السلام عليكم
خواتي انا حلمت حلم من يومين باني كنت بالسوق واخذت قميص احمر وبعدين يت وحده تركض وراي بسكين وانا انحاش منها لين وصلت لجدار كبير مبني من طابوق وحاولت اتسلق بس ماقدرت بس بالاخير هربت من اللي تلحقني فسرلي مفسر الاحلام انه القميص زوج وانه هاللي تلحقني هذي وحده راح اخذ حقها انا استغربت من الحلم وحاولت ادور اي بنت شرت مني شي وماخذت حقها كامل هالكلام بصراحه ضايقني وايد لاني مااحب تكون حقوق للناس عندي لانها امانه برقبتي لي يوم الدين وصعقت لمن عرفت تفسير الحلم انا كنت مكلمه اللي معاي بالدوام بخصوص اغراض شاريتهم من بنت ومن موقع بنفسي وقلت اوريها الاغراض عشان تشوفهم وتحكم عليهم اللي حصل اني تركت الكيس وبعدين اكتشفت انه في منهم غرض ناقص ودورت ودعيت بدعاء الضاله بس مالقيت شي والبنت اللي معاي بالدوام مسكره جنطتها على غير العاده فقمت شكيت فيها صراحه ولا قلت لها المهم لمن يت قلتلها في شغله ضاعت وانا ادورها وقامت تدور معاي طبعا خلص الدوام ومشيت تدرون شنو حصل لمن رديت البيت اكتشفت اللي ادوره بويهي على التسريحه محطوط واله انصعقت وصراحه ماادري شسوي انا ظلمتها وهذا تفسير الحلم اللي ابيه انها تحللني من ظلمي لها بس مااقدر اقولها اسفه طولتها واهي قصيره بس حبيت تعرفون الموضوع من اوله والله احس اني ظلمت البنت بشكل كبير
دبروني شسوي انا راح اشوفها مره ثانيه ان شاء الله يوم الاحد لانه دوامي يوم السبت اوف واليوم اوف المصيبه اني كنت اقولها الحلم بليلتها وكنت اقولها لايكون انتي شايله علي بقلبج شي فقولي لي قالت مستحيل اشيل عليج بقلبي :(
حسبي الله العظيم @hsby_allh_alaathym
كبيرة محررات
يلزم عليك تسجيل الدخول أولًا لكتابة تعليق.
أنتي ما قلتليها انج شكيتي فيها، يعني هي ما عندها اي إحساس انج شاكه فيها؟
إذا انتي ما لمحتي لها بالشك فلا تغثينها بالموضوع حرام، أما إذا انتي خايفه انها حست
بشكج فيها اول ما تداومين قوليلها انج لقيتي الغرض وهي بترتاح وخلاص
والحمدلله هذا تنبيه من رب العالمين عشان لاتشكين واحس انه انتي خيره وربج يحبج
لأنه سبحانه نبهج ووضح لج الأمور. الله يديم هالإحساس الطيب فيج يا رب
إذا انتي ما لمحتي لها بالشك فلا تغثينها بالموضوع حرام، أما إذا انتي خايفه انها حست
بشكج فيها اول ما تداومين قوليلها انج لقيتي الغرض وهي بترتاح وخلاص
والحمدلله هذا تنبيه من رب العالمين عشان لاتشكين واحس انه انتي خيره وربج يحبج
لأنه سبحانه نبهج ووضح لج الأمور. الله يديم هالإحساس الطيب فيج يا رب
لا مابكلمها انا واوضح لها اني شاكه فيها ولا بينت لها اني شاكه فيها بس قلتلها قبل لا امشي اذا لقيتيه طايح بليز تخشينه لي بمكان عشان لاياخذونه عاملات النظافه وسلمت عليها وطلعت وهي حساسه اصلا لو اقولها تروح فيها بسم الله عليها لانه من اول مره شفنا بعض ارتحنا لبعض واهي قديمه بالشغل وانا توني يايه يديده معاها ومستانسه فيني تنطرني قبل الشفت بالساعه عشان نقعد مع بعض يعني ثقتها فيني بتهتز من هالموضوع وماراح ينفع لانه شفتاتنا مع بعض يعني جدولي صاير مع جدولها وصراحه مابي افقد صداقتها واخوتها
ههههههه ياحليلك ايش تقولين لها ترا انا شكيت فيك انك سرقت من اغراضي هذا درس لك اختى عشان ماتظلمين احد بس لاتعلمينها بتصير بينكم حساسيات
خخخخخخخخخخخخخخخ تصدقين يت على بالي بس ماسويتها كنت اقول اذا اهي العوض من الله اصلا مابتجرا واقولها هالكلام شلون اقولها بس صراحه توبه من بعد هالنوبه
الصفحة الأخيرة
الله يهديك لا تحطين الحلم ببالك
ويارب خير