انا حلوه..انتي حلوه..تبغي نصير احلى؟؟تعالي هنا

السلام عليكم ورحمة الله وبركاته

كيف احلى صبايا ب احلى منتدى اليوم؟؟

يارب الكل يكون بخير وصحه وسعاده

بنوتات اليوم انا عندي موضوع يمكن مايرتاحولو كثير ويحسوه مو مهم مره بس والله يابنات هوا اهم شي في الحياة وهوا اصلا اساس الحياة

قال تعالى: "وجعلنا من الماء كل شيء حي"

سبحان الله

احنا يابنوتات نراكض ورا الخلطات مع انو نعرف انو كل شي مرتبط بالي جوا البطن
وبرضو نعرف انو سر البشره الحلوه ((الترطيييييييييييييييييييييييييييب))

المهم


((يتكون جسم الانسان من نسبة عالية من الماء فوزن الجسم يحتوي على 60% من وزنه ماء ودم الانسان على 80% من وزنه ماء وعظام الانسان تحتوي على 20 % من وزنها ماء وعضلات الانسان تحتوي على 80% من وزنها ماء ودماغ الانسان تحتوي 85% من وزنها ماء ))

الي ابغى اقولو

انا بصراحه مااشرب مويا بالمره اذا عطشت شربت بيبسي او ايا شي غير المويا((فين وفين اشرب مويا))
اذا مرضت((الله يعافينا جميع ويبعد عنا التعب)) ذاك الوقت اشرب بس بعد ايش؟
تعرفوا؟؟؟
اكيد ماتعرفوا انو انا رحت لطبيبة جلديه عشان شفافي مافيهم لون قالتلي ((لانك مابتشربي مي))
قلت لها بشرة وجي ع طول شكلها تعبانه بالذات لمن مااكون نايمه تمام
قالت ((اكيد بيكون م التعب بس كمان انتي لو بتشربي مي منيح مابيبين عليكي التعب كتير))
قلت لها عشان الهالات السودا يلي تحت العيون
كمان قالت لي ((ماانتي مابتشربي مي المي كتيييييييييييييييييير مهم))


قالت ليا ف الآخر ((جربي تشربي مي منيح وبعدا تعي اشكيلي))

يابنوتات
انا كتبت الموضوع اليوم لاني عارف انو في كثير نفسي مابيشربوا مويا
فقلت ليش مااكتب موضوع نحاول فيه كلنا انو نشرب مويا ونكتب يلي يصير معانا
كل يوم نشرب مويا ((كميه اكبر م الي كنا بنشربها))
يعني
لو ب العاده نحنا نشرب باليوم كوب مويا((مرات يعدي اليوم من غير مااشرب))

بكره نشرب 3 اكواب مويا

الاسبوع الجي نشرب 5 اكواب باليوم

الي بعدو 8 اكواب وهوا المطلوب

نشوف النتيجه انا اكيده انو ح تتغير اشياء كثيييييييييييييييره فيا وفيكي وف الكل


ع فكره يابنوتات

تخيلوا انو لو كنا نشرب باليوم 8 اكواب مويا((2لتر باليوم)) ومتلا شربنا كوب بيبسي المفروض نشرب كوب مويا زياده لييييييييييييييييييييييييييييييش؟
انا اقولكم
لان البيبسي والشاي والقهوه كلهم اشياء مدره للبول((عزكم الله))

المهم انو لو شربنا باليوم 5 اكواب شي منيح ذا بيكون.

انا كتبت الموضوع وانا مرررررررررررررررررره متحمسه انو نساعد بعضنا خلونا نجرب ماتكسروا بخاطري...

احبكم بجنووووووووووووووووووووووووووووووووووووووووووووووون

يلا ياحلوات عطوني رأيكم قولوا لاتستحوا

اكيد ح ارجع واتمنى الاقي الردود الي تشرح الصدر