انا حزينه على عيالي

السلام عليكم ورحمه الله وبركاته
اخواتي انا ضايق صدري من عيالي الله يهديهم ويهدي عيال المسلمين
من يوم انهم صغار وانا وابوهم حريصين على تحبيبهم بالدين والصلاة لدرجه ان الواحدمن يصير بثاني خلاص يقوم لصلاةالفجر بس مع الاسف ما صاروا على مانتمنى
صارت الصلاة هم على قلوبهم وصاروا مايصلون الا بالهواش والا اذا صاروا يبون شيء مننا
والمشكله اني دايم اكتشف انهم احيانا يصلون بدون وضوء او اطلعهم للمسجد لكن مايروحون يقعدون بالشارع
مع ان اعمارهم مابين 16 سنه و9سنوات
والله اننا نعاملهم بالترغيب واحيانا بالتخويف من الله بس مافيه فايده
ابوهم الحمدلله ملتزم وانا احاول معهم بكل ماؤتيت بس بدربهم لو مايقول لهم احد صلوا كان عادي مايفكرون يروحون من انفسهم
ياناس وش الحل شجعناهم بالهدايا ولا تحسنوا ودي يصير عندهم حب للدين وعندهم وازع في خلواتهم
ماشاءالله فيه قرايب لنا اطفال حريصين على الصلاة مع ان ابائهم مهملين
هل هذا ابتلاء لنا
والله اني ادعي لهم ولعيال المسلمين في اوقات استجابه الدعاء
اخاف يكبرون على الاستهانه بدينهم :44:واخاف عليهم من النار
تكفون دعواتكم لهم لعل فيكم مستجاب الدعوه
معليش كلامي مخربط من الهم بس انتم فاهميني