هــلا والله فيكم يا اخوات..

اشكر اي وحده ردت علي واخذت من وقتها عشان تقرأ قصتي وانا احترم كل الآراء


اما عن قصتي قبل زواجي دامت لمدة 5سنوات

كان هو يتصل علي كثير بس انا ما ارد واحيان ارد عليه


قبل زواجنا بسنه بدى علاقتنا تخف وكان ماناحيته ما اعرف ليش


انا ما ابي مشاكل بس اهو يشك فيني بجنون هذا اللي مزعلني

وعن حالته النفسيه اهو اعترف لي انه كان يعالج من الشك عند دكتور نفساني بمستشفى سليمان الحبيب وتركهم لانهم كانوا يعطونه حبوب منومه كثير

وقال لي انه قد مد يده على امه من فتره لما لقاها اخر الليل تكلم عالتلفون بس كان متحسف كثير وندمان

انا خوفي الوحيد اني ارجع له بعد اللي صار بينا من هواش لاني مع الحمل تكلمت عليه كلام الله يسامحني بس واهو ماقصر فيني

واهو يتوعدني بالتأديب و و و الخ وانا خفت منه خصوصا انه مريض ويطلع منه اي شي


بالمناسبه انا سالت دكتور نفساني عن الشك وقال لي انه اللي يعاني من الشك يلزمه فتره طويله عشان يتعافى على حسب الحاله وزوجي رافض العلاج


كل مشكلتي الحين هي الخوف الشديد منه

وقال لي ببداية حملي لو جبتي بنت بخليها تتغطى من عمرها سنتين مدري اهو يمكن كان يمزح معي بس احيان احسه يتكلم جد

والله العظيم اتمنى الستر واتمنى اني اربي ابني بين حضني ولا احد ياخذه مني لاقدر الله وتطلقت

بس نفسي مقفوله من ناحيته وما ادري لا رجعت له بظلمه معي وبظلم نفسي لان اهو كارهني وانا ما اطيق حتى سماع صوته

زوجي انسان غير متفهم وانا حاولت اتفاهم معاه كثير

كنت احيان انام عالكنب لازعل مني عشان ما اضايقه واهو ولا يهتم ولا يجي يراضيني مع اني حامل والنوم بهالطريقه مضر لي بس مدري قلبه ليش قاسي من ناحيتي


تمنيته يعتذر لي وانا بسامحه بكل طيب بس اهو مصمم ان صاحباتي بنات حقات شباب وان انا احب النت عشان الشباب مع ان الله شاهد اني صاحبة منتديات واحب اقرى وبس

مالي علاقه بالشات ولا احبه

ما اقول الا ما ادري وش اسوي اهلي كلهم محد مهتم فيني لدرجة ان اخوي اذا جبت سيرة زوجي او سالته قام وخلاني مدري ليش

مره قلت لابوي انا بشر واحس ولي مشاعر ليش تخلي كرامتي تنزل لزوجي واتصل عليه واهو ماسال عني


قال لي انتي تعصين ابوك

فكرت بيني وبين نفسي لما اقول رايي اكون عاصيه لابوي

وش اقول اكثر

لاتلوموني يابنات والله حلمي ارجع احب زوجي وادعي من قلبي ان اتقبله بس اهو ماساعدني ولا عطاني امل

يابنات يقابل اخواني ويطلع معهم للعزايم ويضحك وياهم واهو يبادلونه بالمثل ولا يكلف نفسه ويقول كيف حال زوجتي لو كذب؟؟

واذا وصلني الخبر انه معهم اقولهم سال عني

يردون علي يقولون يسال عن ناشز انتي ناشز لزوجك ليش يسال عنك؟؟

اجلس ابكي واقول لهم حرام عليكم هذا وحم من ربي

يعتذرون مني

بس برضوا معه طول الوقت احس اهو مايحط لي قيمه بسبب اخواني

بنت خالي لما تخاصمت مع زوجها اخوانها مسكوه وادبوه وقالوا له ان اختنا وراها رجال واحترمها وان كانت هي الغلطانه عليك تعتذر والله من وقتها واهو حاطها بعينه

اما انا زوجي مأذيني واهلي لا شافوه بمكان شالوه من على الارض

حتى اهو بلسانه قال لي اهلك محد بينفعك منهم مردك لي وبتشوفين اني كلامي صح وانتي الخسرانه


قلبي فيه حسره والم لاتقسون علي يابنات مثل اهلي

واللي بترد علي تحط نفسها مكاني قبل تفكر تلومني

صدقوني اني اتمنى كل هالشي ماصار بس القدر محد يعترض عليه

آآآخر كلمه بقولها لكم يمكن تحسون بمعاناتي

انا اخر مره قلت للوالد
اني طلعت لي مكآفأه في الكليه ياسلام الحمد لله عشان اشتري اغراض للبيبي وسرير وكنت بطير من الفرحه لان زوجي مايصرف علي

قال لي خلي ابوه يجيب له

قلت له ابوه مايدري اصلا هل انا توني حامل او باي شهر انا

قال لي ( انتي خبيثه والخبيثون للخبيثات وربك مايظلم احد)

