جاء في صحيح البخاري :
عن عبد الله بن عمر رضي الله عنهما أنه سمع رسول الله صلى الله عليه وسلم يقول : ( كلكم راع ومسئول عن رعيته فالإمام راع ومسئول عن رعيته والرجل في أهله راع وهو مسئول عن رعيته والمرأة في بيت زوجها راعية وهي مسئولة عن رعيتها والخادم في مال سيده راع وهو مسئول عن رعيته قال فسمعت هؤلاء من النبي صلى الله عليه وسلم وأحسب النبي صلى الله عليه وسلم قال والرجل في مال أبيه راع ومسئول عن رعيته فكلكم راع وكلكم مسئول عن رعيته )
وفي صحيح مسلم :
قال رسول الله صلى الله عليه وسلم : ( ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة )
حبيبتي ترا الله استأمنج على بيتج وعيالج فلا تخونين الأمانة واتقي الله فيما استرعاك عليه
تراج مسؤولة يوم القيامة ومحاسبة عن عيالج اللي الله استأمنج عليهم فلا تضيعين الأمانة
حبيبتي والله ما بتنفعج لا وظيفه ولا ترقيه كثر ما بينفعونج عيالج كفايه انج اذا متي يدعون لج ويتذكرونج بخير ( الله يخليج لهم ) .. مب ينسون ان كانت لهم أم ويتذكرون بس انها ما ربتهم وهم صغار واهتمت بشغلها اكثر منهم
والا الوظيفة والترقية والدراسة ما بتنفعج في قبرج مثل دعاء عيالج لج
بس نصيحة لا تبتعدين عن عيالج مهما صار ومهما كانت الظروف ، باجر اذا رجعتي بشهادتج وشفتي بنتج اسلوبها متغير عليج .. وتحسينها ما تحبج .. وتعتبرج غريبه .. واذا حاججتيها تقولج انتي من علشان تحاسبيني كنتي وين عني طول هالمده علشان تيين تحاسبيني الحين ..
وقتها ايش بيكون موقفج .. هل بتفرحين بشهادتج والا بتعظين اصابع الندم على انج تركتي بنتج او ولدج علشان شي ما يستاهل
ومسكينه امج كفايه انها ربتكم انتي واخوانج وخواتج الله يعطيها العافية .. لا تحملينها مسؤولية عيالج خليها ترتاح .. وعيالج مسؤوليتج انتي وابوهم مب مسؤولية امج أو أم زوجج .. يمكن تقدرين تخلين بنتج عندها جزء من الوقت يعني اذا كنتي في الدوام او عندج شغل مهم تبين تقضينه.. لكن انج تخلينها عندها كم سنة لين تخلصين دراستج وتاخذين شهادتج .. اتقي الله في امج وارحميها
اسمحيلي يا koketa اذا كان اسلوبي دفش بس والله من خوفي عليج وعلى مصلحتج
هذا رايي واتمنى انج تتقبلينه بصدر رحب
الصفحة الأخيرة
والي عندها تجربه ما تبخل علي