(سناء) @snaaa_2
عضوة جديدة
انا حزينه يابنات
بسم الله الرحمن الرحيم
السلام عليكم ورحمة الله وبركاته
بنات انا اعاانى ولا ادري وش اسوى
الشئ اللي اعانى منه شئ داخلي داخل نفسي
انا اخاف من الفقد اخاف افقد ولدي بحادث اخاف يموت زوجي ولو يتاخر اتخيل كل شئ لين عشر سنوات قدام
تعبت يابنات من الهم والتفكير
الحمد لله انا انسانه مؤمنه واخاف الله واعرف ان هالشئ غلط بس هالشئ عايش معي بروحي مرافقنى
يمكن سبب المشكله ان ابوى الله يرحمه سافر وودعته وانا عمري 10 سنوات ولا رجع سوا حادث وتوفي
بس قبلها باسبوع كنت اجلس انتظر رجعته واذا تاخر اجلس برا لين يرجع
تزوجت بعدها بخمس سنوات وصار زوجي هو كل شئ وعشت نفس التفكير اخاف اذا تاخر احس بقلق لين يرجع
تعبت من هالاحساس واللحين نفس المشاعر مع ولدي احس بفقده
اللي تعبنى انه قبل يومين فقدنا صديق زوجي بحادث والله انى كنى فاقده واحد من اخونى الله يرحمه
قالي زوجي انه حلم انه متزوج سويت بحث عن تفسير الحلم ولقيته انه راح يموت
يابنات انا مؤمنه بالله بس ذبحنى هالاحساس خوووف
اتمنى اموت انا ويبقي زوجي اتمنى يتزوج على ويعذبنى لاجل مايوجعنى رحيله
ياليت يابنات تفهمونى والله تعبت تعبت من هالاحساس اللي حارمنى من طعم الحياه حارمنى من الاحساس بكل شئ
يمكن ماعرفت اشرح سالفتى بس والله حزينه
11
1K
يلزم عليك تسجيل الدخول أولًا لكتابة تعليق.
نعومه..
•
فديت قلبك وربي نفس حالة امي هي فقدت ابوها وعمره عشر سنوات ومن يوم ماخذت ابوي وخلفت سارت تخاف بالحيل وماخلت طبيب نفسي إلا وراحته ومابه شيخ الا وقرأ عليها ياقلبي عيشي حياتك واستودعي زوجك و ولدك الله@
فديتك نفس حاااااااااااااالتي اخاف افقد ابوي او امي كل يوووم افكر كذا واتضايق ومرات ابكي
مع اني مؤمنه ومتقربه من ربي اكثر واكثر لكن ماقدرت اشيل هالاحساس الله يعين
الله لايحرمك من احبابك ويخليلك زوجك وولدك ويرحم الوالد يارب ولايريك مكروه بعزيز ..
كل مافكرتي بهالشي استغفري واسألي الله ماتريدين والله يعطيك ماتتمني
مع اني مؤمنه ومتقربه من ربي اكثر واكثر لكن ماقدرت اشيل هالاحساس الله يعين
الله لايحرمك من احبابك ويخليلك زوجك وولدك ويرحم الوالد يارب ولايريك مكروه بعزيز ..
كل مافكرتي بهالشي استغفري واسألي الله ماتريدين والله يعطيك ماتتمني
عادي انا السنه اللي راحت مرره حلمت أني أناظر في نفسي بالمرايه وأشوف نفسي عورا و صار تفسير حلمي أن واحد من أخواني بيموت و حمدلله بسم الله عليهم ماصار لهم شي والله يخيلهم لي ..اذكري الله واستغفري وإن شاء الله يطمئن قلبك
ياقلبي اذكري الله وروقي ولن يصيبنا إلا ماكتب الله لنا وياريت تروحين لمعالج نفسي اكيد بيساعدك الله لايحرمك ولايحرمني من غالي..
(سناء)
•
نعومه.. :
فديت قلبك وربي نفس حالة امي هي فقدت ابوها وعمره عشر سنوات ومن يوم ماخذت ابوي وخلفت سارت تخاف بالحيل وماخلت طبيب نفسي إلا وراحته ومابه شيخ الا وقرأ عليها ياقلبي عيشي حياتك واستودعي زوجك و ولدك الله@فديت قلبك وربي نفس حالة امي هي فقدت ابوها وعمره عشر سنوات ومن يوم ماخذت ابوي وخلفت سارت تخاف...
فدااك اللاش يالغلاااا الله يكون بعون ميمتك والله حاسه فيهااااا
ماقدرت اتخلص من هالشئ ماهو مخلي لحياتى طعم
الله يشفينا وكل المؤمنين والمؤمنات ويريح بالنا يارب
والله يالغلا اعرف ان كل شئ بيد الله ولا راد لقضااءه بس المشكله بداخلي ولا الموت مايخاف منه الا قليل الايمان
الله المستعان
الصفحة الأخيرة