توقعوا صدمتي

والله يومين بكيت من كلمته لي هذي

انا ما ازعل من ابوي ابد وادري انه يحبني بس الله يهديه دايم يجرحني بكلامه

شاكره لك يابنات وتقبلوا تحياتي

اختي انا مثل نفسيتك كل شي ازعل منه

ادعي كثير ان الله يصلح زوجك يشفيه من كل شي

واذا جاك الطلق ادعي سبحان الله تستجاب باذنه

جربي اسلوب الدلال معاه فتره لان الرجل طفل صغير

والله يقومك بالسلامه ويحفظ لك النونو اامــيــن

ياااااعمري والله قطعتي قلبي..بس شوفي حبيبتي أنا ياما وياما تهاوشت مع زوجي وهو قاعد يسب أهلي ليل ونها وأنا اعصب لما يسبهم تخيلي يأأختي كلما تهاوشنا في بداية زواجنا يقولي أمك فيها وأبوك فيه وأخوانك وخواتك وحتى خوالي ماسلمو منه وحنا حياتنا خناااااااق في خناق تقريبا سنتين وحنا على ذاالحال وعجزت وأنا أدافع عن اهلي وكذا مرة تهاوشت معاه ودخلت اهلي بالموضوع لكن كلهم يوقفون معه ضدي رغم انه يسبهم وأنا أدافع عنهم لكن مثل ماقلتي محد قادر يتحملني ..ضفيت أغراضي ومن اول مكالمه له هرولت هرولة له ورجعت بيتي واخذت عهد على نفسي لو نتذابح بالسكاكين أنا وإياه ماأدخل أهلي بالموضوع ولاأقولهم وش يجري بيني وبينه ..وبالفعل الرجال تأدب وصار مايسب أهلي بس بعد إيش بعد هم وتعب وعذاب مني بعد ماصرت انصحه واخوفه بالله وأذكره بالغيبه و..و..لحد ماااااااااااااااااااااااوالله والله أنه ماعاد يسبهم إلا ماندر ..وأول كان أشد من زوجك والله والله ياأختي أنه ليل مع نهار يسب أهلي وهم زي العسل معاه والله وش أقولك قسم انهم خيال معاملتهم معه رافعينه فوووووق..
المهم خفت خناقاتنا وصرنا نادر والله الحمد مانتهاوش..وصدقيني ياأختي زوجك به حنية وطيبة واضح عليه أنه يحبك لكن انتي كمان قاسية معاه وماراعيتي ضروفه حييييييييل لو أنه أقشر كان ماعطاك الجوال تكلمي أمك وانتي بدبي ولو أنه أقشر ماجاب لك أكل وشرب ..كان عذبك لو أنه أقشر مادق يطلب يتفاهم ..لو أنه مايبغاك ومايحبك ما تمسك فيك كان طلقك على طووووووول..أستهدي بالله ووقفي مع زوجك ولو انه شكاك ..والله والله أن زميلتي مع زوجها لها سبع سنوات وهو يحبه بس أنه شكاك لكن هي ماطقت له خبر دام هي واثقة من نفسها ماتسوي شيء خلاص مايبغى يلقى عليها شيء..خليه يفتش جوالك خليه يدخل عليك فجأه خليه وخليه بيتعب بالنهاية بيثق وصدقيني بيتغير ولاتخافين تراي ياما وياماتذابحت وتهاوشت وتزاعلت انا وزوجي والله ان صراخي وبكاي يسمعه الي وين..
والحين الحمد لله ..بس لازم أنتي كمان تخلينه مايصبر عنك يعني تقربي منه ..
وانا ياأختي لي ست سنوات ومارزقني الله بالاولاد رغم ان السبب من زوجي وصبرت عليه ورغم هواشه لي وسبه لأهلي ورغم انه يدخن وكشفت له بلاوي قبل الزواج وكان يسويها وسفره خارج البلاد و..و...ومع ذلك صبرت وتحملت ..
ياأختي الدنيا ماتصفي لحد إذا دق عليك ردي وارجعي معاه إذا طلب انك ترجعين أحذري تقولين لا وبطريقتك بتكسبينه صدقيني زوجك فيه خير ومن ناحية انه مايصرف عليك هههه والله ضحكتيني كل الرجال كذا مايبون يصرفون ابد أبد تحملي ياختي تحملي ياقلبي والله اني لك ناصحة أمينه وش تحسبين الرجال يابعدي ترى تطلع منهم البلاوي..
أجل زوجي مرة أختبرته ودقيت من جوال بنت ومادريت بثواني إلا هو داق ويقول ياهلا ومدري كييييييييف؟؟أنصدمت على الرغم انه مايهتم بالبنات لكن شوفي وش يطلع منه سبحان الله..
وبصراحة لاحظت انك تقوينه في بعض الامور شوفي يوم انك تلبسين على الكتف طاعك رغم انه يشك والله لو أنه واحد ثاني كان انجن وقلبه هم..بعد لاتنسين انه رجل ومن حقه يكون قوي ويفرض رجولته ..

اختي لقد تاثرت بكلامك كثيرا...واعانك الله على مابك ....وربي يقومك بالسلامة............ولكن لاتتاخذي اي قرار في الوقت الحالي الى ان تولدي وبعد ذالك حاوالي ان تتقربي الى زوجك وعليك بالدعاء له بالهداية والصلاح في كل وقت ...وربنا يصلح اموركم ...انا ماحز في نفسي الاكلمة والدك لك ...فلذلك لاتتسرعي بطلب الطلاق وعليك بصلاة الاستخارة....والله يكتبلك الي فيه الخير

الله يعينك على بلواك