ولوتقدري تتركي العمل افضل
الله يهديهم

كنت مثلك الله يعينك

ولد وبنت وماكان عندي شغاله وكنت صغيره

الحين كبرو وشقاهم يكبر معهم الله يصلحهم

سبحان الله كانك تتكلمين عني
انا عندي بنتين صغار وجننوني
بس انا احاول انظم وقتي قد ما اقدر
اولا اخذت اجازة من دوامي
ثانيا انيم الشغاله الساعه 11 ونص
وتصحى الساعه 5 عشان عندي عيال يروحون
المدرسه
واجلس انا مع البنات الي عمرها 3 والي عمرها 5 شهور
طول اليل واتعب حيل معاهم بس شسوي اصبر
اجلس انا وهم عند التلفزيون والنت
وجبت لصغيره سريرين واحد اسحبه وين ما ابي
وواحد بغرفتها
واجلسها بسريرها عندي عند التلفزيون واهزها وارضعها
واغير لها
واختها تلعب وتصيح وتخرب والحق وراها
المهم انا وهن طوال اليل ملاحق
بس مااخاصمهن احاول اعطيهن الحنان قد ما اقدر
لانهن صغار ما يفهمون
المهم والساعه خمسه تجي الشغاله وتاخذ الصغيره مني
وانا اجلس مع الكبيره واحيانا تكون الكبيره قد نامت
وتخيلي احيانا تنام باليل ع الساعه 1 وتصحى 2 ودوريها
متى تنام
المهم اصحي زوجي واولادي الصلاة واجهز لهم الفطور
واخذ بنتي الصغيره والعبها ويبوسونها العايله كلهم
وبنتي معاي واجهز اختها الي تروح المدرسه وامشط شعرها
وابسط اولادي واضحكهم وابوسهم واطلع معاهم الين مايروحون
واودعهم عند الباب هم وزوجي
وبعدها ارجع لبناتي الين ما ينامون واسحبهن معاي
غرفتي واسكر الباب وانام والشغاله ترتب وتغسل البيت
وتجهز الغدا ما اقدر اصحى اجهزه
واذا صحت الصغيره ع العشره او اقل اوديها غرفتها واطلب من الشغاله
تخلي كل شيء من ايدها وتجلس معاها واستودع الله فيها
وارجع انام مع ان بنتي الكبيره دايما تبكي بالنوم
وتصحيني واهديها وارجع
واروح لغرفة بنتي الصغيره كل ساعه الين الساعه 12ونص
يرجعون عيالي استقبلهم ويتغدون وينامون
وانتظر جيت زوجي ويجي ويتغدى واحيانا لا وينام
واحيانا ما ينام وهذا اليوم الي ما ينامه اتعب لاني ما اعرف انام
وهو صاحي
المهم ارجع انام الظهر الى العصر واصحى واجلس مع زوجي ع القهوة والشاهي
واولادي ويمر اليوم مثل امس وهكذا
واحاول
نطلع كل خميس عشان نغير جو
وباقلك شيء انا مجهزه غرفة كاملة لبنتي الصغيره
مدفيتها زين وبها سريرها واغراضها والهزاز وكل شيء
وطول اليوم واليل كل ما نتعب من الصغيره نعطي الشغاله
وتجلس معاها بغرفتها واحرص على نظافة وترتيب غرفة بنتي
وغرفتي ارتبها بنفسي وارتب غرفة عيالي لما تنخرب وسط اليوم
بجد نومي قليل ومقطع مو باليل من ولدت ببنتي وانا ما نام اليل
بس ممشيه اموري والحمد لله
جد البيت ينحاس والشغاله ما تلحق بس انا اساعدها ارتب
واشيل وارم الي على الارض واحاول قد ما اقدر يكون
بيتي مرتب
انا انتظر لين يصير عمر بنتي 8 شهور هذاكم الوقت اعودها النوم باليل
يعني هيء مسالة وقت اصبري وتحملي ورتبي وقتك
الشغاله تنام وانتي تسهرين والعكس عشان ما يصلح تنامون وقت واحد
حاولي تستفيدين من برنامجي لو زان لك
هو صح مخلبط او مو طبيعي بس صدقيني انسب شيء
للي مثل حالتي وحالتك
ولا تحملين انتبهي والله يعينك
اسفه طولت عليك بس والله حسيت بك وبمعاناتك

انا نفس معاناتك بالضبط بس انا ماعندي شغاله
وزوجي مايبعى يشوف شعره حايسه بالبيت يبغى كل شي بمكانه
وهالاسبوع متهاوشين انا واياه انا معاد فيني طاقه اسوي شي اركض ركض وهو مو شايف شي قسم افكر انحاش بيت اهلي
هو يبي والعيال يبون والبيت يبي اشيااااااااااااااء بس خليها على ربك
الله يكون بالعون بس

الله يكون بعونك

انا عندي بنتي قريت تخلص 3شهور والله العظيم من ولدتها ما انام في الليل وبا لنهار كل شوي تقوم

ونومها خفييييييييييييييييييييييييييييييييييييييييييف جدا