انا معاها وغير كذا رايح يحج يدي واجب مو مسافر يتمشى او برا المملكه عشان يتمشى توكلي على الله وخليه يجيك مشتاق

كل سنه يروحون الحج سواء زوجي او الوالد او اخواني والموضوع جدا عادي الله يهديك مو رايح الحرب استودعيه الله وما يصير نفسيتك كذا الله يشرح صدرك

لا اله الا الله
ليه مسويه الزحمه هذي كلها والموضوع مايسوى !!
وزعلانه و بكى ونكد عشان رايح يحج و يطلب ربه
ترى كلها 7 ايام او اقل ويرجع لكم
روحي لأهلك وعيدي عندهم وعيني من الله خير
واذا مازلتي ماده البوز شبرين خليك في بيتك لوحدك احسن واستر لك وقضي كل شي تحتاجيه قبل يسافر

😳😳😳😳


خوفتي البزران الله يهديك وش فيك
ياحبيبتي اللي معك هرمونات بس متضاربه فيوزاتها


تدرين راح تجيك الغده الدرقيه وتنتفخ عندك وتقعدين تتعالجين منها طول العمر بسبب اللي جالسه تسوينه بنفسك


اسمعي انا مريت بنفس حالتك بس من شدتها ماكنت احسس احد بحالتي

انا قالولي احتمال قيصرري ولادتك ومن بعدها عشت رعب وخوف من العمليه بس ماكنت ابين لا لزوجي ولا لاهلي ولا لاحد اخر الليل اجلس على السجاده ابكي بحرقه وعشت رعب عيشت نفسي رعب
وولدت قيصري وراحت الحاله عني
وش اكتشفت بنفاسي
الغده الدرقيه منتفخه برقبتي وش السبب الحاله اللي عيشت نفسي فيها اني عيشت حالي بضغط شديد
وهذاي مصابه بالغده والسبب انا


لذا انتي راح يجيك مثلي والسبب انك معيشه نفسك ضغط نفسي ماله داعي
مادري انتي زي وضعي مقررين لك عمليه او فيك شي خيير معيشه نفسك حاله نفسيه سيئه


زوجك رايح يحج كم يوم رايح يتعبد الله
لاتخلين الشيطان يضعف ايمانك
وس تقعدين بيتك واهلك وشفيهم ذولا هم سندك وعزوتك بوقت حاجتك
وبعد تقولين لزوجك حج السنه الجايه ضامنتن له حياته السنه الجايه
الله يسر له هالشي لاتمنعينه عن شي مسهله الله عليه ولا تكدين عليه بعباده
الله يهديك تذكري انه الشيطان يبيك تنكدين على زوجك عبادته
المفروض اللي زيك تقابل زوجها بوجهه بشوش وبنشراح وبدعوات رايح يطلب رضى الله عزوجل
مو مسافر لديار فله ووناسه عشان ولا رايح لشغل


ادحري الشيطان اللي راكبك هو لاعب عليك وغاسل لك مخك ومحسسك بشي عظيم وهو ولا شي

المهم تبين تتغير هالاحاسيس فجئه
مجربه بحملي الثالث
جاني خوف ورعب من الولاده خايفه تصير قيصري
فعشت مره ثانيه بعالم ثاني خوف ورعب
وبديت اقراء سورة البقره
من اول يووووووم قريت فيها السوره كلها كامله بعد صلاة الفجر مباشره
نمت نووووووووومه ماقمت الا بعد الظهر اول مره انام نومه مريحه مشبعه وطويله ومافيها توتر ولا قلق
وقمت منشرح صدري ولا شي يشغل بالي
صرت اقراها يوميا قبل ارجع للنوم ماتركتها الا بفجر ولادتي لاني كنت نايمه قبل اذان الفجر وقومتني الطلوق فجئه وولدت بسهوله ويسر وسعاده


اليوم اقريها وشوفي والله راح تتبدل عندك المشاعرك
من شي شايفته وعارفته