انا خايفة ..

السلام عليكم ورحمة الله وبركاته

بنات حبيباتي انصحوني كيف ابتعد عن قراءة المشاكل جابت لي خوف شديد من زوجي ومن حياتي

لدرجة مرات اكره زوجي واكره نفسي لاني اظلمه كثير

ومرات احلم احلام مزعجة واشك فيه

المهم الاساس من فتحي لهالموضوع مش بس خوفي لكن موضوع البارح امي كلمتني فيه والى الان مو مصدقة معقوله الناس وصلت لهدرجة ..

بنت خوية امي بنت صغنونه عمرها تقريبا 25 سنة تزوجت من يوم عمرها تقريبا 18 عاشت مع زوجها لكن بمشاكل لان مره ماعنده شخصيه وجابت منه ولد طلقها ثم رجعها مره ثانيه وحط لها شقه لحالها .

لكن اهله وامه ما يبونها واصرو على المشاكل فرجع طلقها وظل الولد بين امه وابوه .
ولانها صغيره اكيد كانت تنخطب بس كله مطلقين او كبار بالعمر .
لحد ماخطبها واحد مطلق وعنده ولد عند طلقيته .
وتزوجت البنت والكل فرح امها مسكينه كانت طايرة من الفرحة وجابت لامي تشوف صورها .
البارح امي تكلمني تقول بنت فلانه تطلقت من زوجها الثاني وهي حامل مسكينة
انا استغربت مو مستوعبة بنات بعمرها لسا ما تزوجو وش السالفه قالت لي زوجها الثاني راعي بنات وغزلجني حاولت تتحمل لكن الادهى والمصيبة جايب طلقيته ونايم معاها في شقتها وشافتهم هالبنت المسكينة .
وطبعا قالت مااقدر اتحمل وطلبت الطلاق وتطلقت وبعد الطلاق اكتشفت انها حامل .
واللي اعرفه انه زوجها الثاني مطلق زوجته لانها اساسا وحده مو كويسه .
راسي لف مو قادره استوعب ناس ماتخاف الله كذا وتجاهر بالحرام وحزنتني مره البنت يارب ليه الحياة مرات قاسيه كذا .

وربي لا تلوموني مرات اخاف على نفسي على حياتي على بيتي وزوجي من هالبلاوي اللي نشوفها ونسمعها .

مجرد فضفضه