انا حامل باركولي وساعدوني

مساء الخير كيف الحال انا متزوجه ليه7شهور والحمد الله الشهر هذا حمل درت تحليل منزلي قبل موعد الدوره بأربع ايام وطلعلي خطين واحد داكن واحد خفيف فرحت وكلمت زوجي مع اني كنت متعاركه معه ومشية ودرت تحليل حمل وطلعت النسبه 60.2 وقلتلي مش اكيد حمل عاودي التحليل بعد اربع ايام بس انا قريت في النت ان لو كان اعلى من 25 معنتها في حمل بس قلت نستنه4 ايام و كل يوم اندير تحليل منزلي ويطلع خطين واحد داكن واحد خفيف و رابع يوم نضت من الساعه6 مشية حللت دم الساعه9.30 وقالو ارجعو بعد ساعتين رجعت وكنت قريب انموت نبي نعرف النتيجه قالتلي كنك خايفه في حمل ونسبه844.2 الحمد الله لاني كنت نستنه من 7شهور صح هي فتره مش طويله واجد بس انا واختي تزوجنا في نفس اليله لأن مادرنش فرح لأن خويه استشهد في 30|9 ونحنا تزوجنا في3|11 هي حملت وتوا في الشهر6 والحمد الله على كل شي ونحن الاثنين نتمنو ان انجيبو ولد عشان انسمو على خويا ................انا كتبت قصة حياتي وطولت عليكم بس نبي نسأل على كم حاجه الي عندها خبره تجاوبني اول حاجه كم يرتفع الهرمون وكم ليه حامل كيف نحسب....... اخر دوره ليه 24|4 وتحليل كان 26|5 يعني السبت هذا .....والحركه اضر ولا لا لان زوجي يبي يحبسني في الحوش واليوم ماحوتك ماتحايلت عليه وطلعني....وعندي اسأله واااجد بس ياريت اتجاوبوني علي هذين في اول