطلع الصبح وفتحت الجوال لقيته يقول الي بينا انتها ونزل عفشي اليوم الثاني
عاد انا حزنت لاني احبه ويحبني وطلقني الطلقه الثانيه
وكنت مانيب مصدقه وكنت مابي الا هو ومع قدرت الله وحكمته مدري كيف اتصلحت الامور ورجعنا لبعض
ورجعت له وانا الان تعبانه نفسياً متضايقه منه وافكر اطلب الطلاق وارتاح مدري وش اسوي وربي تعبانه محتاجه شور طيب محتاجه احد حكيم اهلي مايحبونه وطفشت يوقفون لي بكل شي شين فيه وينسون الزين الي فيه
وهذا سبب نفوري واصراري على الطلاق منه لانهم عقدوني منه بعد
واسفه علي التطويل عليكم وشكراً