انا خايفة من صديقتي

حبيبتي انكري و انكري و انكري و لا تقعدين اسيرة نفسك اولا و لا اسيرة احد فاهمه


او اسيرة كلمه انهضي بنفسك خلاص انسي و عيشي حياتك مالك دخل في احد كائنا من كان


تعوذي ب الله منها و من شرها و لا تنسين اذكارك و خلاص ما احب البنت الضعيفه ابدا

كيف أنكر قسم بالله تندمت أشد الندم ولا نمت زين المشكلة خبرت بنات قالوا لي انتي اعطيتي أسرارك اذا اعطيتي اسرارك انتي غبيه قلت م أعطيت وبصراحة انا أعطيت لان خبلة شوروا علي كيف أنسى

مثل ماقالت الأخت انكرررررررري ايوه انكرررري
اجل ودك تترجي فيها !!!! وهذا طلبها
هذي اسرار ومحد يعرفها وان طلعتها محد بيصدقها
وان جاك الكلام سوي نفسك اول مره تسمعي هذا الكلام
وأنك مصدومه قولي وش هالكلام متى صار وأزعلي قدامهم سوي نفسك مستغربه
لو مهما تشوفي احد طيب ومتعاطف معك
سرك مايطلع ابدأ
ولا تعترفي بعدين لوحده انك طلعتي أسرارك
لصديقتك وهي نشرت الغسيل
وبالنسبه لصديقتك لا تذلي نفسك لها نهائي
هي حاسه انها ماسكتك من اليد اللي توجعك
وحتى لو دارت على البنات وحده وحده
ماتترجيها نهاااااائي
ان شفتيها امسحي بكرامتها وياليت قدام البنات عشان يصدقونك وتطلع هي الكذابه والمفترية
وربي لو كنت مكانك لاطبق كلامي واشرشحها قدام البنات /منها اطلع اللي بقلبي عليها ومنها يصدقوني😂
وهذا اعتبريه دررررررررس سرك خليه لنفسك
محد يجي احس منك ويحفظ كلامك
حابه تفضفضي عن أسرارك أقولك كيف
اكتبي كل شي نفسك تقوليه بورقه واذا خلصتي
قطعيها وارميها كذا ترتاحي

طيب ي بنات انا متزوجة اقصد تكلمت عن زوجي اذا زعلت منه واذا ضاق صدري كلمتها وفضفضت لها عشان م اضايق اهلي انا عارفه أني غلطت المفروض اول شيء اشتكي لله وحده ومقصرة بس ي بنات خايفه تروح تتكلم عند جماعتي ويوصل الكلام لهم مثلا تقول كانت تقول عن زوجها كذا وكذا

^^ لا يابنت الحلال مايجي هالكلام ، يعني خايفة منها اكثر من خوفك من الله سبحانه ؟ خليك قوية هذا الوقت انك تصيري قوية خلي تقول وتنقلع قوليلها ما اصدقك وكذابة ومفترية! وخليك واثقة بنفسك لاتتوتري ولاتردي عليها بس انكري زي ماقالو البنات ، وذا عندك مشكلة لو كان فيه احد من اهلك اشتكيله وارتاحي امك مثلا، واذا لاسمح الله مافي عالاقل استسفري البنات اللي هنا ، ماغلطتي انتي سويتي الصح حسبتيها صديقة حقيقية تروحي عندها وقت الضيق بس ماطلعت كفو وطلعت حقيرة ومو بنت اشراف!! لاتحطي راسك براسها ولاتخافي منها ، الخوف من الله وحده ، وهو اللي يستر عليك : ) انكري وااغسلي يدك منها وان شاء الله مابيصير الا الصح ، فكري الاشياء الزينة اللي بتصير بدل ماتركزي عالجوانب السيئة وتوكلي على الله