انا حائرة حامل ولكن لا اعرف متى وهل هوي طبيعي ام لا

كتبت هذا الموضوع في العيادة الخاصة بس ما لقيت رد
فقلت بركي القى رد هون
هو انا مستعجلة كتير لهيك ما استنيت لبكرة

اللي عندها اي معلومة تطمني بليز:(


السلام عليكم ورحمة الله وبركاته

حالتي غريبة واول مرة اسمع بهيك حمل
اعذريني دكتورتي واسمعي قصتي كاملة وطمني قلبي رجاءا

ما كانت تجيني الدورة لانه برضع
ابني ولدته في 28\1\2010
في 4\1\2011 نزل عليي مخاط بني
وتكرر عدة مرات على ايام
فقلت هاي اول دورة بتجيني
واستنيت لحتى صار اسبوع وهيي بتنزل وبعدين صليت عادي على انها دورة وانتهت
لقيتها رجعت تنزل عليي بني
فرحت للدكتور في 12\1 وفحصني وقال لي رحمك متضخم كتير وهاي مش دورة هاي علامة انها رح تيجيكي الدورة
وعملت تصوير ملون للمبايض والقناة والرحم وقالوا لي كل شي تمام وخبرني طبيبي انه خلص الشهر الجاي رح تجيني الدورة
(انا قبل هيك صار عندي ectopic pregnancy on the left overy)
في 3\2\2011 نزل عليي دم احمر وكتير فقلت هاي الدورة
واستمر اسبوع وتحممت على انها خلصت الدورة لانها انقطعت
وبعد بيومين رجعت تنزل دم بني واسود
واستمر . فرحت في 11\2\2011 لدكتورة تانية ففحصتني على الالتراساوند
وقالت لي انه كله تمام وفحصتني داخلي وقالت لي كله تمام
وعادي هالشي بصير لانه ما صار اباضة وهاي دورة بدون اباضة
واعطتني بروفيرا اخدها من 18\2 يعني من 15 يوم من الدورة وفعلا بديت اخدها
والدم ما توقف الا في 20\2
في 22\2 صار معي وجع ونزل دم كتير
اتصلت فيها
قالت لي مش طبيعي تنزل عليكي الدورة وانتي بتاخدي بروفيرا يمكن نسيتي حبة قلت لها لا
انا بصراحة يومها اخدت الصبح حبتين بدل حبة الصبح وحبة المسا كنت بدي اخلص من الموضوع.
المهم قالت لي اعملي فحص حمل
في 23\2 عملت فحص دم بين اني حامل وسترونج بوزيتيف
اتصلت بالدكتورة فقالت لي اما خارج الرحم او عنقودي
اعملي تايتر
عملته طلعت النتيجة 19,500 فقالت لي اذن يبدو انه عنقودي فعلا او خارج الرحم
تعالي بكرة
رحت في نفس اليوم على المستشفى لاني خفت يكون خارج الرحم قلت الحقه اسرع
الدكتور شاف كيس كبير وقال لي الاسبوع الجاي بيبين النبض
واعطاني ابر الزيت للتثبيت ودوفاستون 4 مرات في اليوم وفوليك اسيد
انا ما صدقت رحت امبارح 26\2 للدكتورة فقالت لي انتي حامل اكتر من 6 اسابيع
وارجعي بعد اسبوعين بيبين لو انه منيح ورح يكون فيه نبض او لا
قلت لها كيف صار هالشي ؟؟؟
وكيف الدم اللي نزل عليي اسابيع وانا حامل؟؟؟
فقالت لي ما باعرف ولا شي
بس اشوف النبض بحكم انه منيح او لا


طمنيني دكتورة مش رح اقدر استنى اسبوعين
مش عارفة شو هالحمل
قعدت اسابيع انزف ولسا فيه كيس حمل؟؟
وهل شي طبيعي انه لسا ما بين النبض؟
وايمتى مرجح اكون حامل

كيف اعرف؟؟؟

صحيح دكتورة الوحام صار له اسبوع معي
وكل يوم بيزيد عن اللي قبله
امبارح كان قمه
بس اليوم الصبح خف
يعني صرت خايفة
لاني سمعت الوحام دليل على انه الحمل منيح ولو خف يعني الحمل مش منيح
طمنيني بليز باسرع وقت كتورة
وفهمينين شو صار معي

اي تفصيل بيكون كله مساعدة منك بليز

ولكم الشكر وجزاك الله كل خير