انا حامل بالشهر الرابع واتعبني اللعاب والبلغم اكفون الي تقدر تساعدني تدخل

مساء الخير خواتي


ابقولكم سالفتي لاني حييل تعبت
انا حامل ولما دخلت الشهر الثاني تعبت من الوحم حييل لدرجة انه صرت استفرغ دم ..وشهر رمضان كله وانا كل يومين اروح المستشفى ياتنويم بالايام او اخذ مغذيات ويطلعوني لان كان عندي استفراغ حااد جدا ..وكان معي بلغم بعد بس كنت احس فيه على خفيف لان الاستفراغ كان متعبني ولا كنت حاسه بالبلغم ..وبنهاية الشهر الثالث خف علي الغثيان والاستفراغ لكن البلغم اتعبني بشكل رهيب وبديت احس فيه ..لدرجة انه حارمة نفسي من مجموعة الحليب والالبان لانها تزيد البلغم عندي ويتعبني اكثر .
.جربت لبان الذكر ومافاد معي ولما اشرب شي ساخن يزيد عندي افراز اللعاب بفمي وماقدر اتحكم فيه ويسبب لي غثيان اضطر انه استفرغ
رحت المستوصف اليوم قال الطبيب انتي حامل ماقدر اعطيك شي


تكفون من بنات من فيكم كانت مثل حالتي وتعالجت منه ..واذا بتقولون يروح من نفسه هل لازم اتعالج عشان يروح والا من نفسه يروح


بعض الحريم لما شافوني بالعيد قالو غريبه انتي مرره طول فيك البلغم المفروض من تدخلين الرابع يروح


صار متعبني في اكلي ماقدر اكل لما اشبع لانه من اوصاكل لمرحله وانا اكل احسه يرتفع فيني ويسكر على حلقي واذا جيت ابلع احس بشي مسكر حلقي ويسبب لي غثيان ولوعه
اضطر انه انتظر وامسك نفسي لين اهضم الي اكلته وعقب اروح احاول استفرغ عشان يطلع
ومع ذلك يرجع يتكون من جديد ما كأني شي


الله يسهل الحال ويعين