انا حزينه ودمعتي على خدي

السلام عليكن ورحمة الله وبركاته.......
هذي اول مشا ركة لي في هذا المنتدى الرائع ...................
أنا عندي مشكله زوجيه والله ما ادري يا بنات من وين ابدأ ومن وين انتهي..........

انا متزوجه من 9 شهور تقريبا ، وحياتي انا وزوجي حلوه ولله الحمد وفيها تفاهم بس مو مره
صار عندي مشكله بالامس القريب:
كلمني زوجي وقال أنا مشغول بالعصر قلت له طيب الله معك بس انا بروح لأهلي .... قال طيب..
وبعد خمس دقائق اتصل مره ثانيه وقالي ..... كان قبل شوي معي نا س ولا قدرت اكلمك ...
انت وشوله تروحين لأهلك امس هم كانوا عندك ...قلت له طيب انت مشغول وانا وش اقعد بالبيت لحالي اسوي؟ وبعدين اذا انت خلصت شغلك مر عليّ عند اهلي وبس.... قال لا اقلك لا تروحين تقولين بروح! اقعدي سوي لي قهوة وحلى لين ما اجي !!!.......قلت انا بصوت منكسر طيب زين .............( مع العلم يا اخوات ان زوجي ما يحب القهوه ابد واذا سويتها والله ما يشربها انا بس اللي اشربها ..والحلى بعد ما يحبه خصوصا انه مسوي ريجيم هالايام...طيب وشو له يطلب مني اقعد عشا ن اسوي اشيا ما يحبها ؟؟؟ هل هو لمجرد التسلط؟؟!!)


بعدين انا قعدت اصيح شوي وبعد ربع سا عه تقريبا جا للبيت وقالي تعالي اكلمك شوي وقعدت انا وياه عشان يكلمني ..................يابنات قالي كلام كثيييييييييير والحقيقه انه جرحني وحطمني وااااااااااااجد ...........تكلم عن اشياء انا مقصره فيها معاه وبصراحه ان الحق معاه اني مقصره بأشياء ........لكن برضه انا منيب سيئه انا احاول اراعيه على قد ما اقدر .........
المهم انا مارديت عليه ولا بكلمة لأنه صدمني بكلامه ومدري وشلون احس لو اني تكلمت باي كلمه كان على طول بأنفجر بالبكاء ........

المهم من بعدها بشوي حاول زوجي انه يصالحني ... وانا تظاهرت له انو خلاص الموضوع انتهى وان اللي يبيه بيصير ......... لكن من داخلي حسيت ان مشاعري تغيرت نحو زوجي حسيت انه ما يحبني واننا نجامل بعض كثير ...... بصراحه انا احبه ولا عمري حبيت قبل لا اعرفه ....................... بسسسس هو يحطمني ويجحني من غير ما يقصد وانا ما اقدر اقله...
انا بصراحه ما اعرف اعبر عن مشاعري ولا عن نفسي ولا عن احاسيسي.....
انا تعبــــــــــــــــــــــــــــــــــــــــــــــــــــــــــــــــــــــــــــــــــــــــــــــــانه :(:(:(:(

وبصراحه انا انسانه ما احب شغل البيت اكرررررررررررررهه ما تعودت اشتغل عند اهلي ابدااااا وهنا في بيتي اشتغل واتعب ومع ذلك فيه تقصيركبير وانا فاضيه لا اشتغل ولا شي بس اكره الشغل في البيت واحزن على نفسي كثييير اذا غسلت دورات المياه اعزكم الله واذا قعدت اغسل الارض ومن هذا القبيل :(........

مدري وش اسوي انصحوني بالله عليكم وكيف اعامل زوجي؟؟؟؟؟؟؟

انا بعدني ما خذه في خاطري على زوجي وهو يسألني يقول انت زعلانه مني او فيه شي مضايقك ... وقله لا وأنكر مع اني مجروحه بس ما ابي اتكلم .... واذا تكلمت على طول ابكي وانا اكره نفسي اذا صرت اتكلم وابكي احس ان كأني بزر :(


هذا اللي اقدرت اكتبه لكم الحين مدري انتم بتفهمون علىّ؟؟ الخرابيط اللي كتبتها بس انا بحاجتكم يا اخواتي الفضليات انصحوني......................والله يخليكم اللي بيرد عشان يجرح لا يرد كفاني جروح ..
ولكن تحياتي