انا حزينه ومجروحه ولا ادري وش اسوي دعواتكم

سلام عليكم
انا على اساس بطلع الاربعين واروح المشغل يوم قلت له عيا قال مشغل مافيه قلت ليش انا محتاجه المشغل انتي كلك حلى ولاتزينين لي والله حلوه بدون مايحتاج قلت انا ابتزين لنفسي ويضحك اني اقول كيذا وانا اذا انقهرت وانلهدت ماعرف اعبر اكتم وخلاص مابي اجادله لاصار مايفهمني قال والعيال قلت عيالك انا مابي اخذهم من الاساس بس خلاص يجون معي عيا قال اشوف افكر وانا ساكته واحترق قلت حمل ونفاس ابي المشغل ابي اتفرغ لنفسي ابي اشتغل على نفسي ليه لا قال ايه كم يبي لك لك ساعه بس قلت ماتكفيني ساعه مادري متى اخلص خلاص بعد ماطيب خاطري وعيفني سكت ومريت لي كم محل بعدين نزلني للمشغل ويحتريني بالسياره قلت له نزلني وارجع البيت عيا وكل شوي دقدقه وانا على اعصابي ولا استمتعت باللي قاعده اسوي المهم خلصت وطلعت
ركبت السياره وشوي يكلم نسيبه برنامج فديو بدوله اجنبيه مبتعث ويعزمه تعال وش يجلسك بالحر لقيت لك خوي ولا لا وانا اسمع وانا منصدمه واغلي غلي يقول تعال بالاجازه قال الاجازه بثوبي ماتى مابغيتها اخذها ويصور له الاجواء وزوجي يتوجد عليها من غير اللي عنده بالسناب يصورون سفرياتهم المهم سكر
قلت ماشاءالله مخطط وخالص للرحله قال ماني رايح ولو ابي اروح ماني رادن عليك قلت اروح معك ليه متاخذني قال كيذا انا مابي اخذك قال والعيال قلت اخليهم قال معك مكلفه قلت هالطبيعه اللي تبي تشوفها انا ابشوفها مثلك ماهو بهالصحاري القاحله قال عندك اليوتيوب قلت لاتفكر تروح له وانا ماني معك ليه تدور لك خوي ليه ماتخذني انا ونروح نسير يمهم قال افهمي انا مابي اخذك قلت رايح للسكار والمراقص واذا تبي تمشي ورقتي تعطينيعها تطلقني وبالثلاث قال طسي هذولا اهلك روحي معهم ويوم وصلنا البيت من ضمن النقاش قال لاوصلت عاد تنثبرين هينا بهالبيت انتي هذا مكانك
وتوته خلصت الحتوته بكذا قضيت ليلتي الاربعين
يوم اقولكن ودي بفندق ابي اونس روحي اقلها ليلتين نتمشى بها ماهمه وعادي انسان اناني وناقله هم اقول ماحوله راتب اخلص الاربعين والراتب ماجاء وانا ودي انتمشى قريب انا وياه
ومايبلش بالاجازه هاذي اللي دمرتني لابغيته شي مايقدر ولا عمره سفرني هو لو يجبر خاطري بسفريه زين يقول سافرت لاردن وسافرت لمصر وسافرت للمغرب وش الجديد