عسوله الدمام @aasolh_aldmam
كبيرة محررات
انا خالتج ياللي تشتكين مني بالمنتدى
ربيت ولدي عمري كله وعطيته احلى سنين عمري -- كنت اضحك لضحكه وابكي لابكى
وكل يوم يكبر يكبر حبي وياه ويكبر خوفي عليه -- احسه قلبي اللي بين صدري يمشي ع الارض ..
ومرة كنت قاعده بريحاتي بغرفتي اسبح واستغفر دخل علي وخديداته حمر وقالي وهو يبتسم : يمه ابي اتزوج !!
غرورقت عيني بدمعي وحسيت بتجاعيد الزمن ع اطراف عيوني وابتسمت وانتبهت : ولدي قلبي كبر وصار ريال وانا ماحسيت !
يافرحتي فيك وانت معرس وانت اب يابعد عيني وعمري -- ضميته -- ورحت اختارله بنفسي بنت تصونه وتخدمة واسال اللي اعرف ابيها حلوة ابيها خلوقة ابيها متدينة ابيها بنتي !!
وبليله العرس فليت شعري جدامة ورقصت >> يابعد زول امك
والفرحة صارت بعيني اسم !! اللي بقلبي شي مايتخيله انسان -- كان يوم عرسه يوم عيد لها عجزت حتى انام !!
يابنتي يازوجه اغلى مخلوق بعيني -- انا ماغار -- ؟!
انا غير عنج -- انا لي فكري ولي احساسي -- ودي احطج وياه داخل عيني واعجز --
يازوجة اغلى مخلوق بعيني -- لابغيتي تشتكين من اسلوبي وياج ولابغيتي تتمنين فرقاي ابيج قبلها تشوفين العمر اللي ارتسم ع محياي -- والذكريات اللي انزرعت بجوفي مع زوجج اللي هو عمري وكل حياتي !!
تحمليني -- انا ضيفة بعد ماقرب يخلص المشوار وصرت ع اعتاب نهايةالعمر --
تحملي خوفي -- تحملي تدخلاتي -- تحملي نظراتي ونغزاتي -- انا اغلط -- بس دميعاتي تالي الليل لاحسيت بضيقة الدنيا علي ماتشفعلي لما ادعيلكم واتمنى اشوف السعاده وياكم --
يازوجة اغلى مخلوق بدنياي -- لو اميمتج مثل صفاتي ؟ شلون بتعاملينها ؟
لو اميمتج مثل خالتج اللي تقولين عنها يم رفيجاتج النسرة والله اتمنى اليوم اللي افتك فيه منها مثل اميمتج شلون بتعاملينها ؟
شلون يكون كلامج عنها حتى بظهرها ؟
الغلط فيه مني ! وفيه منج ؟ بس انت اقدر على بري وعلى الصبر على احساسي !!
تحمليني -- وتذكري ان ايامي ماراح تكون طول اللي راح من عمري ؟
وتذكريني لما كان زوجج بحضني اناغيه واسهر الليل اداريه مااستحق يعني تصبرين ع بري ؟!
وصدقيني ابتسامة صدق منج تكفيني -- وفنجال قهوة بالضحى لخاطري صبيتيه يكفيني ، ولو عرفتي سر طيبه قلبي ماعرفتي الفرق بيني وبين امج لحظتها ؟!
همسات خاله -- شيب راسها لما قرت شكاوي الزوجات
منقوووووووووووووووووووووووووووووووووووووووول
10
1K
هذا الموضوع مغلق.
مشكوره ع النقل ومعاك حق المفروض نعاملها مثل الام لانه مهما كان كبيره بالسن وواجب علينا احترمها الله ينولك اللي في بالك ويرزقك الذريه الصالحهمشكوره ع النقل ومعاك حق المفروض نعاملها مثل الام لانه مهما كان كبيره بالسن وواجب علينا...
مشكوره اختى بصراحه دعوتك على افتح نفسي
مشكوره عالنقل وجزاك الله خيرا ورزقك الذريه الصالحه ياربمشكوره عالنقل وجزاك الله خيرا ورزقك الذريه الصالحه يارب
يارب مشكوره اختى
الصفحة الأخيرة
الله ينولك اللي في بالك ويرزقك الذريه الصالحه