انا حزينه ادعولي نتيجة الحمل سلبيه من بعد التلقيح الصناعي.

السلام عليكم ....يااخواتي ساعدوني وادعولي وربي اني لأمس الحاجه لدعائكم لي بالحمل :(
انا يابنات مضايقه كثير لي اربع سنوات وانا اتعالج عشان احمل
الشهور اللي فاتت سويت فحوصات وضبط هرموناتي وسويت اشعه الصبغه وطلعت سليمه عشان مقبله على التلقيح الصناعي
والحمدلله سويت العملية الشهر اللي فات وكان تحليل السائل زوجي ممتاز وعملنا التلقيح الصناعي وعطوني حامض الفوليك وعطوني
تحاميل اسمها سايكلوجيت تؤخذ عن طريق المهبل وقت النوم تقول الدكتورة هالتحاميل تصير بطانة الرحم معي سميكة عشان تنغرس البويضه وماتسقط واستخدمتها اللين موعد التحليل اللي هو اليوم
طبعا المفروض الدورة تجي امس ماجت جا اليوم ولسه ماجت وقلت حاااامل اكيد ورحنا على المستشفى وعملت تحليل وللأسف الشديد طلعت النتيجة سلبية وصارت صدمه لي انا وزوجي وخاصه زوجي
ماقدرت اطالعه حتى كسر خاطري كثير ...:44:
انا هالحين متخوفه يابنات الدورة ماجت عدت ثلاث ايام هالحين واحس انتفاخ شديد بالبطن وثقل مدري من ايش وافرازات زي الدورة شفافه بدون رائحه ولا لون واشوي تنقطع واشوي احس جفاف بالمهبل واشوي وترجع افرازات شفافه وش معناته معقوله من العلاج؟؟؟
يعني اقول الدورة على الابواب والا حمل مين سوت تحليل وطلع سلبي وبعدين اكتشفت انها حامل والله تعبت حتى كل ماتنزل افرازات اقول شكلها الدورة بس مانزل شي
انا خايفه هالتحاميل هاذي مانعه الدورة تنزل ولا شي ماني ناقصه مشاكل زيادة يارب يسر ولاتعسر آآآآه مخي مشوش
تكفون يابنات مين تعرف عن هالتحاميل اخاف انها متعلقه بالدورة مانزلت
وش سر هالانتفاخ والثقل ببطني ؟؟ولو كان حمل ليش ماطلع بالدم يعني معقوله ماينبان الا بعد فترة انا اعرف ان تحليل البول اكرمكم الله هو اللي يبي له اسبوع عشان ينبان في حمل او لا
بس الدم على طول يطلع اذا في حمل
ريحوني الله يريح بالكم والله مافي شي الا وسويته :(
ادعولي ثم ادعولي ثم ادعولي:(
ودي افرح امي حبيبة قلبي كل مرة تسأل مافي شي بالطريق ,,آآآه ياربي ساعدني وفرج همي ويسر لي امري وارحم ضعفي وقلة حيلتي وارزقني من حيث لااحتسب انا واخواتي اللي بالمنتدى.وفرحني وبشرني بالحمل عاجلا غير اجل يارب العالمين.
اللهم امين.