انا جميله ولكني غير محبوبه

السلام عليكم جميعا ورحمه الله وبركاته

الموضوع باين من العنوان
انا جميله والحمدلله يعني شكلي زين (بس لاتفهموها عارضه ازياء :eek:) بس مااحس نفسي محبوبه يعني صحيح الناس تحبني وتجاملني بس مااحس اني محبوبه من قبل الناس يعني ياااااااربيييييي شلون افهمكم :(
اعتقد الي يسموه جمال الروح ماعتقد روحي حلوه مادري انا كذا احس ابغي اتغير ابغي لساني يكول كلمات حلوه عشان اكو محبوبه اكثر من الجميع بصراحه ماعرف ليش احس هالاحساس !!!

انا شكلي شوي جامد يعني بدون مكياج ما يمشي الحال :30:
الحمدلله المكياج موجود يغطي على العيوب بس هذا كله ما ينفع اذا انتي روحج غير حلوه <<< انا هذا الي احسه احب اغير من روحي اخليها تصير جميله اكثر طبعا انا اصلي واقرء قران والحمدلله واساعد ناس كثير دائما اعطي للفقراء صدقات وقلبي طيب وماعندي نوع من الخباثه الا اذا الطرف الثاني بدأ :p

يعني احيانا تشوفين وحده جمالها عاااااااادي جدا عادي وتقولين ياربي هاذي زوجها شلون تزوجها (صراحه بدون زعل واكيد مار عليكم هالموقف :22: ) بس لما تجلسين جنبها وتحجين معها تقولين ياربي عسسسسل عسسسسل لسانها حلو ودمهه خفيف وتنحب بس يعجبك تجلسين جنبها وتحبين انك دائما تتصلين فيها وماتنقطع علاقتك فيها <<< انا حب كذا اصير بس شلون والله احاول واحاول بس مااشوف الناس ترجع تتصل وتبغي تكون مقربه لي :(

تدرون انا ماعندي صديقات:44:
يعني عندي صديقات بس علاقتي معهم سطحيه جدا تلفونات تكون رسميه بالكلام الروحه والجيه عندي وعندهم بس بالمناسبات ... انا لما اتعرف بالناس اول مره تشوفني باول شي تنبهر فيني لاني على حسن خلق عاديه يعني واعوذ بالله من كلما انا ... ويصيرون جداااا حلوين معاي وبكلامهم ويضحكون بس بعدهاااا بالمره الثانيه احسهم حتى مايبغون يسلمووون بدات اشعر بالنقص اقول اكيد انا الخلل عنــدي لان مو معقوله كل الناس نفس التصرف تسوي وياي اكيد اكو خلل فيني بداخلي انا صح وله لالا؟؟

لهالسبب كتبت الموضوع يمكن الاقي منكم الاجابه واكدر اغير اسلوبي يمكن اسلوبي هو الغلط ابغي اكو سنعه الكل تحبني الكل تسال عني المشكله انه انا كذا مع الناس اسئل واروح واعطيهم هدايا لما اروح اخر مره والله اتذكر رحت لوحده عطيت هديه لكل نفر بالعائله مع علبه بقلاوه ما فكرت حتى تشكرني بالتلفون او ترجع تتصل على الاقل وتسال على الاقل علي ...
مااشوف الرد منهم ينقطعوووون تماما عنـي
واذا كلش كلش انا ارجع اسئل وانا وبسسس الي اسئل هم ينقطعووون <<< ويرجعون يخابرون الا اذا عندهم يمكن مصلحه والله اعلم !!


هل السبب مني ؟؟
والله انا جاده جدا بكلامي ياريت تساعدوني والله جادة وياريت كل وحده ترفع الموضوع عشان الاقي اكبر عدد من الاجوبــه :26: