انا حساسة بزيادة ؟ كيف اتعامل مع مثل هالمواقف

مرحبا بنات كيفكم ؟ كل عام وانتم بخير جميعاً
الحمدلله انا سعيدة بحياتي ومع زوجي وبعيد عن اهله بمدينة ثانيه
ومو منغص علي شي الا امور الحياة اللي كلنا نواجهها احس بس في سالفه مادري دايم تكدرني
بنات انا اهل زوجي مره مالهم وجود بحياتي ولا حياة عيالي ليه ما ادري ؟ وهالفتره عيد ويتعازمون مع سلفتي وانا والله مره ساحبين علي مررره مع ان تعاملي معاهم افضل منها بكثييير وبشهادتهم بس عجزت افسر تصرفاتهم مهما حاولت اتقرب منهم مايبون ابداً يبون الوضع رسمي جدا جدا والله توني راجعه من سفرة وانبسطت الحمدلله بس مافيهم اللي قالت حمدلله ع السلامة ابداً بالعكس .. انا عادي حياتي مو واقفه عليهم بس يعني انا بشر يحز بخاطري هالنبذ لي ولعيالي بهالشكل ! يعني يطلعون شاليهات يعزمون سلفتي وانا لا يمدحون عيالها ويتواصلون وانا وهي ماذيتهم وبنفسي شايفه شرها عليهم بس يمكن لانها قريبتهم مره وانا لا ؟ ماع ف عجزت والله معاهم وعزيت نفسي خلاص كنت اكلمهم واقسم بالله من تزوجت للان ولا مره اتصلوا علي حتى لو اولد حدهم يباركون واتس او لاخوهم ! عيالي والله والله ماعمرهم سالوا عليهم ابد يمرضون يصحون اي شي ابد ماعمرهم حتى جاملونا .. يعني يشهد الله حاولت القرب بس مقفلين على انفسهم مره من ناحيتي مايبون وان صار وتقربنا قاموا يحرضونه علي من تحت لتحت ويغارون جدا .. انا الان بعيده وطبعا انا عايدتهم جميعا محد فكر منهم يعايديني بس من باب اني الاصغر سنا .. زوجي رائع مع اهلي وهم يحبونه مره مره وعلاقتهم حلوه وكان ودي اكون نفسه مع اهله بس الله يمكن جنبني اذاهم ..
انا من قبيله غير وانا اختيار زوجي واهلي ومجتمعي دايم يستغربون عدم وجودهم بحياتي بهالشكل .. ودايم خالاتي وحريم عماني يحرجوني بالسؤال عنهم خصوصا انهم مايتواصلون مع اهلي نهااااااااائيا بس ابوي زوجي معي ومع ابوي وكذا ( طبعا زواجي عن طريق ابوي مو شي ثاني الحمدلله كان معه بالدوام )
هو طبعا بيروح لهم قريب .. وبدوننا .. بس ابي اعرف كيف اطنش هالشي يعني والله غصب عني متضايقه ليه مايعزموني ولا يبوني والله ماسويت لهم شي ابد انا بعيد عنهم مادري الفت نظره قبل يروح لهم ولا اسحب واطنش خلاص ؟
طبعا ماودي اصدمكم ان عيالي ( صغار )
لو يمشون بالشارع عمانهم مايعرفونهم من شدة القطاعه وعدم الاهتمام وحتى عيالي مايعرفون اسماء عيال عماتهم ولا يعرفون شكلهم حتى متخيلين من تزوجت يمكن ماشفتهم الا 12 مره بس وكلها باصرار مني اروح ويجاملوني خفيف بوجهي وبعدين خلاص ..
طبعا هم يعرفون زوجي ويحبونه وقت الفلوس بس والعيديات واي مناسبه يعني فقط وهو بنفسه عارف هالشي ..
الله يصلح الحال بس