اخواتي الغاليات
بعد غياب طويل كعادتي اعود
بس هالمرة غير
ماشاءالله تبارك الله
رجعت لكم حامل
بعد معاناه 8 سنوات
ربي اكرمني بالحمل
ضاقت فلما استحكمت حلقاتها فرجت
يارب لك الحمد كماينبغى لجلال وجهك وعظيم سلطانك
حبيباتي رجعت اكتب لكم تجربتي بس
ماراح احكي عن ظروفي ولااسرد قصتي
لان اغلبكم يعرفها
شاركتكم همومكم
شاركتكم افراحكم
شاركتكم معاناتكم
وكنت اروح وارجع
اخنفي واظهر
احيانا لضروف الدراسه واحيانا لضروف نفسيه
وحاليا مشغوله بدراستي
لكن هالشي مامنعني اجيكم وابشركم
اجيكم واعطيكم تجربتي يمكن تنفع ولو وحدة منكم .. من يدري
انا ماكان عندي اي مشكله لا انا ولازوجي الا اني يعد اسقاطي الوحيد ارتفع هرمون الحليب ورجع نزل
تقربت الى الله ابتعدت قد مااقدر عن الاغاني
ادعي ربي بعد كل صلاة واصلي الوتر اخر الليل واكرر
(رب لاتذرني فردا وانت خير الوارثين)
(رب هب لي من لدنك ذريه طيبه انك سميع الدعاء)
ومانسيت الاستغفار .. يالله يابنات مفعوله زي السحر لااله الا الله
وامنت ان لي رزق راح يجيني ان طال الزمن او قصر
ومن ثلاث شهور استخدمت الفوليك ومابطلته ولايوم
واستخدمت بارلودل نص حبه يوميا مع ان الهرمون نزل
وكنت اشرب بردقوش او دوش منقوع كاس مساء وصباح عالريق
واحاول اشرب ملعقه عسل بمويه مع 7 حبات البركه
اقرا الاذكار يوميا
وقريت البقرة يوميا لمدة 40 يوم
وقبل كذا في شهر 11 سويت حجامه
وفيه شي سويته يمكن كثير مايصدقونه ولا يقتنعون فيه
وهو قانون الجذب استخدمته من باب تفاءلوا بالخير تجدوة
وهو عبارة عن تحفيز للعقل وجذب للامور الطيبه عن طريق التفاؤل وتسجيلها في ورقه
واللي ماتعرفه تدورة في قوقيل وراح تلاقيه
وراح اكتبه باختصار
تحددي هدف في راسك
انا حددت الحمل طبعا
وكنت اكتب يوميا في دفتر 21 مرة عبارة انا حامل وبالمقابل اكتب رد الفعل
يعني
انا حامل .............امي دقت اليوم
انا حامل ............عندي دوام بكرة
انا حامل.............. زوجي طالع
وهكذا
يعني تكتبين اي رد فعل يخطر على بالك
ولازم تكتبين 21 جمله بدون مايقطع حبل افكارك اي شي
لاتلفون ولاغيرة
وتكتبي جمله ايجابه مو سلبيه يعني ماتكتب انا مو عقيم مثلا
لمدة 14 يوم ولو نسيتي يوم لازم تعيدي من اول وجديد
لااازم تكوني مؤمنه جدا بهالموضوع
مو انو راح اجرب وخلاص
لا لازم تحسي انه راح يتحقق طلبك باذن الله
لااحد يسالني ليش وكيف
لاني ماادري
كل اللي اعرفه ان العقل يتبرمج على الفكرة ويتحقق اللي تبينه باذن الله
صدقوني يابنات باذن الله العلي العظيم رح يتحقق حلمك
وكلها كم شهر واتفاجا ان ربي عجل برزقي اللي كنت مؤمنه انه راح يجي
الحمد لله رب العالمين
سامحوني يابنات اني تاخرت عليكم لكن ربي يعلم بظروفي
لكن الحمدلله على كل حال
كل اللي ابيه منكم دعوة من قلب ان ربي يتمم حملي
ويثبته
ويرزقني الطفل كامل الخلقه
ويفرح عيني بشوفته
الفجرالاخير @alfgralakhyr
محررة برونزية
يلزم عليك تسجيل الدخول أولًا لكتابة تعليق.
:icon28:ماشاء الله تبارك الله ...لاحول ولاقوة إلا بالله..:icon28:
الله يتمم عليك ويقر عينك ويحقق أمانيك ,,ويرزقنا جميعا من خير الدنيا والاخرة
ابسألك ...كم نسبة هرمون الحليب لاني زيك واخذ باروديل حبة صباحا وحبة مساء
وشكلي ابغير واخذ نصف حبة ص واخرى م
البردقوش وقت الدورة وكم يوم
وألف شكر لك:27:
الله يتمم عليك ويقر عينك ويحقق أمانيك ,,ويرزقنا جميعا من خير الدنيا والاخرة
ابسألك ...كم نسبة هرمون الحليب لاني زيك واخذ باروديل حبة صباحا وحبة مساء
وشكلي ابغير واخذ نصف حبة ص واخرى م
البردقوش وقت الدورة وكم يوم
وألف شكر لك:27:
الصفحة الأخيرة
الأن بالشهر الرابع؟؟ الله يحفظه ويكفيك شره وتشوفينه بأتم صحه وعافيه يااااااااااااارب