انا جوعانه بسبب طفلي

السلام عليكم جميعا ً ..
طفلي مصاب بالأكزيما ورحت لدكتور جلديه وحساسيه . وقال لي بما انك ترضعين طفلك امتنعي عن الاكلات المسببه للحساسيه ومنها البيض والمكسرات وحليب الابقار والأجبان والبرتقال قلت طيب .
بس اكتشفت اني ما اقدر استغني عن منتجات الحليب وهو مانعي عنها
ما اقدر اشرب حليب الصباح ولا بسكوت ولا كيك ولا حلويات لان فيها حليب وبعد فيها مكسرات ولا حلاوه طحينيه عشان فيها مكسرات ولا طحينه عشانها سمسم
ولا اشرب عصير كوكتيل ولا فراوله ولا برتقال والله اعلم بالاشياء الثانيه المسببه للحساسيه .
وكل ما بغيت اكل شيْ يكون في مكوناته حليب ولا جبن ولا قشطه ولا زبادي ولا مكسرات ما اقدر اكله ولا اي طبخه فيها قشطه .
صرت افطر عى توست مربى بالكرز ولا ادري اذا كان يسبب حساسيه ولا لا
وكمان القمح مو كويس للحساسيه والخبز عباره عن قمح .
قلت له اشلون امتنع عن الحليب وهو يدر الحليب فيني قال اشربي سوائل اخرى صرت اشرب شاي وانا اصلا فيني فقر دم .
ملاحظه انا ارضع طفلي طبيعي وصناعي وقال الدكتور رضعيه طبيعي بس مع الحجبه قلت ما اقدر لازم صناعي لو مرتين في اليوم عشان انا موظفه قال شو حليبه الصناعي قلت سيملاك ادفانس قال غيريه نان اتش ايه مخفف الحساسيه عشان السيملاك فيه حليب ابقار .
شو اسوي صار لي يومين واحس اني تعبت واني جووووووووووووعانه ما عندي مصادر بروتين الا اللحم على الغداء بس .