ظبية البان :

الحمد لله على نعمة الأولاد سوى بنت أو ولد يا عمري شوفينا احنا 6 بنات جابت أمي 4 بنات أنا أكبرهم وبعدين ولدين وبعدهم بنت وبعدهم ولد وبعدهم بنت وبعد 7 سنوات جابت أمي ولدين وراء بعض ... في الوقت اللي أمي جابت فيه الأربع بنات كان عند زوجة عمي 4 أولاد يعني الدلع والدلال من أهل أبوي كان لزوجة عمي على أعتبارها أم العيال وأمي أم البنات .... المهم عمي الآن عنده 6 أولاد وبنتين ... ودارت الدنيا يا أخواتي وجدتي ( أم أبوي ) صارت الآن عند أمي ما يخدمها غير البنات اللي كانت ما تبيهم . وعيال عمي ما تشوفهم بالسنة إلا حسنة ..... عمي( أبو العيال يعني ) أوضاعه المالية صعبة , وبيته صغير جدا , واللي يدخله يحسه ميت من جد . وعياله محد كمل تعليمه , لكن أبوي (أبو البنات ) الآن نجهز لبيت جديد بننقل له . وأنا متزوجة وعندي بنت وحامل في الثانية يمكن , وأدرس ماجستير , وأختي متزوجة وعندها بنتين ... وأختي الثالثة متملكة على مهندس وهي الآن في آخر سنة طب , وأختي الرابعة تدرس كيمياء , واللي يدخل بيتنا ينبسط علشانه بيت بنات , فيه حياة .. حتى الوالد عمره ما حسسنا أنه أبونا طوال عمره أخونا وصديقنا الله يطول في عمره , البنات نعععععععععععععمة من الله , والأولاد بعد ..................... والله يصلح لنا ما أعطانا .

الحمد لله على نعمة الأولاد سوى بنت أو ولد يا عمري شوفينا احنا 6 بنات جابت أمي 4 بنات أنا أكبرهم...