اولا احكيلكم ازاي اكتشفته القصه ان ليا وحده صحبتي وشها اسوء مني كمان وكنا بنجرب كل شيء ومفيش فايده من اول الريتن ايه الي يقشر ويبهدل ويصلح شويه وبعدين كله يرجع زي الاول للبنوكسي5 وكل ما يخطر على بالكم
المهم يا قمرات انشغلنا في الدنيا انتوا عارفين العيال والبيت والحياه وقابتها بعد كده لقيت وشها تبارك الله ولا حبه ولا اي اثار طبعا مسبتهاش وعرفت عملت ايه وجربته والحمد لله يارب:icon28: وشي الان خف كل شيء فيه وراح لان كانت نفسيتي زفت من وشي:( وقلت اقولكم عشان انا عارفه النفسيه بتكون عامله ازاي وانتي شايفه وشك كله بقع وحبوب المهم طولت عليكم
صاحبتي دي راحت لدكتور كبير في مدينه نصر وكتبلها التالي
اولا في الصبح كريم فيوسيدين وهو مضاد حيوي عشان الحبوب طبعا دا معروف
وبليل الكريم الي انا حكيت عليه وعلى فكره الدكتورقالها هيشيل اي شيء في وشك من بقع او اثار لانه بيتوصف لازاله حب الشباب واثاره واثار العمليات والحروق يعني فتااااك وكمان مبيقشرش زي الريتن ايه
وهو اسمه unitone وهو مستورد فرنساوي وسعره 60 جنيه
جربوه والله روعه وهتنبسطوا جدا من نتيجته بس اهم شيء ادعولي يا بنات حتي لو مردتوش ادعولي في قلبكم ولو بكلمه وربنا شاهد اني والله مجرباه واني عاوزالكم الخير بس
وماادري ينفع لاثار حبوب الظهر والا لا ؟